Car Stuck In Pits: उत्तर प्रदेशात पावसामुळे खचला रस्ता, खोल खड्ड्यात अडकली गाडी; Watch Video
Car Stuck In Pits (PC - X/@skphotography68)

Car Stuck In Pits: रविवारी दुपारी लखनऊमध्ये जोरदार पाऊस झाला. पावसासोबतच काही भागात गाराही पडल्या. पावसामुळे अनेक रस्त्यांवर पाणी साचले होते. शहरातील विकास नगर परिसरात मध्यभागी रस्ता खचला. त्यामुळे एक कार त्यात अडकली (Car Stuck In Pits). नागरिकांच्या मदतीने गाडी खड्ड्याबाहेर काढण्यात आली. यानंतर दोन्ही बाजूची वाहतूक बंद करण्यात आली. रविवारी लखनौसह संपूर्ण राज्यात पाऊस झाला. लखनौ, कानपूर, बांदा, सहारनपूर इत्यादी जिल्ह्यांमध्ये गारपिटीचे वृत्त आहे. पाऊस आणि वाऱ्यामुळे तापमानात घट नोंदवण्यात आली.

मुसळधार पावसानंतर याच रस्त्यावर वारंवार अशा प्रकारच्या अपघातांचे प्रकार घडत असल्याचे सांगत स्थानिक नागरिकांनी नाराजी व्यक्त केली. पायाभूत सुविधांची देखभाल आणि संभाव्य धोक्यांकडे लक्ष देण्याकडे दुर्लक्ष केल्याचा आरोप करत त्यांनी महापालिकेकडे बोट दाखवले. पावसासोबतच राज्यात ताशी 50 किलोमीटर वेगाने वारेही वाहत आहे. राज्यातील बहुतांश भागात कमाल तापमानात तीन ते चार अंशांची घट नोंदवण्यात आली. (हेही वाचा -Live TV Debate Violence: लाईव्ह टीव्हीवरील डिबेट शोमध्ये विश्लेषकांमध्ये जुंपली; एकमेकांना ठोसा मारत केली हाणामारी, (Watch Video))

पहा व्हिडिओ - 

या भागात विजांचा इशारा -

गोंडा, बलरामपूर, श्रावस्ती, बहराइच, लखीमपूर खेरी, सीतापूर, हरदाई, लखनौ, बाराबंकी, अमेठी, सुलतानपूर, अयोध्या, आंबेडकरनगर, जौनपूर, गाझीपूर, आझमगड, मऊ, बलिया, देवरिया, गोरखपूर, संत कबीरनगर, महाराजनगर, बस्ती, बलिया सिद्धार्थनगर., सहारनपूर, शामली, मुझफ्फरनगर, मेरठ, बिजनौर, अमरोहा, मुरादाबाद, रामपूर, बरेली, पिलीभीत, शाहजहानपूर, संभल, बदायूं, प्रयागराज, प्रतापगढ, सोनभद्र, मिर्झापूर, सनविदनगर, चंदौली, सनदौली आणि चंदौलीसह अनेक भागात जोरदार वारे वाहू लागले आहेत. आजूबाजूच्या भागात विजांच्या संदर्भात यलो अलर्ट जारी करण्यात आला आहे.