Pune Murder: पुण्यामध्ये 70 वर्षीय महिलेची हत्या करत दागिने आणि पैसे लुटले, दोघांना अटक
शालिनी बबनराव सोनवणे असे या महिलेचे नाव असून ती 30 ऑक्टोबर रोजी हिंगणे खुर्द (Hingane Khurd) येथील सायली अपार्टमेंटमध्ये डोक्याला मार लागल्याने मृतावस्थेत आढळली होती. तिचा मुलगा विराट सोनवणे याने सिंहगड येथे प्रथम माहिती अहवाल दाखल केला होता.
पुणे शहर पोलिसांनी (Pune Police) 70 वर्षीय महिलेची हत्या (Murder) केल्याप्रकरणी 16 आणि 14 वर्षे वयोगटातील दोन अल्पवयीन मुलांना ताब्यात घेतले आहे. हा गुन्हा सीआयडी नावाच्या टेलिव्हिजन शोमधून प्रेरित असल्याचे सांगण्यात येत आहे. शालिनी बबनराव सोनवणे असे या महिलेचे नाव असून ती 30 ऑक्टोबर रोजी हिंगणे खुर्द (Hingane Khurd) येथील सायली अपार्टमेंटमध्ये डोक्याला मार लागल्याने मृतावस्थेत आढळली होती. तिचा मुलगा विराट सोनवणे याने सिंहगड येथे प्रथम माहिती अहवाल दाखल केला होता. घरातून 1.6 लाख रुपये किमतीचे पैसे आणि सोन्याचे दागिने चोरीला गेल्याचे पोलिसांनी सांगितले. सुरुवातीला भारतीय दंड संहितेच्या (IPC) कलम 359 आणि 459 अंतर्गत अज्ञात व्यक्तींविरुद्ध तक्रार दाखल करण्यात आली होती.
वरिष्ठ पोलीस निरीक्षक देविदास घेवारे, निरीक्षक प्रमोद वाघमारे यांच्या नेतृत्वाखालील पथकाने या प्रकरणाचा तपास सुरू केला. बुधवारी जारी केलेल्या प्रसिद्धीपत्रकात म्हटले आहे की घटनेच्या 48 तासांनंतरही पोलिस मारेकऱ्यांचा सुगावा मिळविण्यासाठी धडपडत होते. दरम्यान, पोलिस कर्मचारी उज्ज्वल मोकाशी यांना काही मुलांकडून समजले की, 30 ऑक्टोबर रोजी जेव्हा त्यांनी पाणीपुरी खाण्याची योजना आखली होती. तेव्हा त्यांचे दोन मित्र घाईघाईने घरी आले होते. हेही वाचा Boy Loses Eye While Firecrackers: अंधेरीमध्ये फटाक्याच्या ठिणग्या उडाल्याने 11 वर्षीय मुलाने डोळा गमावला
पोलिसांना हे वर्तन संशयास्पद वाटले आणि म्हणून त्यांनी या दोन मुलांवर कारवाई केली. पुढील तपासा दरम्यान परिसरात असलेल्या सीसीटीव्ही कॅमेऱ्यांमधून या दोन मुलांचे संशयास्पदरित्या फिरतानाचे फुटेज देखील पोलिसांना आढळले. त्यामुळे तपास पथकाने दोन्ही मुलांना चौकशीसाठी ताब्यात घेतले. तपासात एका अल्पवयीन मुलाने चोरी केल्याचा इतिहास असल्याचे समोर आले आहे. दोन्ही मुले मृत महिलेला चांगले ओळखत होते आणि अनेकदा तिच्या घरी जात होते. वृद्ध महिला तिचे पैसे आणि दागिने कोठे ठेवत आहे हे त्यांना माहीत होते, पोलिसांनी सांगितले.
ते पुढे म्हणाले की मुलांनी सीआयडीमध्ये दाखवलेल्या काही युक्त्या कॉपी करून गुन्हा केला. ती तिच्या घरी एकटी असताना त्यांनी तिला लुटण्याचा निर्णय घेतला. त्यानुसार, ती दोन अल्पवयीन मुले 30 ऑक्टोबर रोजी दुपारी 1.30 च्या सुमारास तिच्या घरी गेली, असे पोलिसांनी प्रसिद्धीपत्रकात म्हटले आहे. मुलांनी त्या महिलेवर अचानक हल्ला केला. ज्यामुळे तिचा मृत्यू झाला. त्यानंतर मुलांनी घरातून 93,000 रुपये रोख आणि 67,500 रुपये किमतीचे सोन्याचे दागिने लुटले आणि घटनास्थळावरून पसार झाले, असे प्रसिद्धीपत्रकात म्हटले आहे.
पोलिसांनी सांगितले की, गुन्ह्याच्या ठिकाणी अंगठ्याचे ठसे सोडू नयेत म्हणून मुलांनी हातमोजे वापरले होते, जे त्यांना सीआयडीकडून शिकायला मिळाले. पोलिसांनी या मुलांकडून लुटलेला मौल्यवान ऐवज जप्त केला आहे. मुले अल्पवयीन असल्याने त्यांना अटक करण्यात आली नसून, त्यांना नियमानुसार रिमांड होममध्ये नेण्यात आले.
(The above story first appeared on LatestLY on Nov 03, 2021 06:15 PM IST. For more news and updates on politics, world, sports, entertainment and lifestyle, log on to our website latestly.com).
