Mumbai: आईला शिवीगाळ केल्याने संतापलेल्यी मुलाने केली सावत्र बापाची हत्या; आरोपीला अटक
मंगळवारी सकाळी सुनील झोपला असताना श्रीनिवासने त्याची पत्नी सुमित्रा (54) हिच्याशी भांडण केले. सुनीलला जाग आली आणि त्याने सावत्र वडिलांना मारहाण करण्यास सुरुवात केली. त्यानंतर त्याने किचनमधून कटर उचलून पोटात व छातीवर वार केले.
Mumbai Crime: ट्रॉम्बे येथील भाभा अणुसंशोधन केंद्राच्या (BARC) हाऊसकीपिंग विभागात काम करणाऱ्या 54 वर्षीय व्यक्तीची मंगळवारी त्याच्या सावत्र मुलाने हत्या (Murder) केली. पोलिसांनी दिलेल्या माहितीनुसार, श्रीनिवास गावडा असे मृत व्यक्तीचे नाव आहे. श्रीनिवास यांनी आपल्या पत्नीचे मानसिक आणि शारीरिक छळ केले, ज्यामुळे त्याचा सावत्र मुलगा सुनील श्रीनिवास गावडा (42) संतापला. सुनील देखील त्याच विभागात बीएआरसीमध्ये त्याच्या सावत्र वडिलांसोबत काम करत होता.
मंगळवारी सकाळी सुनील झोपला असताना श्रीनिवासने त्याची पत्नी सुमित्रा (54) हिच्याशी भांडण केले. सुनीलला जाग आली आणि त्याने सावत्र वडिलांना मारहाण करण्यास सुरुवात केली. त्यानंतर त्याने किचनमधून कटर उचलून पोटात व छातीवर वार केले. (हेही वाचा -Thane Shocker: इन्स्टाग्राम रील बनवताना विहिरीत पडून तरुणाचा मृत्यू, जाणून घ्या नक्की काय घडले)
श्रीनिवास फ्लॅटबाहेर पळत पॅसेज परिसरात पडला. सुनीलने श्रीनिवास यांच्यावर चढून वारंवार वार केले. शेजारी आणि सुमित्रा यांनी त्याला शताब्दी रुग्णालयात नेले. मात्र, तेथे पोहोचताच त्याला मृत घोषित करण्यात आले.
पोलिसांनी मंगळवारी रात्री सुनीलला अटक केली. सुनीलला बुधवारी न्यायालयात हजर केले असता त्याला पोलीस कोठडी सुनावण्यात आली आहे. या घटनेने परिसरात एकच खळबळ उडाली आहे.
(The above story first appeared on LatestLY on Jun 15, 2023 09:32 AM IST. For more news and updates on politics, world, sports, entertainment and lifestyle, log on to our website latestly.com).
