ग्लोबल टीचर पुरस्कार जिंकणार्या रणजीतसिंह डिसले यांच्यावर अजित पवार, तुकाराम मुंढे ते राज ठाकरे यांच्याकडून अभिनंदनाचा वर्षाव; पहा ट्वीट्स
ग्लोबल टीचर पुरस्कार जिंकणार्या रणजीतसिंह डिसले यांच्यावर सध्या कौतुकाचा वर्षाव होत आहे.
सोलापूरच्या जिल्हा परिषदेचे शिक्षक रणजीतसिंह डिसले (Ranjitsinh Disale) यांच्या रूपाने पहिल्यांदाच एका भारतीयाला ग्लोबल टीचर पुरस्कार (Global Teacher Award) देऊन गौरवण्यात आले आहे. काल या पुरस्काराची घोषणा झाल्यानंतर रणजितसिंह यांच्यावर अभिनंदनाचा वर्षाव होत आहे. महाराष्ट्राचे मुख्यमंत्री उद्धव ठाकरे (CM Uddhav Thackeray), उपमुख्यमंत्री अजित पवार (Ajit Pawar), आयएएस अधिकारी तुकाराम मुंढे यांच्यापासून विरोधी पक्षनेते देवेंद्र फडणवीस, खासदार सुप्रिया सुळे(Supriya Sule) यांच्याकडून ट्वीटरच्या माध्यमातून अभिनंदनपर ट्वीट्स शेअर केली जात आहे.
दरम्यान ग्लोबल टीचर पुरस्कार हा युनेस्को आणि लंडनस्थित वार्की फाऊंडेशन यांच्याकडून दिला जातो. QR कोड पुस्तकांच्या माध्यमातून महाराष्ट्र सह देशातील शिक्षण क्षेत्रात क्रांती करणार्या रणजीतसिंह डिसले यांच्या कामांची दखल आंतरराष्ट्रीय स्तरावर घेण्यात आली आहे. 2013-14 मध्ये राज्यातील शाळांमध्ये ई-लर्निंगला प्रोत्साहन मिळावे, यासाठी यशवंतराव चव्हाण प्रतिष्ठानमार्फत शिक्षकांना देण्यात आलेल्या पुरस्कारप्राप्त शिक्षकांमध्येसुद्धा रणजीतसिंह डिसले त्यांचा समावेश होता.
मुख्यमंत्री उद्धव ठाकरे
महाराष्ट्राला तुमचा अभिमान वाटतो व अशा उपक्रमशील शिक्षकांची राज्य तसेच देशाला गरज आहे, असे सांगून मुख्यमंत्री उद्धव बाळासाहेब ठाकरे यांनी सोलापूर येथील जिल्हा परिषद शिक्षक रणजितसिंह डिसले यांचे ग्लोबल टीचर पुरस्कार मिळाल्याबद्दल अभिनंदन आणि कौतुक केले आहे.@ranjitdisale
— CMO Maharashtra (@CMOMaharashtra) December 4, 2020
राज ठाकरे
युनेस्को आणि लंडनच्या वार्की फाऊंडेशनकडून दिला जाणारा अत्यंत प्रतिष्ठेचा 'ग्लोबल टीचर पुरस्कार' सोलापूर जिल्ह्यातील रणजितसिंह डिसले ह्यांना मिळाला. @ranjitdisale तुमचं मनापासून अभिनंदन, तमाम महाराष्ट्राला तुमचा अभिमान वाटतोय. pic.twitter.com/RaeaHwXP4P
— Raj Thackeray (@RajThackeray) December 4, 2020
अजित पवार
सोलापूर जिल्हा परिषद शाळेतील शिक्षक रणजीतसिंह डिसले यांना युनेस्को व लंडनच्या वार्की फाउंडेशनतर्फे संयुक्तपणे दिला जाणारा 'ग्लोबल टीचर पुरस्कार' जाहीर झाल्याबद्दल त्यांचं मनःपूर्वक अभिनंदन! डिसले यांना जाहीर झालेला पुरस्कार हा ग्रामीण भागातील शिक्षकांचा गौरव वाढवणारा आहे. pic.twitter.com/GJEkqHwtpt
— Ajit Pawar (@AjitPawarSpeaks) December 4, 2020
देवेंद्र फडणवीस
सोलापूरचे रणजितसिंह डिसले यांना 'ग्लोबल टीचर पुरस्कार' जाहीर झाल्याबद्दल त्यांचे मनःपूर्वक अभिनंदन!
महाराष्ट्राला आपला अभिमान आहे!@UNESCO #GlobalTeacherPrize https://t.co/2gmBvo5jBH
— Devendra Fadnavis (@Dev_Fadnavis) December 3, 2020
सुप्रिया सुळे
युनेस्को आणि लंडनस्थित वार्की फौंडेशन यांच्या संयुक्त विद्यमाने प्रदान करण्यात येणारा "ग्लोबल टीचर अवॉर्ड" या पुरस्कारासाठी या वर्षी सोलापूर जिल्हा परिषदेच्या परितेवाडी प्राथमिक शिक्षक रणजितसिंह डिसले यांची निवड करण्यात आली, याबद्दल त्यांचे मनःपूर्वक अभिनंदन! (Cntd) pic.twitter.com/RkucJv32ph
— Supriya Sule (@supriya_sule) December 3, 2020
तुकाराम मुंढे
Kudos to The Real Leadership in Education #QRCode
७ कोटीचा ग्लोबल टीचर पुरस्कार ZP गुरुजी - रणजितसिंह डीसले यांना
सोलापूर जिल्हा परिषदेतील शिक्षक रणजितसिंह डिसले यांना 7 कोटी रुपयांचा ग्लोबल टीचर पुरस्कार जाहीर झाला आहे.हा पुरस्कार मिळवणारे ते जगातील सर्वोत्तम शिक्षक ठरले आहेत pic.twitter.com/cMjnupG5XZ
— Tukaram Mundhe (@Tukaram_IndIAS) December 3, 2020
जगभरातील 140 देशातील 12 हजारांहून अधिक शिक्षकांमधून अंतिम विजेता म्हणून रणजीतसिंह डिसले यांची निवड झाली आहे. त्यांना 7 कोटीचा पुरस्कार जाहीर झाला आहे. मीडीया रिपोर्ट्सनुसार, रणजीतसिंह यांनी पुरस्काराच्या एकूण रकमेच्या निम्मी रक्कम अंतिम फेरीतील 9 शिक्षकांना देण्याचे जाहीर केले आहे. यामुळे विविध नऊ देशांतील हजारो शालेय विद्यार्थ्यांना गुणवत्तापूर्ण शिक्षण दिले जाऊ शकते असे ते म्हणाले आहेत.
(The above story first appeared on LatestLY on Dec 04, 2020 10:33 AM IST. For more news and updates on politics, world, sports, entertainment and lifestyle, log on to our website latestly.com).
