Maharashtra FDA in Action Mode: राज्यात एफडीए अॅक्शन मोडमध्ये, सणासुदीपूर्वीचं तपासण्यात येत आहे खाद्यपदार्थांची गुणवत्ता

Maharashtra FDA in Action Mode: सणासुदीच्या आधी राज्यात एफडीए अॅक्शन मोडमध्ये (FDA in Action Mode) आल्याचं दिसत आहे. या संदर्भात मुंबईला (Mumbai) जोडणाऱ्या प्रमुख चेक पॉइंटवर एक पथक तैनात करण्यात आले आहे. महाराष्ट्र एफडीएने सणापूर्वी खाद्यपदार्थांच्या गुणवत्तेच्या तपासणीत वाढ केली आहे. हे पथक वाहनांनी येणाऱ्या मालाची शहरातील प्रवेश स्थळांवर गुणवत्ता तपासणी करत आहे.

शहरातील एंट्री पॉइंटवर 204 वाहनांमधून सुमारे 7.2 लाख लिटर दुधाची तपासणी करण्यात येत आहे. मुंबईतील मुलुंड दहिसर मानखुर्द एअरलो वाशी एलबीएस मार्गावर गुणवत्ता तपासणी केली जात आहे. त्यापैकी सुमारे 346 नमुने तपासण्यात आले. (हेही वाचा - Lakshya 84 Days Mission: धक्कादायक! नंदुरबार सिव्हिल हॉस्पिटलमध्ये 3 महिन्यांत 179 मुलांचा मृत्यू; मुख्य वैद्यकीय अधिकाऱ्यांनी केली 'लक्ष्य 84 दिवस' मिशनची घोषणा)

दरम्यान, यातील 3 नमुने भेसळयुक्त आढळून आले जे एकूण 23 लिटर दुधाचे होते, ते तात्काळ नष्ट करण्यात आले. याशिवाय सुमारे 1900 लिटर दूध भेसळयुक्त आढळून आल्याने परत करण्यात आले. 14 सप्टेंबरच्या रात्रीपासून 15 सप्टेंबरच्या सकाळपर्यंत ही तपासणी करण्यात आली.

तपासणी दरम्यान, दूध आणि सुक्या मेव्यावर विशेष लक्ष दिले जाते. कारण, ते मिठाई बनविण्यासाठी वापरले जातात. येत्या काही दिवसांत सणांचा हंगाम सुरू होत असून त्यात गणेश चतुर्थी, नवरात्री, दसरा आणि दिवाळी या सणांचा समावेश आहे. या ऋतूंमध्ये मिठाईची मागणी वाढते. FDA च्या मते, सर्व तपासण्या या नियमित तपासणी असतात. ज्या प्रतिबंध लक्षात घेऊन केल्या जातात. नुकतेच शासन व महापालिकेने यासाठी चौकशीचे आदेश दिले होते.

(The above story first appeared on LatestLY on Sep 16, 2023 03:51 PM IST. For more news and updates on politics, world, sports, entertainment and lifestyle, log on to our website latestly.com).