Sachin Vaze Case: सचिन वाझे प्रकरणात CCTV मध्ये दिसणाऱ्या 'त्या' व्यक्तीबाबात NIA चा मोठा खुलासा
अँटिलिया बाहेर जिलेटिनच्या कांड्या सापडल्याच्या प्रकरणाचा तपास एनआयए करत आहे. तर मनसुख हिरेन प्रकरणाचा तपास एटीएस करत आहे. मुंबई पोलीस दलातील सीआययूचे पोलीस अधिकारी सचिन वाझे यांचा या प्रकरणात सहभाग असल्याचा आरोप आहे. या प्रकरणात सचिन वाझे निलंबीत झाले आहेत. या प्रकरणामुळे वाझे हे जोरदार चर्चेत आले आहेत.
उद्योगपती मुकेश अंबानी (Mukesh Ambani) यांच्या अँटिलिया निवासस्थानाबाहेर जिलेटिनच्या कांड्या ठेवल्याप्रकरणी एनआयए (NIA) तपास करत आहे. या प्रकरणात एक ससीसीटीव्ही (Sachin Vaze Case CCTV Footage) फुटेजही पुढे आले. सीटीटीव्ही फुटेजमध्ये दिसणारी 'ती' व्यक्ती कोण याबाब उत्सुकता होती. मात्र, आता एनआयएनेच याबाबत माहिती दिली आहे. ती व्यक्ती दुसरी तिसरी कोणी नसून एपीआय सचिन वाझे (Sachin Vaze ) हेच असल्याचे एनआयएने म्हटले आहे. तसेच, या व्यक्तीने पीपीई किट घातलं नाही तर ती व्यक्ती कुर्ता पायजमा घालून फिरत होती, असेही आता पुढे आले आहे.
दरम्यान, अँटिलिया बाहेर जिलेटिनच्या कांड्या सापडल्याच्या प्रकरणाचा तपास एनआयए करत आहे. तर मनसुख हिरेन प्रकरणाचा तपास एटीएस करत आहे. मुंबई पोलीस दलातील सीआययूचे पोलीस अधिकारी सचिन वाझे यांचा या प्रकरणात सहभाग असल्याचा आरोप आहे. या प्रकरणात सचिन वाझे निलंबीत झाले आहेत. या प्रकरणामुळे वाझे हे जोरदार चर्चेत आले आहेत.
In the CCTV footage, Sachin Waze could be seen with his head covered with a large handkerchief so that no one could identify him. He was wearing an oversized kurta-pajama, and not PPE coverall, in an attempt to mask his body language & face: National Investigation Agency (NIA)
— ANI (@ANI) March 17, 2021
एनआयए करत असलेल्या प्रकरणाचा तपासा आता बराच पुढे गेला आहे. एनआयएने वाझे यांच्या कार्यालयातही तपासणी केली. कार्यालयाची झाडाझडती घेऊन एक लॅपटॉप जप्त करण्यात आला. या लॅपटॉपमधील डेटा या आधीच जप्त केल्याचे एनआयए तपासात पुढे आले. तपासादरम्यान वाझे यांच्याकडे मोबाईल फोनची मागणी केली असता मोबाईल हरवल्याचे त्यांनी सांगितले. परंतू, वाझे यांच्या वक्तव्यावर एनआयएला विश्वास नाही. वाझे यांनी आपला मोबाईल फेकून दिला असवा असा एनआयएला संशय आहे. (हेही वाचा, Sanjay Raut On Sachin Vaze Case:महाविकासआघाडी सरकार अस्थिर असल्याच्या भ्रमात कोणी राहू नये- संजय राऊत)
A laptop was seized from the cabin of Sachin Waze in a raid day before yesterday but all the data in it was already deleted. He was asked for his cellphone and he had said that he had dropped it somewhere. But the fact is that he had intentionally thrown it away: NIA
— ANI (@ANI) March 17, 2021
दरम्यान, एनआयएने एक मर्सिडिज कारही ताब्यात घेतली आहे. ही कार सचिन वाझे वापरत असल्याचा संशय आहे. या कारमधून रोख रक्कम, नोटा मेजण्याचे मशीन, एक वायर, एक रसायन असलेली बाटली, एक शर्ट-पॅन्ट आदी वस्तू सापडल्याचे समजते.
(The above story first appeared on LatestLY on Mar 17, 2021 02:32 PM IST. For more news and updates on politics, world, sports, entertainment and lifestyle, log on to our website latestly.com).
