Vande Bharat Express Worm Case: वंदे भारत एक्स्प्रेसच्या नाश्त्यात किडा आढळल्याने संताप
पाटणा-हावडा वंदे भारत एक्स्प्रेसमध्ये नाश्त्यात मृत किडा आढळल्याचा दावा करण्यात आला. त्यानंतर आम आदमी पक्षाने रेल्वेमंत्री अश्विनी वैष्णव यांच्यावर निशाणा साधला आहे.
Vande Bharat Express Worm Case: पाटणा-हावडा वंदे भारत एक्स्प्रेसमध्ये प्रवास करणाऱ्या एका प्रवाशाने नाश्त्याच्या पाकिटात मेलेला किडा आढळल्याचा दावा केल्यानंतर संताप व्यक्त करण्यात आला आहे. या घटनेनंतर सहप्रवाशांमध्ये नाराजी पसरली असून रेल्वे प्रशासनाकडे तक्रारही दाखल करण्यात आली आहे. या प्रकारानंतर आम आदमी पक्ष (AAP) ने थेट रेल्वेमंत्री अश्विनी वैष्णव यांच्यावर निशाणा साधत केंद्रातील भाजप सरकारवरही टीका केली आहे. 'वंदे भारतमध्ये दिलेल्या नाश्त्यात किडा आढळला! अर्धवेळ रेल्वेमंत्री आणि पूर्णवेळ reels मंत्री अश्विनी वैष्णव यांना ट्रेनचे reels शेअर करायला वेळ असतो, पण वास्तव काही वेगळंच आहे,' असं म्हणत आपने X (पूर्वीचं ट्विटर) पोस्टमध्ये टीकास्त्र सोडलं.
पक्षाने पुढे लिहिलं, "रेल्वेमंत्री @AshwiniVaishnaw जी, हा व्हिडिओ शेअर करणार का?" असा खोचक सवालही केला.
आपचा रेल्वेमंत्र्यांवर निशाणा
वंदे भारत में मिलने वाले नाश्ते में मिला कीड़ा‼️
पार्ट टाइम रेल मंत्री और फुल टाइम रील मंत्री अश्विनी वैष्णव वंदे भारत ट्रेन की रील शेयर करते-करते नहीं थकते हैं लेकिन वास्तविक सच्चाई कुछ और ही है।
पिछले दिनों पटना से हावड़ा जा रही वंदे भारत एक्सप्रेस में एक यात्री के नाश्ते के… pic.twitter.com/2D9vVF8lm1
— AAP (@AamAadmiParty) April 21, 2025
भारतीय रेल्वेच्या वंदे भारत एक्स्प्रेस गाड्या आधुनिकतेचे प्रतीक म्हणून प्रचारित केल्या जात आहेत. मात्र, या प्रकारामुळे प्रतिमेतील वास्तवाचं भान प्रवाशांना आलं असून रेल्वेमधील अन्नाची गुणवत्ता व स्वच्छता यावर गंभीर प्रश्नचिन्ह उपस्थित झाले आहे. रेल्वे प्रशासनाने तक्रार प्राप्त झाल्याचे मान्य केले असून, या प्रकरणी अंतर्गत चौकशी करण्यात येईल, असं सांगण्यात आलं आहे. अद्याप अधिकृत निवेदन देण्यात आलेलं नाही.
(The above story first appeared on LatestLY on Apr 21, 2025 05:16 PM IST. For more news and updates on politics, world, sports, entertainment and lifestyle, log on to our website latestly.com).
