Sanjay Raut Criticizes BJP: नवनीत आणि रवी राणा हे महाराष्ट्राचे शत्रू आहेत; भाजपने त्यांच्या खांद्यावर बंदूक ठेवून हल्ला करण्याचा प्रयत्न केलाय - संजय राऊत
महाराष्ट्रातील हनुमान चालिसा वादावरून शिवसेनेने नवनीत राणा आणि रवी राणा यांना राज्याचे शत्रू ठरवले आहे. शिवसेनेचे खासदार संजय राऊत यांनी शनिवारी सांगितले की, गेल्या काही दिवसांपासून काही बनावट हिंदुत्ववाद्यांनी (खासदार नवनीत राणा आणि आमदार रवी राणा) हनुमान चालीसाचे पठण करताना मातोश्रीवर वातावरण बिघडवण्याचा प्रयत्न केला आहे.
Sanjay Raut Criticizes BJP: महाराष्ट्रातील हनुमान चालिसा वादावरून (Hanuman Chalisa Row) शिवसेनेने नवनीत राणा (Navneet Rana) आणि रवी राणा (Ravi Rana) यांना राज्याचे शत्रू ठरवले आहे. शिवसेनेचे खासदार संजय राऊत (Sanjay Raut) यांनी शनिवारी सांगितले की, गेल्या काही दिवसांपासून काही बनावट हिंदुत्ववाद्यांनी (खासदार नवनीत राणा आणि आमदार रवी राणा) हनुमान चालीसाचे पठण करताना मातोश्रीवर वातावरण बिघडवण्याचा प्रयत्न केला आहे. मातोश्री हे मुख्यमंत्री उद्धव ठाकरे यांचे खाजगी निवासस्थान आहे.
राऊत म्हणाले की, अमरावतीच्या बंटी और बबलीने गोंधळ घालण्याचा प्रयत्न केला आहे. मुख्यमंत्र्यांच्या निवासस्थानी काहीतरी वेगळे करण्याचा कट रचण्यात आल्याचे त्यांनी सांगितले. भाजपने त्यांच्या खांद्यावर बंदूक घेऊन हल्ला करण्याचा प्रयत्न केला आहे. नवनीत आणि रवी राणा हे महाराष्ट्राचे शत्रू आहेत आणि त्यामागे माजी मुख्यमंत्री (देवेंद्र फडणवीस) आहेत, असा आरोपही संजय राऊत यांनी केला आहे. (हेही वाचा - Loudspeaker Row: महाराष्ट्र सरकारची 25 एप्रिलला होणार सर्वपक्षीय बैठक, 'या' मुद्द्यावर होणार चर्चा)
विशेष म्हणजे शिवसेना अध्यक्ष उद्धव ठाकरे यांच्या वांद्रे येथील खाजगी निवासस्थान मातोश्री बाहेर शनिवारी सकाळी 9 वाजता हनुमान चालीसाचे पठण करणार असल्याचे राणा कुटुंबीयांनी शुक्रवारी सांगितले होते. राजकारणी दाम्पत्याच्या योजनेला कडाडून विरोध करणाऱ्या महिलांसह शिवसेनेचे कार्यकर्ते शुक्रवारी सकाळपासूनच मातोश्रीबाहेर तळ ठोकून होते. काही समर्थक रात्री उशिरापर्यंत तिथे बसून होते.
There was a conspiracy to do something different at the CM's residence. BJP tried to attack by keeping a gun on their shoulders... Navneet & Ravi Rana are the enemies of Maharashtra & behind them is the former CM (Devendra Fadnavis): Shiv Sena leader Sanjay Raut pic.twitter.com/nWxookYopW
— ANI (@ANI) April 23, 2022
नवनीत राणा या महाराष्ट्राच्या अमरावती लोकसभा मतदारसंघातून अपक्ष खासदार आहेत, तर त्यांचे पती रवी राणा हे अमरावती जिल्ह्यातील बडनेरा विधानसभा मतदारसंघातून अपक्ष आमदार आहेत. नवनीत राणा यांना केंद्र सरकारने Y श्रेणीची सुरक्षा प्रदान केली आहे.
(The above story first appeared on LatestLY on Apr 23, 2022 06:46 PM IST. For more news and updates on politics, world, sports, entertainment and lifestyle, log on to our website latestly.com).
