Rolls-Royce Layoff: रोल्स रॉयसमध्ये पुन्हा होणार कर्मचारी कपात; तब्बल 2,500 लोकांना कामावरून काढले जाणार
सध्या तरी Rolls-Royce ने नोकऱ्या कपातीबद्दल कोणतेही तपशील दिले नाहीत, परंतु अहवालानुसार, यूकेमध्ये शेकडो बॅक-ऑफिस नोकऱ्या प्रभावित होतील.
जगातील आघाडीची अभियांत्रिकी कंपनी Rolls-Royce ने मोठ्या खर्चात कपात करण्याच्या उपक्रमाचा भाग म्हणून आंतरराष्ट्रीय स्तरावर 2,500 हून अधिक लोकांना काढून टाकण्याची योजना जाहीर केली आहे. कंपनी जगभरात 42,000 लोकांना रोजगार देते व यामध्ये जवळजवळ निम्मे कर्मचारी यूकेमध्ये आहेत. जानेवारीमध्ये तुफान एर्गिनबिल्जिक हे कंपनीचे मुख्य कार्यकारी झाल्यानंतरचे त्यांचे हे मोठे पाऊल आहे. कोरोना महामारीच्या काळात एअरलाईन्स बंद पडल्यानंतर रोल्स रॉइसची आर्थिक कामगिरी घसरली होती, परंतु गेल्या वर्षी आंतरराष्ट्रीय हवाई प्रवासात सुधारणा झाल्याने त्यात पुन्हा सुधारणा झाली आहे.
द गार्डियनने दिलेल्या वृत्तानुसार, कंपनीने लांब पल्ल्याच्या प्रवासावर लक्ष केंद्रित केले आहे, याचा अर्थ ती कमी पल्ल्याच्या विमानांसाठी इंजिन बनवणाऱ्या स्पर्धकांपेक्षा मागे पडली आहे. सध्या तरी Rolls-Royce ने नोकऱ्या कपातीबद्दल कोणतेही तपशील दिले नाहीत, परंतु अहवालानुसार, यूकेमध्ये शेकडो बॅक-ऑफिस नोकऱ्या प्रभावित होतील. जर्मनीमधील ऑपरेशन्सही वाईटरित्या प्रभावित होण्याची अपेक्षा आहे, जिथे कंपनी 11,000 लोकांना रोजगार देते. कंपनी डर्बीमध्ये 13,700, ब्रिस्टलमध्ये 3,400 लोकांना रोजगार देते आणि लँकेशायर, ग्लासगो, टायने अँड वेअर आणि रॉदरहॅममध्ये त्यांची लहान तळे आहेत. (हेही वाचा: Layoff 2023: फोर्डने 330 तर जनरल मोर्टासने 165 लोकांना कामावरुन काढून टाकले)
Rolls-Royce, the British manufacturer of aircraft engines, said Tuesday it plans to axe up to 2,500 jobs worldwide, or about six percent of its staff, to further slash costs.
— AFP News Agency (@AFP) October 17, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Oct 17, 2023 08:17 PM IST. For more news and updates on politics, world, sports, entertainment and lifestyle, log on to our website latestly.com).
