Bihar Bridge Collapse Video: बिहारमधील भागलपूरमध्ये पूल कोसळण्याच्या घटना वारंवार समोर येत आहेत. शनिवारी सकाळी सुलतानगंजमधील गंगा नदीवर बांधण्यात येत असलेल्या चौपदरी पुलाचा एक भाग अचानक कोसळला. गंगेच्या जोरदार प्रवाहाने तो वाहून गेला. गंगेला पूर आणि पाण्याचा जोरदार प्रवाह असताना ही घटना घडली. या घटनेमुळे खांब क्रमांक 9 वरील सुपर स्ट्रक्चरही वाहून गेले. पूलाचा भाग पाण्यात पडताच मोठा आवाज झाला. सध्या सोशल मीडियावर या घटनेचा व्हिडिओ व्हायरल होत आहे. आगवाणी-सुलतानगंज चौपदरी पुलाचा भाग कोसळण्याची ही तिसरी वेळ आहे. यापूर्वी 30 एप्रिल 2022 च्या रात्री जोरदार वाऱ्यामुळे 5 क्रमांकाचा खांब पडला होता. यानंतर 4 मे 2023 रोजी 9, 10, 11, 12 क्रमांकाच्या खांबांच्या सुपर स्ट्रक्चरचा काही भागही कोसळून गंगा नदीत बुडाला.

पहा व्हिडिओ -

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)