Maharashtra Weather Update: राज्यात काही भागात मुसळधार पावसाची शक्यता; नाशिकसह 9 जिल्ह्यांना अलर्ट, हवामान विभागाचा अंदाज
राज्यात पुन्हा अवकाळी पाऊस (Unseasonal rain) धुमाकूळ घालणार असल्याचा अंदाज भारतीय हवामान विभागाने (IMD Forecast) वर्तवला आहे. उत्तर महाराष्ट्र, पश्चिम महाराष्ट्र, मराठवाड्यात मुसळधार पाऊस कोसळण्याची शक्यता आहे. त्यामुळे येत्या ३-४ तासांत हा पाऊस बरसण्याचा अंदाज आहे.
Maharashtra Weather Update: राज्यातील अहमदनगर, जळगाव, नाशिक, रत्नागिरी, कोल्हापूर, सातारा, रायगड, सिंधुदुर्ग, छत्रपती संभाजीनगर या जिल्ह्यांमध्ये विजांच्या कडकडाट(thunderstorm)सह तुफान पावसाची (Unseasonal rain)शक्यता भारतीय हवामान विभाग (IMD Forecast)कडून वर्तवण्यात आली आहे. मान्सून अंदमान निकोबारमध्ये दाखल झाला आहे. त्यामुळे तो आता पुढे सरकण्यास सुरुवात झाली आहे. तो 30 मे रोजी केरळात दाखल होणार आहे. येत्या 24 तासांत दक्षिण-पूर्व अरबी समुद्रासह मालदीवच्या काही भागात मान्सूनचा प्रभाव जाणवू शकतो, असे हवामान विभागाने म्हटले आहे. पाऊसकाळात ताशी 30-40 किमी वेगाने वारा वाहण्याची शक्यता आहे.(हेही वाचा: IMD Heat Wave Alert India: देशभरात उष्णतेची लाट, नागरिकांच्या आरोग्य आणि उपजीविकेवर परिणाम; IMD कडून 'रेड अलर्ट', जाणून घ्या हवामान अंदाज)
मागील काही दिवसांपासून राज्यातील वातावरणात झपाट्याने बदल होत आहे. कुठे अवकाळी पाऊस पडत होता, तर कुठे तापमानाचा पारा 40 च्या वर गेला होता. मुंबईसह राज्यातील काही जिल्ह्यांमधील तापमानात पुन्हा एकदा मोठी वाढ झाली आहे. तापमानाचा पारा चाळीसीपार गेल्याने कमालीचा उकाडा जाणवत आहे. मंगळवारी तर जळगाव मध्ये सर्वाधिक 43.9 अंश सेल्सिअस तापमानाची नोंद झाली. दुसरीकडे साताऱ्यात सर्वात कमी 21 अंश सेल्सिअस तापमानात नोंदवले गेले. दरम्यान, पुढील 24 तासांसाठी मुंबई शहर आणि उपनगरांमध्ये आकाश अशंतः ढगाळ आणि दुपार /संध्याकाळ पर्यंत मुख्यतः निरभ्र राहील, असं हवामान खात्याने सांगितलं आहे.
मुंबईतील कमाल आणि किमान तापमान अनुक्रमे 35 अंश सेल्सिअस आणि 29अंश सेल्सिअसच्या आसपास असेल. दुसरीकडे दक्षिण कोकण, दक्षिण मध्य महाराष्ट्र, मराठवाडा आणि विदर्भातील जिल्ह्यांमध्ये तुरळक ठिकाणी विजांच्या कडकडाटासह पावसाची शक्यता वर्तवण्यात आली आहे.
Nowcast warning at 0430 Hrs 22/05: Thunderstorm with lightning& light rain,gusty winds 30-40kmph very likly to occur at isol places in districts of Ahmadnagar,Jalgaon,Nasik,Rtn,Klp, Satara,Raigad,Sindhudurga,Ch Sambaji Ngr in nxt 3-4hrs in Mah.
CYCIR ovr N Kerala & arnd persist. pic.twitter.com/o0QwHzWrCT
— K S Hosalikar (@Hosalikar_KS) May 22, 2024
(The above story first appeared on LatestLY on May 22, 2024 08:34 AM IST. For more news and updates on politics, world, sports, entertainment and lifestyle, log on to our website latestly.com).
