Eknath Shinde | (Photo Credits: Twitter/ANI)

Baramati: महाराष्ट्राचे मुख्यमंत्री एकनाथ शिंदे (CM Eknath Shinde) यांनी एक निर्णय घेतला असून त्याचा फटका राष्ट्रवादीचे अध्यक्ष शरद पवार (Sharad Pawar) यांना बसू शकतो. एकनाथ शिंदे यांनी शरद पवारांचा बालेकिल्ला असलेल्या बारामती विभागातून बिबट्या सफारी प्रकल्प (Leopard Safari Project) मागे घेण्याची घोषणा केली आहे. जुन्नर तालुक्यातच हा प्रकल्प उभारला जाणार असल्याचे त्यांनी म्हटले आहे.

मुख्यमंत्री शिंदे यांनी आता या प्रकल्पाचा प्रस्ताव रद्द करून जुन्नर तालुक्यातील आंबेगव्हाणमध्ये हा प्रकल्प होणार असल्याचे सांगितले आहे. या निर्णयाची माहिती मुख्यमंत्र्यांनी ट्विटरवरून दिली आहे. शिंदे-फडणवीस सरकार राज्यात सत्तेवर येताच महाविकास आघाडी सरकारने घेतलेले विविध निर्णय रद्द करण्याचा प्रयत्न करत आहे. दरम्यान, अजित पवारांचा आणखी एक निर्णय रद्द करून मुख्यमंत्र्यांनी राष्ट्रवादीला झटका दिला आहे. मुख्यमंत्री एकनाथ शिंदे यांनी एका दगडात दोन पक्षी मारले आहेत. (हेही वाचा - Hingoli: हिंगोलीत बाळासाहेब ठाकरे यांच्या नावाने हळद संशोधन व प्रशिक्षण संस्था स्थापन करणार, शिंदे फडणवीस सरकारची मोठी घोषणा)

शिंदे गटात दाखल झालेले माजी आमदार शरद सोनवणे यांच्या मागणीला यश आले आहे. विशेष म्हणजे बारामती हा शरद पवार घराण्याचा बालेकिल्ला आहे. येथून त्यांची कन्या सुप्रिया सुळे खासदार असून भाजप त्यांना घेरण्याचा प्रयत्न करत आहे. बारामतीतून प्रकल्प मागे घेण्यावर राष्ट्रवादीकडून अद्याप कोणतीही प्रतिक्रिया आलेली नाही. मात्र, ही बाब पवार कुटुंबाला धक्का देणारी आहे. वेदांत-फॉक्सकॉनचा संयुक्त प्रकल्प महाराष्ट्राऐवजी गुजरातला हलवल्याबद्दल शरद पवारांनी एकनाथ शिंदे यांच्यावर जोरदार टीका केली होती. पंतप्रधान नरेंद्र मोदी यांनी शिंदे यांना फुगे देऊन आमिष दाखवल्याचे शरद पवार यांनी म्हटलं होतं.