Drug Case: अंमली पदार्थांच्या तस्करांवर अरबी समुद्रात मोठी कारवाई; गुजरातच्या पोरबंदरमध्ये 480 कोटी रुपयांचे ड्रग्ज जप्त, 6 पाकिस्तानी नागरिकांना अटक
तटरक्षक दलाने गुप्त माहितीच्या आधारे ही संयुक्त कारवाई केली. पोरबंदरपासून सुमारे 350 किमी अंतरावर अरबी समुद्रात भारतीय तटरक्षक जहाजे आणि डॉर्नियर विमानांनी केलेल्या समन्वित सागरी हवाई ऑपरेशनमध्ये ही बोट अडवण्यात आली.
सागरी मार्गाने अंमली पदार्थ भारतात आणण्याचा धंदा दिवसेंदिवस वाढत आहे. मात्र याबाबत सरकार आणि तटरक्षक दल सतर्क आहे. नुकतेच अंमली पदार्थांच्या तस्करांविरुद्धच्या मोठ्या कारवाईत, एटीएस, नार्कोटिक्स कंट्रोल ब्युरो आणि तटरक्षक दलाने अंदाजे 480 कोटी रुपयांचे ड्रग्ज जप्त केले आहेत. हे ड्रग्ज एका बोटीतून आणले जात होते ज्यात 6 लोक होते. मिळालेल्या माहितीनुसार ही बोट पाकिस्तानी असून त्यातील 6 जणांना अटक करण्यात आली आहे. 11-12 मार्चच्या रात्री भारतीय तटरक्षक दलाने गुप्त माहितीच्या आधारे ही संयुक्त कारवाई केली. पोरबंदरपासून सुमारे 350 किमी अंतरावर अरबी समुद्रात भारतीय तटरक्षक जहाजे आणि डॉर्नियर विमानांनी केलेल्या समन्वित सागरी हवाई ऑपरेशनमध्ये ही बोट अडवण्यात आली. यासाठी भारतीय तटरक्षक दलाने सोमवार, 11 मार्च रोजी अरबी समुद्रात आपली जहाजे रणनीतिकदृष्ट्या तैनात केली होती. ICG ने आपल्या डॉर्नियर विमानाला संभाव्य भागात बोट स्कॅन आणि शोधण्यासाठी नियुक्त केले होते. त्यानंतर रात्री परिसरात कसून शोध घेण्यात आला आणि नंतर टीमने अंधारात संशयास्पदरित्या फिरत असलेली बोट ओळखली. (हेही वाचा: Tejas Fighter Jet Facts: फायटर जेटची वैशिष्ट्ये; 23 वर्षांमध्ये पहिल्यांदाच घडला अपघात; घ्या जाणून)
In a meticulously planned joint operation, @IndiaCoastGuard intercepted a Pakistani boat carrying narcotics worth approximately Rs 480 crore in the Arabian Sea. (1/2)#ICG #MaritimeSecurity #AntiNarcotics
More: https://t.co/DoNYA0haDx@rajnathsingh@giridhararamane@HQ_IDS_India pic.twitter.com/bM3E6Ob2B0
— A. Bharat Bhushan Babu (@SpokespersonMoD) March 12, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Mar 12, 2024 08:52 PM IST. For more news and updates on politics, world, sports, entertainment and lifestyle, log on to our website latestly.com).
