QuickLY
Socially
पुणे (Pune) येथे एका प्रियकराने प्रेयसीवर चारित्र्याच्या संशयाने चाकूने भोकसल्याची धक्कादायक घटना घडली आहे. या प्रकरणी तरुणीचा मृत्यू झाला असून प्रियकराने घटनास्थळाच्या येथून पळ काढला आहे.
मीना पटेल असे तरुणीचे नाव असून ती एका कॉल सेंटरमध्ये काम करत होती. मात्र एक महिन्यापासून ती घरीच होती. तर प्रियकर हा सॉफ्टवेअर इंजिनीअरिंगच्या शेवटच्या वर्षाला शिकत आहे. या दोघांचे प्रेमसंबंध असून गेल्या सहा महिन्यांपासून त्यांच्या नात्यात वाद सुरु होते. या दरम्यान मीना हिचे दुसऱ्या मुलासोबत प्रेमप्रकरण सुरु असल्याचा संशय तिच्या प्रियकराला होता. यामुळे वाद अजूनच चिघळला.
काल मीना आणि तिचा प्रियकर एकमेकांना भेटले. त्यावेळीसुद्धा त्यांचे एकमेकांसोबत भांडण झाले. त्यावेळी प्रियकराने मीना हिच्या पोटात चाकू भोकसून तेथून पळ काढला. या प्रकरणी प्रियकराचा शोध पोलिसांकडून घेतला जात असून त्याच्या विरोधात गुन्हा दाखल करण्यात आला आहे.
