Amritsar Hooch Tragedy: पंजाबमधील अमृतसरमध्ये विषारी दारू पिऊन 14 जणांचा मृत्यू, 15 जणांची प्रकृती गंभीर

Toxic liquor Kills 14 in Amritsar: पंजाबमध्ये विषारी दारूमुळे मृत्यूची आणखी एक घटना समोर आली आहे. पंजाब पोलिसांनी मुख्य आरोपीसह पाच जणांना अटक केली आहे. ज्यांची प्रकृती चिंताजनक आहे त्या सर्व लोकांना अमृतसरच्या सरकारी रुग्णालयात दाखल केले आहे. मृतांपैकी बहुतेक जण गावातील वीटभट्टीवर काम करणारे कामगार होते. या घटनेनंतर कारवाई करत पंजाब पोलिसांनी बनावट दारू पुरवणाऱ्या मुख्य आरोपीसह पाच आरोपींना अटक केली आहे.

विषारी दारू प्यायल्याने आरोग्य बिघडले, त्यांना नीट बोलताही येत नव्हते. सरकारने चौकशीचे आदेश दिले आहेत. पोलिसांनी या प्रकरणातील मुख्य आरोपी प्रभजीत सिंग याला अटक केली आहे. याशिवाय त्याच्या अन्य 5 साथीदारांना अटक केली आहे.

विषारी दारू पिऊन 14 जणांचा मृत्यू

#Amritsar pic.twitter.com/pnEIFahUZk

— NDTV (@ndtv) May 13, 2025

यापूर्वीही अशा घटना घडल्यात

पंजाबमध्ये विषारी दारू पिल्याने मृत्यूची ही पहिलीच घटना नाही, तर याआधीही विषारी दारू पिल्याने लोकांना आपला जीव गमवावा लागला आहे. गेल्या वर्षी मार्चमध्ये संगरूरमध्ये विषारी दारू पिऊन सुमारे 21 जणांचा मृत्यू झाला होता. तर, 2020 मध्ये तरनतारनमध्ये विषारी दारू पिल्याने 50 हून अधिक लोकांचा मृत्यू झाला होता.

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on May 13, 2025 10:35 AM IST. For more news and updates on politics, world, sports, entertainment and lifestyle, log on to our website latestly.com).