Mumbai-Delhi School Bomb Threat: मुंबईनंतर आता दिल्लीच्या शाळांनाही धमकीचा ईमेल; प्रजासत्ताक दिनाचे उत्सव रद्द करण्याची सुचना
गुरुवारी दिल्लीतीलही अनेक शाळांना बंदी घातलेल्या खलिस्तान समर्थक गट, शीख फॉर जस्टिस (SFJ) कडून धमकीचे ईमेल प्राप्त झाले आणि त्यांना प्रजासत्ताक दिनाचे उत्सव स्थगित करण्यास सांगितले.
Mumbai-Delhi School Bomb Threat: मुंबईतील जोगेश्वरी-ओशिवरा भागातील रायन ग्लोबल स्कूलला बॉम्बने उडवण्याची धमकी मिळाली आहे. ही धमकी शाळेला ईमेलद्वारे पाठवण्यात आली होती. यानंतर तातडीने सुरक्षा व्यवस्था करण्यात आली आणि परिसराची तपासणी सुरू झाली. मुंबई पोलिसांच्या म्हणण्यानुसार, पोलीस आणि स्फोटके शोधणारे कर्मचारी संकुलाच्या प्रत्येक कोपऱ्यात तपास करत आहेत. ईमेलमध्ये अफझल गँगचे नाव देण्यात आले आहे. आज सकाळीच बातमी अली होती की, राजपाल यादव, रेमो डिसूझा, सुगंधा मिश्रा आणि कपिल शर्मा यांना पाकिस्तानकडून धमक्या मिळाल्या आहेत, त्यानंतर आता शाळेला ही धमकी देण्यात आली आहे. बॉम्ब धमकी प्रकरणामध्ये कधी कधी तथ्ये नसले तरी, शाळांमध्ये अशा धमक्या अत्यंत गंभीरपणे घेतल्या जातात, कारण त्यामुळे विद्यार्थ्यांचे आणि शिक्षकांचे जीवन धोक्यात येऊ शकते. पोलीस अधिकाऱ्यांनी सांगितले की या धमकीचा स्रोत शोधण्यासाठी तपास सुरू आहे.
दुसरीकडे, गुरुवारी दिल्लीतीलही अनेक शाळांना बंदी घातलेल्या खलिस्तान समर्थक गट, शीख फॉर जस्टिस (SFJ) कडून धमकीचे ईमेल प्राप्त झाले आणि त्यांना प्रजासत्ताक दिनाचे उत्सव स्थगित करण्यास सांगितले. ईमेलमध्ये शाळांना ‘हिंसा आणि राज्य सूडाचा उच्च धोका’, अशी धमकी दिली आहे आणि शाळांना प्रजासत्ताक दिनाच्या उत्सवात सहभाग निलंबित करण्याची सूचना दिली आहे. (हेही वाचा: Kota Student Suicide: राजस्थानच्या कोटा येथे एकाच दिवशी दोन विद्यार्थ्यांनी केली आत्महत्या; गेल्या 22 दिवसात घडल्या 6 घटना)
Mumbai-Delhi School Bomb Threat:
After Mumbai Bomb Threat, Several Schools In Delhi Receive Mails To Cancel Republic Day Celebrations#Delhi #Delhibombthreat #ABPLivehttps://t.co/lE5IX9fBlM
— ABP LIVE (@abplive) January 23, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 23, 2025 05:19 PM IST. For more news and updates on politics, world, sports, entertainment and lifestyle, log on to our website latestly.com).
