Thane Rains: ठाण्यात मुसळधार पावसामुळे रस्ते, रेल्वे वाहतुकीवर परिणाम, शाळा बंद; ठाणे पोलिसांकडून हेल्पलाईन नंबर जारी
रात्रीपासून ठाणे शहरात पडत असलेल्या मुसळधार पावसामुळे अनेक ठिकाणी पाणी साचले आहे. तर रेल्वे ट्रॅकही जलमय झाल्याने मध्य रेल्वेच्या वाहतुकीवर परिणाम झाला आहे.
रात्रीपासून ठाणे शहरात पडत असलेल्या मुसळधार पावसामुळे अनेक ठिकाणी पाणी साचले आहे. तर रेल्वे ट्रॅकही जलमय झाल्याने मध्य रेल्वेच्या वाहतुकीवर परिणाम झाला आहे. वृंदावन सोसायटी परिसर जलयम झाला असून संभाजीनगर मधील घरांमध्ये पाणी शिरले आहे. त्यामुळे सकाळच्या वेळेस ऑफिसला जाणाऱ्या नागरिकांचा चांगलेच हाल झाले आहेत. मात्र विद्यार्थ्यांच्या सुरक्षिततेचा विचार करता ठाण्यातील शाळांना सुट्टी जाहीर करण्यात आली आहे. महाराष्ट्रातील पावसाचे अपडेट्स जाणून घेण्यासाठी येथे क्लिक करा.
ठाणे पोलिस ट्विट:
ठाणे जिल्ह्यात मुसळधार पाऊस पडत असल्याने शाळांना सुट्टी जाहीर करण्यात आलेली आहे. पालकांनी कृपया आपल्या पाल्यांना शाळेतून सुखरूप घेऊन जावे. नागरिकांनी सुरक्षित स्थळी राहावे. कृपया आमच्याशी @ThaneCityPolice वर संपर्क साधावा.1/2
— Thane City Police (@ThaneCityPolice) August 3, 2019
ठाणे रेल्वे स्थानक:
Thane station atm. @TMCaTweetAway @Central_Railway#MumbaiRains #MumbaiRainsLive pic.twitter.com/wD0bvIAmTy
— Shloak Prabhu (@ShloakPrabhu9) August 3, 2019
Intense rainfall in Thane , Kalyan areas will be there for next 2,4 hrs.
Please TC pic.twitter.com/9n0PdnLPnC
— K S Hosalikar (@Hosalikar_KS) August 3, 2019
ठाण्यातील पावसाचा परिणाम रस्ते वाहतुकीवरही झाला असून वाहतूक मंद गतीने सुरु आहे. ठाण्यासह डोंबिवली, कल्याण, उल्हासनगर, भिवंडी भागातही पावसाने जोरदार हजेरी लावली आहे. तसंच पुढील काही तास मुंबई सह उपनगरांमध्ये अतिवृष्टीचा इशारा हवामान खात्याने वर्तवला आहे.
ठाण्यात होत असलेल्या मुसळधार पावसामुळे आपत्कालीन परिस्थितीत संपर्क साधण्यासाठी ठाणे पोलिसांनी हेल्पलाईन क्रमांक जारी केले आहेत.
ठाणे पोलिस ट्विट:
आपत्कालीन परिस्थितीत कृपया आमच्याशी खालील नियंत्रण कक्ष क्रमांकावर संपर्क साधावा.
ठाणे नियंत्रण कक्ष 022 25443636/ 25442828
भिवंडी नि. कक्ष 02522 253700 / 254100
कल्याण नि कक्ष 0251 2313427 /2315446
उल्हासनगर नि. कक्ष 0251 2705151 / 2700101.
— Thane City Police (@ThaneCityPolice) August 3, 2019
तसंच ठाण्याचे पोलीस अधिकारी व कर्मचारी आपत्कालीन बंदोबस्ताकरिता नेमले असल्याची माहिती ठाणे पोलिसांनी ट्विट करुन दिली आहे. तसंच नागरिकांना सुरक्षित राहण्याचे आवाहन करण्यात आले असून अडचणीच्या वेळी 100 क्रमांकावर संपर्क साधण्यास सांगितले आहे.
(The above story first appeared on LatestLY on Aug 03, 2019 11:00 AM IST. For more news and updates on politics, world, sports, entertainment and lifestyle, log on to our website latestly.com).
