अतिक्रमण हटवण्यासाठी गेलेल्या पोलिसांना फेरीवाल्यांची मारहाण; पोलिसी खाक्या दाखवत चार जण ताब्यात (व्हिडीओ)
फेलीवाल्यांना हटवण्याचे काम पोलीस करत होते. यावेळी पोलीस आणि फेरीवाले यांमध्ये मारहाण झाल्याची बातमी होती. मात्र फेरीवाल्यांनी आधी पोलिसांवर हात उगारल्याने पोलिसांना आपला खाक्या दाखवावा लागल्याचे समोर येत आहे.
मुंबई येथील जुहू (Juhu) परिसरात काल पोलिसांनी (Mumbai Police) फेरीवाल्यांविरोधात कारवाई केली. वाहतुकीला अडथळा होत असल्याने फेरीवाल्यांना हटवण्याचे काम पोलीस करत होते. यावेळी पोलीस आणि फेरीवाले यांमध्ये मारहाण झाल्याची बातमी होती. मात्र फेरीवाल्यांनी आधी पोलिसांवर हात उगारल्याने पोलिसांना आपला खाक्या दाखवावा लागल्याचे समोर येत आहे. पोलीस फेरीवाल्यांना उगाचच त्रास देत आहेत अशा आशयाचा व्हिडिओ व्हायरल करण्यात आला होता. मात्र आता फेरीवाल्यांनी आधी सुरुवात केल्याचे निदर्शनास आले आहे. या प्रकरणात पोलिसांनी चार जणांना ताब्यात घेतले आहे. हे फेरीवाले ड्रग्स, मुलींची छेड काढणे यासारख्या बेकायदेशीर कामांमध्येही सहभागी असल्याच्या तक्रारी आल्यानंतर पोलिसांनी कारवाई करण्यास सुरुवात केली होती.
Truth behind this video ... police beating hawkers because they attack police...hawkers at Andheri West are so rude that we must support D N Nagar Police ... Sr PI Gamane himself on lead pic.twitter.com/NzsZB9SCET
— Nishant D Sarwankar (@ndsarwankar) April 5, 2019
डीएन नगर पोलीस स्थानकातील काही अधिकारी आणि पालिकेच्या अतिक्रमण विभागातील काही लोक यांनी फेरीवाल्यांविरोधात कारवाई मोहीम हाती घेतली. त्यावेळी फेरीवाल्यांनी पोलिसांची कॉलर पकडली आणि धक्काबुक्की करण्यास सुरुवात केली. त्यानंतर चिडलेल्या पोलिसांनी या फेरीवाल्यांना मारहाण करण्यास सुरुवात केली. या हल्ल्यात काही पोलीस अधिकारी किरकोळ जखमी झाले आहेत, अशी माहिती पोलीस उपायुक्त परमजीत सिंग दहिया यांनी दिली.
Senior Police Inspector Parmeshwar on video of a police team including him thrashing hawkers at Juhu, Mumbai: There was a major fire at Wafa Medicals in the locality in 2016 & fire brigade couldn't reach the spot because of illegal hawkers narrowing the route, causing 9 deaths pic.twitter.com/sBVG7nhdEd
— ANI (@ANI) April 4, 2019
2016 साली वाफा मेडीकल येथे आग लागली होती. त्यावेळी फेरीवाल्यांमुळे रस्ता अरुंद झाला होता, म्हणून अग्निशामक दलाची गाडी वेळेवर पोहचू शकली नाही. मात्र अजूनही या परिसरातील हे चित्र बदलले नाही. दरम्यान या फेरीवाल्यांविरोधात इतरही अनेक तक्रारी आल्या होत्या. त्यामुळे पोलिसांनी अतिक्रमण हटवण्याचे काम हाती घेतले. मात्र यामध्ये पोलीसंनाचा मारहाण करण्यात आली.
(The above story first appeared on LatestLY on Apr 05, 2019 02:06 PM IST. For more news and updates on politics, world, sports, entertainment and lifestyle, log on to our website latestly.com).
