Mumbai Mega Block Update 28 July: मध्य आणि हार्बर रेल्वे मार्गावरील मेगाब्लॉक रद्द, पश्चिम रेल्वेच्या प्रवाशांना मात्र सुटका नाही
मुंबईसह, ठाणे आणि नवी मुंबई परिसरात मुसळधार पावसाच्या पार्श्वभूमीवर मध्य आणि हार्बर रेल्वे मार्गावरील मेगाब्लॉक रद्द करण्यात आला आहे. मात्रा पश्चिम रेल्वे ब्लॉकच्या वेळापत्रकात कोणताही बदल करण्यात आलेला नाही.
मुंबईसह (Mumbai), ठाणे (Thane) आणि नवी मुंबई (Navi Mumbai) परिसरात आजही हवामान खात्यातर्फे मुसळधार पावसाचा अंदाज वर्तवण्यात आला आहे, याच पार्श्वभूमीवर, दर रविवारी घेण्यात येणार मध्य (Central Railway) आणि हार्बर रेल्वेचा (Harbour Railway) ब्लॉक (Megablock) रद्द करण्यात आला आहे. त्यामुळे मुसळधार पावसात प्रवाशांची पंचाईत होण्यापासून किंचित सुटका मिळेल अशी अपेक्षा रेल्वेने व्यक्त केली आहे. मात्र पश्चिम रेल्वेच्या (Western Railway) प्रवाशांना आजच्या ब्लॉकमध्ये कोणतीही सूट दिलेली नाही.
आज, मध्य रेल्वे मार्गावरील कल्याण ते ठाणे दरम्यान जलद मार्गांवर जम्बोब्लॉक घेण्यात येणार होता तर हार्बर मार्गावर छत्रपती शिवाजी महाराज-चुनाभट्टी/वांद्रे स्थानकांदरम्यान ब्लॉकमुळे लोकल फेऱ्या रद्द करण्यात आल्या होत्या. मात्र मुसळधार पावसाच्या पार्श्वभूमीवर आजचा ब्लॉक रद्द करण्यात आला आहे. मध्य रेल्वेने एका ट्विट मार्फत याविषयी माहिती दिली आहे.
मध्ये रेल्वे ट्विट
Mega Block on 28.7.2019 is cancelled.@M_indicator @RidlrMUM @mumbairailusers @SlowLocal @mumbai_locals https://t.co/4bbchlQu4o
— Central Railway (@Central_Railway) July 28, 2019
Mega Block on 28.7.2019 on
Kalyan-Thane Up fast line on main line (11.20 am to 3.50 pm) and CSMT-Chunabhatti/Bandra Up & Dn harbour lines (11.10 am to 4.10 pm) is *CANCELLED.*— Central Railway (@Central_Railway) July 28, 2019
दरम्यान, पश्चिम रेल्वे वर भाईंदर ते वसई रोड स्थानकांदरम्यान सकाळी 11 ते दुपारी 3 पर्यंत दोन्ही दिशेकडील जलद मार्गावर ब्लॉक असेल. या काळात चर्चगेट दिशेकडील लोकल विरार/वसई रोडहून भाईंदर/ बोरीवलीपर्यंत धिम्या मार्गावर धावतील.
(The above story first appeared on LatestLY on Jul 28, 2019 10:19 AM IST. For more news and updates on politics, world, sports, entertainment and lifestyle, log on to our website latestly.com).
