Corruption Case: सेबीच्या माजी प्रमुख Madhabi Puri Buch आणि इतरांना तूर्तास दिलासा; FIR दाखल करण्याच्या कारवाईला मुंबई उच्च न्यायालयाची स्थगिती, उद्या सुनावणी होण्याची शक्यता
शनिवारी दिलेल्या आदेशात, मुंबईस्थित विशेष एसीबी न्यायालयाचे न्यायाधीश शशिकांत एकनाथराव बांगर म्हणाले, ‘प्रथमदर्शनी, नियामक त्रुटी आणि संगनमताचे पुरावे आहेत, ज्याची निष्पक्ष चौकशी आवश्यक आहे.’ त्यानंतर त्यांनी एफआयआर दाखल करण्याचे आदेश दिले.
शेअर बाजारातील कथित फसवणुकीप्रकरणी, आपल्याविरुद्ध एफआयआर नोंदवण्याचा आदेश रद्द करावा, यासाठी सेबीच्या माजी प्रमुख माधबी पुरी बुच आणि इतर पाच जणांनी मुंबई उच्च न्यायालयात धाव घेतली आहे. सेबीच्या माजी प्रमुख आणि इतरांनी दाखल केलेल्या याचिकांवर मुंबई उच्च न्यायालय 4 मार्च रोजी सुनावणी करणार आहे. तोपर्यंत विशेष न्यायालयाच्या आदेशावर कोणतीही कारवाई करू नये, असे एसीबीला सांगण्यात आले आहे. याआधी मुंबईतील एका विशेष न्यायालयाने लाचलुचपत प्रतिबंधक विभागाला (एसीबी) शेअर बाजारातील कथित फसवणूक आणि नियामक उल्लंघनांसाठी, सेबीच्या माजी अध्यक्षा माधबी पुरी बुच आणि इतर पाच अधिकाऱ्यांविरुद्ध एफआयआर नोंदवण्याचे निर्देश दिले होते.
शनिवारी दिलेल्या आदेशात, मुंबईस्थित विशेष एसीबी न्यायालयाचे न्यायाधीश शशिकांत एकनाथराव बांगर म्हणाले, ‘प्रथमदर्शनी, नियामक त्रुटी आणि संगनमताचे पुरावे आहेत, ज्याची निष्पक्ष चौकशी आवश्यक आहे.’ त्यानंतर त्यांनी एफआयआर दाखल करण्याचे आदेश दिले. या आदेशाविरुद्ध माधबी पुरी बुच आणि इतरांनी उच्च न्यायालयात धाव घेतली. हे प्रकरण न्यायमूर्ती एसजी डिगे यांच्यासमोर सादर करण्यात आले आणि उद्या त्यावर सुनावणी होण्याची शक्यता आहे. या प्रकरणात सहभागी असलेल्या सेबी अधिकाऱ्यांच्या वतीने सॉलिसिटर जनरल तुषार मेहता उपस्थित राहिले. बॉम्बे स्टॉक एक्सचेंज (BSE) च्या दोन अधिकाऱ्यांची बाजू वरिष्ठ वकील अमित देसाई यांनी मांडली. हा खटला 1994 मध्ये बॉम्बे स्टॉक एक्सचेंजमध्ये एका कंपनीच्या नोंदणीशी संबंधित आर्थिक फसवणूक आणि नियामक उल्लंघनाच्या आरोपांशी संबंधित आहे. (हेही वाचा: Man Suicide Due to Stock Market Loses: शेअर बाजारात 16 लाख रुपयांचे नुकसान; नाशिकमधील 28 वर्षीय तरुणाची आत्महत्या)
सेबीच्या माजी प्रमुख माधबी पुरी बुच आणि इतरांना तूर्तास दिलासा-
Bombay HC agrees to grant urgent hearing to #SEBI, BSE’s plea against FIR order in Cals Refineries case. High Court issues oral directions restraining registration of FIR till hearing of plea on March 4
Alert: ACB Court had directed registration of FIR against Madhabi Puri Buch,… pic.twitter.com/s6mIaf7H3Z
— CNBC-TV18 (@CNBCTV18Live) March 3, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Mar 03, 2025 01:37 PM IST. For more news and updates on politics, world, sports, entertainment and lifestyle, log on to our website latestly.com).
