Cow Gets Stuck Under Vande Bharat Train: वंदे भारत ट्रेनखाली अडकली गाय; लोकोमोटिव्ह पायलटने इमर्जन्सी ब्रेक लावून वाचवला गायीचा जीव (Watch Video)

Cow Gets Stuck Under Vande Bharat Train: वेगवान वंदे भारत एक्सप्रेस (Vande Bharat Train) गाड्यांनी प्राण्यांना धडक दिल्याच्या अनेक घटना गेल्या काही काळात देशभरातून समोर आल्या आहेत. यापूर्वी भरधाव वेगाने येणाऱ्या वंदे भारत एक्सप्रेस गाड्यांच्या धडकेने अनेक गायींचा मृत्यू झाला आहे. तथापि, सोशल मीडियावर एक व्हिडिओ समोर आला आहे, ज्यामध्ये वंदे भारत एक्सप्रेस ट्रेनच्या लोकोमोटिव्ह पायलटने आपत्कालीन ब्रेक लावून एका गायीला वाचवले. ही घटना कॅमेऱ्यात कैद झाली असून, या घटनेचा व्हिडिओ सोशल मीडियावर व्हायरल होत आहे.

वंदे भारत ट्रेनखाली एक गाय अडकल्याचे व्हिडिओमध्ये दिसत आहे. वंदे भारत एक्सप्रेस ट्रेनच्या लोको पायलटला रेल्वे रुळावर एक गाय दिसली. त्याने गायीला वाचवण्यासाठी आपत्कालीन ब्रेक लावला. मात्र, लोको पायलटने ब्रेक लावेपर्यंत गायीचा अर्धा भाग ट्रेनखाली अडकला. ट्रेनचा पुढचा भाग गायीवर गेल्यानंतर प्राण्याला वेदना होत असल्याचे दिसून आले. (हेही वाचा -Jalna-CSMT Vande Bharat Train च्या ब्रेक मध्ये बिघाड; 25 मिनिटं रखडल्यानंतर वाहतूक पुन्हा सुरू)

त्यानंतर, चालकाने गाडी उलट्या दिशेने नेली. त्यानंतर प्राण्याला वाचवण्यात यश आले. गाय उभी राहिली आणि रुळावरून बिनधास्त निघून गेली. चालकाने वीरतापूर्ण कृत्य करून मोठा अपघात होऊन प्राण्याला मृत्यूपासून वाचवले. वंदे भारत एक्सप्रेसच्या वेगवान गाड्यांमुळे अपघात होऊन अनेक गायींचा मृत्यू झाल्याच्या घटना यापूर्वीही घडल्या आहेत. (हेही वाचा -Smoking in Vande Bharat Train: मुंबई-जालना वंदे भारत ट्रेनच्या टॉयलेटमध्ये प्रवाशाने ओढली सिगरेट; मधेच थांबवावी लागली गाडी (Watch Video))

पहा व्हिडिओ - 

#वंदे_भारत_एक्सप्रेस के आगे गाय आ गई, ड्राइवर के इमर्जेंसी ब्रेक लगाते-लगाते फिर भी आधी गाय ट्रेन नीचे आ गई, "और फंस गई!!

धन्यवाद ड्राइवर साहब, जय श्रीकृष्ण #viralvideo pic.twitter.com/tZB7nZUCRY

— MANOJ SHARMA LUCKNOW UP🇮🇳🇮🇳🇮🇳 (@ManojSh28986262) May 11, 2024

नुकत्याच घडलेल्या एका घटनेत दिल्लीहून कानपूरच्या दिशेने जाणाऱ्या वंदे भारत एक्सप्रेस ट्रेनच्या धडकेत एका गायीचा मृत्यू झाला होता. ट्रेनच्या ड्रायव्हरने इमर्जन्सी ब्रेक लावला. त्यानंतर, मृत प्राणी ट्रेनमध्ये अडकला आणि ट्रेनमधून प्राण्याचे अवशेष काढण्यासाठी ट्रेनला दहा मिनिटांपेक्षा जास्त वेळ थांबवावे लागले. दिल्ली-हावडा मार्गावर ही घटना घडली होती.

(The above story first appeared on LatestLY on May 12, 2024 07:49 PM IST. For more news and updates on politics, world, sports, entertainment and lifestyle, log on to our website latestly.com).