शिवसेना पक्षप्रमुख उद्धव ठाकरे हे हॉलेल 'ललित' येथून बाहेर पडले असून, ते निवासस्थान 'मातोश्री'कडे रवाना झाले आहेत. हॉटेल ललित येथे शिवसेनेचे सर्व आमदार आहेत. उद्धव ठाकरे हे दिवसभर आमदारांसोबत आहेत.

राज्याचे उपमुख्यमंत्री अजित पवार हे मुख्यमंत्र्यांचे शासकीय निवास्थान असेलेल्या वर्षा बंगल्यावर पोहोचले आहेत. वर्षा बंगल्यावर एक बैठक सुरु असून, मुख्यमंत्री देवेंद्र फडणवीस, अजित पवार आणि भाजपच्या प्रमुख नेत्यांमध्ये बैठक सुरु असल्याचे समजते.

राजकीय बंडानंतर दिवसभर घरात थांबलेले अजित पवार हे अखेर काही वेळापूर्वीच घरातून बाहेर पडले आहेत. ते कुठे जाणार याबाबत माहिती मिळू शकली नाही. मात्र, त्यांना सर्वोच्च न्यायालयाची नोटीस मिळाल्याने ते ज्येष्ठ वकिलांसोबत चर्चा करण्यासाठी घराबाहेर निघाल्याचे सांगितले जात आहे.

गेले दोन दिवस चर्चा आणि संशयाच्या भोवऱ्यात असलेले राष्ट्रवादी काँग्रेस पक्षाचे आमदार धनंजय मुंडे यांनी आपण राष्ट्रवादी काँग्रेस पक्ष आणि शरद पवार यांच्यासोबतच आहे. कोणीही अफवा पसरवू नयेत असे अवाहन ट्विटद्वारे धनंजय मुंडे यांनी केले आहे. अजित पवार आणि त्यांच्या भूमिकेनंतर धनंजय मुंडे जोरदार चर्चेत आले होते. या सर्व चर्चेनंतर धनंजय मुंडे यांनी पहिल्यांदाच ट्विट करुन भूमिका मांडली आहे.

धनंजय मुंडे ट्विट

मी पक्षासोबत, मी आदरणीय पवार साहेबांसोबत. कृपया कोणीही कोणताही संभ्रम निर्माण करू नये ही विनंती.@PawarSpeaks @NCPspeaks

— Dhananjay Munde (@dhananjay_munde) November 24, 2019

'मी राष्ट्रवादी काँग्रेसमध्येच आहे, आणि कायम राष्ट्रवादीमध्येच राहीन. पवार साहेब आमचे नेते आहेत. भाजपा आणि राष्ट्रवादी काँग्रेस मिळून महाराष्ट्रात स्थिर सरकार देतील' असं ट्विट अजित पवार यांनी केले. या ट्विटनंतर शरद पवार यांनीही ट्विट करत अजित पवार हे दिशाभूल करत असल्याचे म्हटले आहे.

शरद पवार ट्विट

<blockquote class="twitter-tweet"><p lang="mr" dir="ltr">भाजपासोबत जाण्याचा प्रश्नच उद्भवत नाही. <a href="https://twitter.com/NCPspeaks?ref_src=twsrc%5Etfw">@NCPspeaks</a> ने <a href="https://twitter.com/ShivSena?ref_src=twsrc%5Etfw">@ShivSena</a> व <a href="https://twitter.com/INCMaharashtra?ref_src=twsrc%5Etfw">@INCMaharashtra</a> यांच्यासोबत हातमिळवणी करत महाराष्ट्र सरकार स्थापन करण्याचे एकमताने ठरविले आहे. <a href="https://twitter.com/AjitPawarSpeaks?ref_src=twsrc%5Etfw">@AjitPawarSpeaks</a> यांचे विधान खोटे, दिशाभूल करणारे आणि खोडसाळ असून समाजात चुकीचा समज पसरविणारे आहे.</p>&mdash; Sharad Pawar (@PawarSpeaks) <a href="https://twitter.com/PawarSpeaks/status/1198591836257804288?ref_src=twsrc%5Etfw">November 24, 2019</a></blockquote> <script async src="https://platform.twitter.com/widgets.js" charset="utf-8"></script>

अजित पवार ट्विट

I am in the NCP and shall always be in the NCP and @PawarSpeaks Saheb is our leader.

Our BJP-NCP alliance shall provide a stable Government in Maharashtra for the next five years which will work sincerely for the welfare of the State and its people.

— Ajit Pawar (@AjitPawarSpeaks) November 24, 2019

राष्ट्रवादी काँग्रेस पक्ष आमदारांच्या बैठकीस पक्षाध्यक्ष शरद पवार आणि शिवसेना पक्षप्रमुख उद्धव ठाकरे उपस्थित होते. दोघांनीही आमदारांना मार्गदर्शन केले. आपल्याकडे बहुमत आहे. सभागृहात आपण हे बहुमत सिद्ध करु शकतो, अशी माहिती राष्ट्रवादी काँग्रेस पक्ष प्रवक्ते नवाब मलिक यांनी दिली आहे.

राष्ट्रवादी काँग्रेस आमदार ज्या रेनसॉ हॉटेलवर आहेत तिथे साध्या वेशातील पोलीस संशायस्पदरित्या उपस्थित असल्याचे प्रथमदर्शनी समजत आहे. या पोलिसांना राष्ट्रवादी काँग्रेसचे आमदार जितेंद्र आव्हाड यांनी जाब विचारत चौकशी केली.

बहुमताचा आकडा गाठण्यासाठी भाजपकडून ऑपरेशन लोटस सुरु करण्यात आल्याचे वृत्त आहे. राधाकृष्ण विखे पाटील, बबनराव पाचपुते, नारायण राणे आणि गणेश नाईक यांच्यावर ही जबाबदारी सोपविण्यात आले आहेत.

-शिवसेना प्रमुख उद्धव ठाकरे यांनी रेनेसाँ येथील काँग्रेस पक्षाच्या आमदारांना भेटून झाल्यानंतर ललित हॉटेलमध्ये दाखल झाले. या ठिकाणी शिवसेना पक्षाच्या आमदारांसोबत उद्धव ठाकरे यांच्या बैठकीला सुरुवात झाली आहे. 
-राष्ट्रवादी पक्षाच्या आमदारांना ठाणे येथे हलवण्यात येण्याची शक्यता व्यक्त केली जात आहे. 

महाशिवआघाडीचे सरकार राज्यात येणार असल्याचे आमदारांना आश्वासन शिवसेना पक्षाचे प्रमुख उद्धव ठाकरे यांनी  दिले आहे. तसेच उद्याच्या सुप्रीम कोर्टाच्या सुनावणीकडे महाशिवआघाडीचे लक्ष लागून राहिले आहे.

उपमुख्यमंत्री झाल्यानंतर अजित पवार यांच्याकडून पंतप्रधान नरेंद्र मोदी यांचे आभार मानले आहेत. शुक्रवारी पंतप्रधान नरेंद्र मोदी यांनी अजित पवार आणि देवेंद्र फडणवीस यांना शुभेच्छा दिल्या होत्या. त्यानंतर आता अजित पवार यांनी यावर मोदी यांचे आभार मानल्याचे ट्वीट केले  आहे. तसेच ज्या नेतेमंडळींनी अजित पवार यांना उपमुख्यमंत्री पदाच्या शुभेच्छा दिल्या आहेत त्यांचे सुद्धा आभार ट्वीटरच्या माध्यमातून मानले आहेत.

Deputy Chief Minister of Maharashtra, Ajit Pawar: Thank you Hon. Prime Minister Narendra Modi ji. We will ensure a stable Government that will work hard for the welfare of the people of Maharashtra. pic.twitter.com/Y8uQKKIuGF

— ANI (@ANI) November 24, 2019

धननंजय मुंडे यांच्यासोबत उद्धव ठाकरे आणि शरद पवार यांची स्वतंत्र चर्चा करण्यात आली आहे, कारण सत्ता स्थापनेपूर्वी मुंडे यांचा फोन स्विच ऑफ असल्याचे दिसून आले होते. परंतु धननंजय मुंडे यांच्या भुमिकेबाबत कुठेतरी संभ्रम असल्याचे दोन्ही पक्षांना वाटत आहे. 

मुख्यमंत्री देवेंद्र फडणवीस यांचे जल्लोषात स्वागत करण्यात आले आहे. तर कोणत्याही क्षणी  भाजपच्या बैठकीला सुरुवात होणार आहे. या बैठकीला चंद्रकांत पाटील, रावसाहेब दानवे, पियुश गोयल यांची उपस्थिती लावली आहे. 

मुख्यमंत्री देवेंद्र फडणवीस यांची भाजप बैठकीला उपस्थिती लावली आहे. तर वसंतस्मृती येथे पार पडणाऱ्या आमदारांच्या बैठकीत पक्षाची पुढील रणनिती काय असणार हे ठरवले जाणार आहेत. तसेच बहुमताचा आकडा पार करण्यासाठी काय प्रयत्न केले जाणार या मुद्द्यावर सुद्धा केली जाण्याची शक्यता आहे.

उद्धव ठाकरे थोड्याच वेळात शिवसेनेच्या आमदारांची ललित हॉटेलमध्ये भेट घेणार आहेत. तर नुकतीच रेनेसाँ येथील बैठक संपवून उद्धव ठाकरे आता प्रथम काँग्रेसच्या आमदारांना भेटण्यासाठी जाणार असून त्यानंतर पक्षाच्या आमदारांंना भेटणार आहेत. 

काँग्रेस पक्षाच्या आमदरांचा आज मुक्काम मुंबईतच असणार आहे. तर उद्या पुन्हा एकदा सुप्रीम कोर्टाच्या सुनावणीनंतर महाशिवआघआडी काय निर्णय घेणार हे पहाणे महत्वाचे ठरणार आहे. 

भाजप पक्षाला पाठिंबा देण्याच्या चर्चा काही दिवसांपासून बच्चू कडू यांच्याबाबत सुरु होत्या. तर सत्ता स्थापनेनंतर आता बच्चू कडू यांनी शिवसेनेत राहणार असल्याचे मोठे विधान केले आहे. 

थोड्याच वेळात भाजप आमदरांची बैठक मुंबईतील वसंतस्मृती येथे पार पडणार आहे. सत्ता स्थापनेनंतर नेते आमदारांची संवाद साधणार आहेत. 

उद्धव ठाकरे, शरद पवार आणि संजय राऊत यांच्यामध्ये बैठकीला सुरुवात झाली आहे. तसेच या बैठकीत काय निर्णय घेतला जाणार याकडे आता सर्वांचे लक्ष लागून राहिले आहे. 

आदित्य ठाकरे रेनेसाँ हॉटेलमध्ये दाखल झाले आहेत. काही वेळापूर्वीच उद्धव ठाकरे आणि संजय राऊत यांनी येथे उपस्थिती लावली आहे. त्यामुळे रेनेसाँ येथे राष्ट्रवादी आणि शिवसेना पक्षाची एक महत्वपूर्ण बैठक पार पडण्याची शक्यता आहे. 

राज्यात स्थापन झालेले हे सरकार चुकीच्या पत्राच्या आधारित गठित झाले आहेत.  या सरकारकडे बहुमत नाही. राष्ट्रवादीचे जे पाच आमदार संपर्कात नव्हते त्यापैकी दोघांनी संपर्क केला असून तिसराही सोशल मीडियावरील व्हिडियोमार्फत संपर्कात आलेला आहे. संध्याकाळपर्यंत सगळे आमदार परत येतील अशी आशा नवाब मलिक यांनी व्यक्त केली आहे.

हे सरकार चुकीच्या पत्राच्या आधारे गठित झाल्यामुळे बेकायदेशीर आहे. या सरकारकडे बहुमत नाही. राष्ट्रवादीचे जे पाच आमदार संपर्कात नव्हते त्यापैकी दोघांनी संपर्क केला असून तिसराही सोशल मीडियावरील व्हिडियोमार्फत संपर्कात आलेला आहे. संध्याकाळपर्यंत सगळे आमदार परत येतील.
- @nawabmalikncp

— NCP (@NCPspeaks) November 24, 2019

उद्धव ठाकरे, संजय राऊत रेनेसाँ मध्ये दाखल झाले असून आमदारांची भेट घेणार आहेत. तसेच थोड्याच वेळात शरद पवार यांची भेट घेत एक बैठक पार पडणार आहे. या बैठकीत विधानसभेत बहुमत सादर करण्याच्या मुद्द्यांवर चर्चा केली जाण्याची शक्यता व्यक्त केली जात आहे. 

अजित पवार यांचा भाजपला पाठिंबा म्हणजे सुखद धक्का असल्याची भावनी गोपीचंद पडळकर यांनी व्यक्त केली आहे. पडळकर यांनी बारामती येथून अजित पवार यांच्या विरोधात विधानसभा निवडणूक लढवली होती. 

अहमदपूरचे आमदार बाबासाहेब पाटील यांनी अजित पवार राष्ट्रवादी पक्षासोबत असल्याचा दावा केला आहे. 

-अजित पवार यांच्या शपथविधीसाठी गेलेले आमदार माणिकराव कोकाटे रेनेसाँ हॉटेलमध्ये दाखल झाले आहेत. त्यामुळे राष्ट्रवादीचा अजून एक आमदार पुन्हा परतल्याने आनंद व्यक्त केला आहे. या हॉटेलमध्ये सुप्रिया सुळे आणि शरद पवार पोहचलेले आहेत. पण थोड्याच वेळात आता उद्धव ठाकरे आणि संजय राऊत येथे येणार असून राष्ट्रवादीच्या आमदरांची भेट घेणार आहे. 

भाजपला 170 आमदरांचा पाठिंबा असल्याची माहिती पक्षाच्या जेष्ठ नेत्यांनी एबीपी माझा यांना दिली आहे. त्यामुळे आता बहुमताचा आकडा खरंच भाजप गाठणार का हे पहाणे महत्वाचे ठरणार आहे. 

जयंत पाटील आणि वळसे पाटील हे आज सकाळी अजित पवार यांना भेटण्यासाठी गेले होते. तर  जयंत पाटील, वळसे पाटील यांची अजित पवार यांच्यामध्ये जवळजवळ दीड तासांपेक्षा अधिक वेळ चर्चा झाली. तरीही अजित पवारांची मनधरणी करण्यास अखेर राष्ट्रवादीला अपयश आले आहे. 

शिवसेना आमदार एकनाथ शिंदे रेनेसाँ हॉटेलमध्ये  राष्ट्रवादीच्या आमदारांच्या भेटीला आले आहेत. तर थोड्याच वेळानंतर उद्धव ठाकरे सुद्धा काँग्रेस-राष्ट्रवादी पक्षाच्या आमदारांची भेट घेणार आहेत. 

दुपारी 2.30 वाजता उद्धव ठाकरे रेनेसाँ हॉटेलमध्ये प्रथम राष्ट्रवादीच्या आमदारांना भेटणार आहेत. त्यानंतर जेडब्लू मॅरियट येथे काँग्रेस आमदरांनी मुक्काम केला आहे. तेथेच दुपारी 3 वाजता  उद्धव ठाकरे काँग्रेस आमदरांच्या भेटीला जाणार आहेत. 

शिवसेना नेते संजय राऊत मातोश्रीवर दाखल झाले आहेत. 

शरद पवार रेनेसॉं हॉटेलमध्ये आमदारांच्या भेटीला आले आहेत. तर आमदारांच्या सोबत संवाद साधण्यासाठी पवार येथे आले आहेत. तर राज्यात फोडाफोडीचे राजकरण होऊ नये म्हणून राष्ट्रवादीकडून पूर्णपणे खबरदारी घेण्यात आली आहे. 

राज्यपालांनी भाजपला बहुमत सिद्ध करण्यासाठी 30 नोव्हेंबरचा कालावधी देण्यात आला आहे. याच परिस्थितीत भाजपकडे बहुमत नसल्याचा दावा नवाब मलिक यांनी केला आहे. 

राष्ट्रवादीच्या गटनेते पदी अजित पवार यांची नियुक्ती वैध असल्याचे आशिष शेलार यांनी पत्रकार परिषदेत म्हटले आहे. तसेच अजित पवार यांचा व्हिप राष्ट्रवादीच्या आमदारांना लागू  असे शेलार यांनी स्पष्ट केले आहे.

अजित पवार यांनी शुक्रवारी भाजपला पाठिंबा दिल्याने त्यांचे मन वळवण्यासाठी जयंत पाटील त्यांच्या निवासस्थानी पोहचले आहेत. तर गेल्या एक तासापासून या दोघांमध्ये बैठक सुरु असल्याचे सांगण्यात येत आहे. 

राष्ट्रवादीचे बेपत्ता झालेले आमदार दौलत दरोडा सुरक्षित असल्याची बाब समोर येत आहे. त्यामुळे अफवांवर विश्वास ठेऊ नये असे दरोडा यांनी म्हटले आहे.  तसेच सत्ता स्थापनेच्या पेचाबाबत अजित पवार आणि शरद पवार जो काही निर्णय घेणार मी त्यासोबत असल्याचे ही दरोडा यांनी सांगितले आहे.

NCP MLA Daulat Daroda, for whom a missing person's complaint was filed: I'm safe. I've come after winning election on the clock symbol (NCP), so there's no question of changing the party. Whatever decision Sharad Pawar & Ajit Pawar take,I'm with that. Don't believe in any rumours pic.twitter.com/dS0C8tOnvH

— ANI (@ANI) November 24, 2019

-उद्या  राज्यपालांची सर्व कागदपत्रे  सकाळी 10.30 वाजता या संदर्भातील सर्व कागदपत्रे सादर करण्यात यावी असे आदेश कोर्टाने तुषार मेहता यांना दिले आहेत. त्यामुळे उद्या पुन्हा सुप्रीम कोर्टात सत्ता पेचाबाबत सुनावणी होणार आहे. 
-सर्व पक्षकारांना सुप्रीम कोर्टाने नोटीस दिली असल्याचे सांगण्यात येत आहे. यामुळे भाजपला कुठेतरी दिलासा मिळाल्याची आशा व्यक्त केली जात आहे. 
-अजित पवारांनी राज्यपालांकडे सादर केलेल सर्व कागदपत्र सादर करावे  असा आदेश देण्यात कोर्टाने दिला आहे. 
-देवेंद्र फडणवीस, अजित पवार, केंद्र आणि राज्याला कोर्टाकडून नोटीस जारी करण्यात आली आहे. 
-शरद पवार सिलव्हर ओक येथून रेनेसॉंच्या दिशेने रवाना झाले आहेत. 

तातडीने अधिवेशन बोलावण्याचे आदेश कोर्ट देऊ शकत नाही असा युक्तीवाद रोहतगी यांच्याकडून करण्यात आला आहे. तर सुप्रीम कोर्टात सिब्बल आणि रोहतगी यांच्यामध्ये घमासान सुरु झाले आहे. 

-मुख्यमंत्र्यांना नोटीस मिळेपर्यंत सुप्रीम कोर्टाने निर्णय देऊ नये अशी मागणी मुकूल रोहतगी यांनी केली आहे. तर मुकूल रोहतगी  हे सरकारच्या वतीने कोर्टात बाजू मांडत आहेत. 
-  राज्यपालांच्या निर्णयाला आव्हान दिले जाऊ शकत नाही असे रोहतगी यांनी म्हटले आहे. 
-राज्यपाल कोणालाही बोलावून शपथ देऊ शकत नाही- सुप्रीम कोर्टाचा सवाल 

सिब्बल-सिंघवी यांच्याकडून 5 वेळा बहुमत सिद्ध करण्याची मागणी सुप्रीम कोर्टात करण्यात आली आहे. तसेच गुप्त मतदान नको तर थेट मतदान घ्या असा ही युक्तीवाद कोर्टात सिंघवी यांच्याकडून करण्यात आला आहे.  कर्नाटक निकालाचा हवाला देत सिंघवी यांनी ही मागणी करण्यात आली आहे. कर्नाटकात तत्काळ बहुमत सिद्ध करा असा निकाल देण्यात आला होता. त्यावरुनच राज्यात सुद्धा बहुमत सिद्ध करण्यासाठी आजच आदेश द्या असे म्हटले आहे. 

अजित पवार यांच्या 41 आमदारांच्या स्वाक्षऱ्यांचा दावा खोटा असल्याचा सवाल सिंघवी यांनी कोर्टात उपस्थितीत केला आहे. तसेच राज्यपालांना कोणते पत्र मिळाले असा सुद्धा  प्रश्न विचारण्यात आला आहे. 

-भाजप पक्षाकडून मुकूल रोहतगी बाजू मांडणार आहेत. सुप्रीम कोर्टात सुनावणी  सुरु झाली असून सुनावणीची रविवारी काय गरज होती असा सवाल रोहतगी यांनी उपस्थितीत केला गेला आहे. 
-सत्ता स्थापनेचा पेचावर याचिका दाखल करण्यापूर्वी हायकोर्टात जायला हव होत असा तुषार मेहता यांनी म्हटले आहे. 

-आजच बहुमत सिद्ध करण्यासाठी आदेश देण्याचा युक्तीवाद कपील सिब्बल यांनी सुप्रीम कोर्टात केला आहे.

Kapil Sibal appearing for Shiv Sena in Supreme Court, on joint plea of Shiv Sena,NCP&Congress against the decision of Guv inviting Devendra Fadnavis to form govt: At 5.17am y'day President's Rule was revoked&at 8am 2 persons sworn-in as CM & Deputy CM. What documents were given?

— ANI (@ANI) November 24, 2019

-वकील तुषार मेहता कोणाची बाजू मांडणार असा सवाल सुप्रीम कोर्टाने उपस्थितीत केला आहे. 

सुप्रीम कोर्टात सत्ता स्थापनेच्या पेचावर सुनावणीला सुरुवात झाली आहे. तर कपील सिब्बल यांनी आमच्याकडे बहुमत असल्याचे स्पष्ट केले आहे. 

अजित पवार यांनी राष्ट्रवादी पक्षात पुन्हा यावे यावर समजूत काढण्यासाठी  जयंत पाटील त्यांच्या भेटीला आले आहेत. 

सत्ता स्थापनेचा पेच सुप्रीम कोर्टात पोहचल्याने थोड्याच वेळात सुनावणी पार पडणार आहे. तसेच  विविध पक्षातील राजकीय मंडळी सुद्धा येथे उपस्थितीती लावत आहेत. त्यामुळे आता आज सुप्रीम कोर्ट काय निर्णय देणार याकडे आता जनतेचे लक्ष लागून राहिले आहे. 

राष्ट्रवादीचे नेते अजित पवार यांनी भाजपला पाठिंबा देत उपमुख्यमंत्री पदाची शपथ शनिवारी घेतली. त्यानंतर पवार कुटुंबात उभी फूट पडल्याचे बोलले गेले. मात्र आता अजित पवार यांना राष्ट्रवादी पक्षात परतण्यासाठी प्रयत्न केले जात असल्याचे नवाब मलिक यांनी म्हटले आहे.

Nawab Malik, NCP: Ajit Pawar has committed a mistake. Efforts are being made since yesterday to make him understand, he has not given any indication so far. It will be better if he realises his mistake. #Maharashtra https://t.co/HtC5gtjpgF

— ANI (@ANI) November 24, 2019

राज्यात शनिवारी शपथविधी राजभवनात पार पडल्याने सर्वांच्या भुवया उंचावल्या गेल्या आहेत.  शपथविधीवेळी टीका करणाऱ्यांना आशिष शेलार यांनी प्रतिउत्तर देत शिवसेनेवर निशाणा साधला आहे. शपथविधीची वेळ होती ती रामप्रहाराची वेळ असल्याचे शेलार यांनी म्हटले.  पवार आणि फडणवीस हे स्थायी सरकार म्हणून काम करेल असा विश्वास शेलार यांनी व्यक्त केला आहे. 

सुप्रीम कोर्टाच्या निर्णयापूर्वी राज्यात राजकीय घडामोंडींना वेग आला आहे. याच परिस्थितीत छगन भुजबळ यांनी राष्ट्रवादीचे 49-50 आमदार आमच्याकडे आहेत. त्यामधील 1-2 जण पुन्हा पक्षात परतणार आहेत. तर महाराष्ट्रात महाशिवआघाडीचे सरकार येणार हे 100 टक्के असल्याचा दावा सुद्धा भुजबळ यांनी केला आहे.

Chhagan Bhujbal, NCP: 49-50 MLAs of the party are with us right now, 1-2 are coming too. All the MLAs have been kept together here. NCP-Congress-Shiv Sena government will be formed in Maharashtra, 100%. pic.twitter.com/q3WLLdMqxA

— ANI (@ANI) November 24, 2019

भाजपचे सहयोगी खासदार संजय काकडे यांनी शरद पवार यांच्या निवासस्थानी सकाळी भेट घेतली. त्यानंतर काकडे आणि शरद पवार यांच्यामध्ये 15 मिनिटे चर्चा झाली. त्यानंतर आता काकडे सिलव्हर ओक येथून बाहेर पडले असून त्यांनी मी वैयक्तिक कामासाठी शरद पवार यांची भेट घेतल्याचे सांगितले आहे. 

भाजपचे आमदार शिवेंद्रराजे हे सिलव्हर ओक समोरुन गेल्याने मोठी चर्चा सुरु झाली आहे. तसेच अजित चव्हाण सुद्धा शरद पवार यांच्या निवासस्थानी पोहचले आहेत. 

विधानसभेत महाविकासआघाडी बहुमत सिद्ध करणार असल्याचा दावा शिवसेना नेते संजय राऊत यांनी म्हटले आहे. तसेच फोडाफोडीचे राजकरण करण्यासाठी 30 नोव्हेंबरला वेळ असल्याचा टोला त्यांनी भाजपला लगावला आहे. भाजपच्या अंताला आता सुरुवात झाली असल्याचे राऊत यांनी म्हटले आहे. 

विधानसभेत महाविकासआघाडी बहुमत सिद्ध करणार असल्याचे संजय राऊत यांनी स्पष्ट केले आहे. त्याचसोबत राज्याचे मुख्यमंत्री शपथ घेतात पण राज्याला काहीच माहिती नाही. एवढेच नाही तर अजित पवार यांनी आमदरांना फसवून आमदारांना राजभवनात नेल्याचा आरोप लगावण्यात आला आहे. पाच आमदरांच्या बदल्यात अजित पवार यांना उपमुख्यमंत्री पद देण्यात आले असल्याचे ही राऊत  यांनी पत्रकार परिषदेत विधान केले आहे.

ANI ट्वीट:

Sanjay Raut, Shiv Sena: Ajit Pawar took false documents to Raj Bhawan yesterday & governor accepted those documents. Even if today, Governor asks us to prove majority, we can do it right now. 49 NCP MLAs are with us. #Maharashtra https://t.co/nJNUlDlGXD

— ANI (@ANI) November 24, 2019

शिवसेना नेते संजय राऊत यांनी पत्रकार परिषदेला सुरुवात झाली आहे. या परिषदेत त्यांनी असे म्हटले आहे की, अजित पवारांना फोडण्याचा डाव भाजपवर उलटला गेला आहे. त्याचसोबत  भाजपला आम्ही व्यापारी समजायचो पण त्यांच्या हा व्यापर चुकला आहे.  तसेच सर्व आमदार राष्ट्रवादी पक्षात परतले असल्याचे राऊत यांनी स्पष्ट केले  आहे. 

महाआघाडीच्या विरोधात दाखल करण्यात आलेल्या याचिकेवर 11.30 वाजता सुनावणी होणार आहे. तत्पूर्वी मुंबईत राजकीय हालचालींना वेग आला असून शरद पवार यांच्या घरी पोहचण्यास सुरुवात झाली आहे. तर दुसऱ्याबाजूला काँग्रेसच्या आमदरांना सुद्धा मुंबईतील जेडब्लू मॅरियट मध्ये हलवण्यात आले आहे. 

भाजपचे आमदार आशिष शेलार यांची 10.30 वाजता पत्रकार परिषद  पार पडणार आहे. त्यामुळे शनिवारी झालेल्या सत्ता स्थापनेवरुन आशिष शेलार कोणत्या मुद्द्यांवर बोलणार याकडे आता सर्वांचे लक्ष लागून राहिले आहे.

माढ्याचे आमदार बबन शिंदे शरद  पवार यांच्या भेटीला आहेत. खरंतर शिंदे हे अजित पवार यांचे समर्थक असल्याचे सांगण्यात येत आहेत.

राज्यात फोडाफोडीचे राजकरण होऊ नये म्हणून काँग्रेसच्या आमदारांना अंधेरी मधील जेडब्लू मॅरियट हॉटेलमध्ये हलवण्यात आले आहे. 

Mumbai: Congress MLAs being shifted to JW Marriott Hotel in Andheri. #Maharashtra

— ANI (@ANI) November 24, 2019

अजून एक आमदार राष्ट्रवादी पक्षात परतणार असल्याची बाब समोर येत आहे. एनसीपी नेते नवाब मलिक यांनी ट्वीट करत ही माहिती दिली आहे.

और एक गायब विधायक ने आने के संकेत दिए ...… pic.twitter.com/5AeYh16D9K

— Nawab Malik (@nawabmalikncp) November 24, 2019

राष्ट्रवादीचे 54 मधील 54 आमदार शरद पवार यांच्यासोबत राहणार आहे. त्यामुळे अजित पवार एकटे पडणार आहे. तर आता शरद पवार यांच्या उत्तराधिकाराची समस्या सुटल्याने सुप्रिया सुळे यांना दिग्विजय सिंग यांनी शुभेच्छा दिल्या आहेत.

NCP के ५४ में से ५३ शरद पवार जी के साथ रहेंगे। अजीत पवार अकेले रह जायेंगे। शरद पवार के उत्तराधिकारी की समस्या भी हल हो गयी। बधाई सुप्रिया!!

— digvijaya singh (@digvijaya_28) November 24, 2019

महाराष्ट्रातील सत्ता स्थापनेच्या नाट्यमय घडामोडींच्या पार्श्वभुमीवर राज्यपाल भगत सिंह कोश्यारी यांच्यावर त्यांनी पदाचा गैरवापर केल्याचा आरोप करण्यात आला. त्यानंतर आता कोश्यारी राष्ट्रपती भनवात दाखल झाले आहेत.

Delhi: Maharashtra Governor Bhagat Singh Koshyari reaches Rashtrapati Bhavan to attend the annual Conference of Governors. pic.twitter.com/brtoqiKIfo

— ANI (@ANI) November 24, 2019

भाजप सहयोगी खासदार संजय काकडे राष्ट्रवादी पक्षाचे सर्वेसर्वा शरद पवार यांच्या निवासस्थानी पोहचले आहेत. त्याचसोबत जयंत पाटील सुद्धा सिलव्हर ओक येथे पोहचले आहेत. 

अजित पवार यांची विधिमंडळ गटनेता पदावरु हकालपट्टी करण्यात आली. यानंतर जयंत पाटील यांच्याकडे विधिमंडळ गटनेते पदाची कमान दिली आहे. मात्र यावर आशिष शेलार यांनी आक्षेप घेतला आहे. तसेच अजित पवारांना व्हिप काढण्याचा अधिकार नसल्याचे ही शेलार यांनी म्हटले आहे. 

सत्ता स्थापनेच्या नाट्यप्रकरणानंतर अजित पवार हे मध्यरात्री आपल्या घरी परतले. अजित पवार यांनी सध्या मुंबईतील प्रेमकोर्ट अपार्टमेंट येथे मुक्काम केला आहे. प्रेमकोर्ट अपार्टमेंटच्या बाहेर पोलिसांचा कडक बंदोबस्त लावण्यात आला आहे. 

सत्तेसाठी कुटुंबात फूट पडू नये म्हणून सुप्रिया सुळे यांनी अजित पवार यांना उपमुख्यमंत्री पदाचा राजीनामा दे असे भावनिक आवाहन केले आहे. मात्र अजित पवार यांनी अद्याप कोणतेही विधान करण्यात आलेले नाही. 

अजित पवार यांच्या सोबत शनिवारी राजभवनात  15 आमदार गेले होते. त्यामधील राष्ट्रवादीचे 2 आमदार बेपत्ता असल्याची तक्रार पोलिसात करण्यात आली आहे. तर शहापूरचे राष्ट्रवादीचे आमदार दौलत दरोडा आणि नाशिक मधील कळवणचे आमदार नितीन पवार हे बेपत्ता झाले आहेत.