Maharashtra Floor Test: देवेंद्र फडणवीसांनी फ्लोर टेस्टसाठी मनसेकडे मागितला पाठिंबा, राज ठाकरेंनी 'असे' दिले उत्तर

महाराष्ट्रात सध्या सुरू असलेल्या राजकीय संकटाच्या पार्श्वभूमीवर एक मोठी बातमी समोर आली आहे. भाजप नेते देवेंद्र फडणवीस (Devendra Fadnavis) यांनी महाराष्ट्र नवनिर्माण सेनेचे (MNS) अध्यक्ष राज ठाकरे (Raj Thackeray) यांच्याशी संवाद साधला असून त्यांनी फ्लोर टेस्टसाठी (Floor Test) मनसेचा पाठिंबा मागितला आहे. राज ठाकरे यांनी होकार दिला आहे. आता या संवादानंतर राज ठाकरेंच्या मनसेच्या एका आमदाराचे मत भाजपच्या छावणीत जाणार आहे. महाराष्ट्रात मनसेचा एकच आमदार असून तो ठाण्यातील कल्याण ग्रामीणचा आहे. कल्याण ग्रामीण मतदारसंघातून मनसेचे प्रमोद रतन पाटील (Pramod Ratan Patil) हे एकमेव आमदार आहेत. जे आता फ्लोर टेस्टमध्ये भाजपला पाठिंबा देणार आहेत.

महाराष्ट्राचे माजी मुख्यमंत्री देवेंद्र फडणवीस यांनी बुधवारी दुपारी त्यांच्या मुंबईतील निवासस्थानी भाजप नेत्यांची बैठक बोलावली होती. शिवसेनेचे बंडखोर आमदार एकनाथ शिंदे यांनी आपल्याला 50 आमदारांचा पाठिंबा असल्याचा दावा केला आहे.  दरम्यान, महाराष्ट्राचे राज्यपाल भगतसिंग कोश्यारी यांनी मुख्यमंत्री उद्धव ठाकरे यांना 30 जून रोजी सभागृहात बहुमत सिद्ध करण्याचे निर्देश दिले आहेत. हेही वाचा  Maharashtra CM Uddhav Thackeray, मंत्री Aaditya Thackeray कॅबिनेट बैठकीसाठी मातोश्री वरून मंत्रालयासाठी रवाना

दुसरीकडे, शिवसेनेने महाराष्ट्राचे राज्यपाल भगतसिंग कोश्यारी यांच्या निर्देशाला आव्हान दिले असून, शिवसेनेचे मुख्य व्हीप सुनील प्रभू यांच्या याचिकेवर आज सायंकाळी 5 वाजता उच्च न्यायालयात सुनावणी होणार आहे. महाराष्ट्रात फ्लोर टेस्ट होणार की नाही हे या सुनावणीनंतरच कळेल. गुवाहाटी येथे मुक्कामाला असताना  एकनाथ शिंदे यांनी प्रसारमाध्यमांशी बोलताना आपण उद्या मुंबईत पोहोचू, असे सांगितले आहे.

#MaharastraPoliticalCrisis | BJP leader Devendra Fadnavis spoke with MNS chief Raj Thackeray over the phone, asking for help in Floor Test scheduled for tomorrow. Thackeray agreed, he said that the party will vote. MNS has one MLA in the Maharashtra Assembly.

(File photos) pic.twitter.com/z7YCnDInki

— ANI (@ANI) June 29, 2022

50 आमदार आमच्यासोबत आहेत आणि आमच्याकडे 2/3 बहुमत आहे. आम्हाला कोणत्याही फ्लोअर टेस्टची चिंता नाही, आम्ही सर्वकाही उत्तीर्ण करू आणि आम्हाला कोणीही रोखू शकत नाही. लोकशाहीत बहुमत महत्त्वाचे असते आणि ते आपल्याकडे आहे.

(The above story first appeared on LatestLY on Jun 29, 2022 05:37 PM IST. For more news and updates on politics, world, sports, entertainment and lifestyle, log on to our website latestly.com).