दिल्ली पोलिसांच्या आर्थिक गुन्हे शाखेने (EOW) सोमवारी अभिनेत्री जॅकलिन फर्नांडिसला (Jacqueline Fernandez) सुकेश चंद्रशेखरशी कथित संबंध असलेल्या 200 कोटी रुपयांच्या मनी लाँड्रिंग प्रकरणात पुढील चौकशीसाठी 14 सप्टेंबरला हजर राहण्यासाठी नवीन समन्स बजावले आहे. दिल्ली पोलिसांनी सोमवारी होणारी चौकशी पुढे ढकलली होती कारण अभिनेत्रीने तिच्या पूर्व नियोजित वेळापत्रकाचा हवाला देऊन 15 दिवसांनी तारीख मागितली होती. मात्र, दिल्ली पोलिसांनी जॅकलिनला जास्त वेळ दिला नाही आणि बुधवारी तिला तपासात सहभागी होण्यास सांगितले. पोलिसांनी जॅकलिन फर्नांडिसला तपासात सहभागी होण्यासाठी समन्स बजावण्याची ही तिसरी वेळ आहे. याची पुष्टी करताना एका वरिष्ठ पोलीस अधिकाऱ्याने सांगितले की, अभिनेत्रीला 14 सप्टेंबर रोजी सकाळी 11 वाजता मंदिर मार्ग येथील EOW कार्यालयात हजर राहण्यासाठी नव्याने समन्स बजावण्यात आले आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)