QuickLY
Socially
पंतप्रधान नरेंद्र मोदी (Pm Narendra Modi) यांच्या विरोधात अपमानास्पद आणि अपशब्द वापरल्याप्रकरणी राज्यातील काँग्रेस नेते शेख हुसेन यांच्याविरोधात एफआयआर (FIR) दाखल करण्यात आला आहे. शेख हुसेन (Sheikh Hussain) यांच्याविरोधात भाजपने (BJP) तक्रार दाखल केली होती. यानंतर पोलिसांनी एफआयआर दाखल केला. नागपुरातील (Nagpur) गिट्टीखदान पोलिस स्टेशनमध्ये काल रात्री हुसेन विरुद्ध भारतीय दंड संहितेच्या कलम 294 आणि 504 आयपीसी (शांतता भंग करण्याच्या हेतूने हेतुपुरस्सर अपमान) अंतर्गत एफआयआर दाखल करण्यात आला आहे. हुसेन यांच्यावर कठोर कारवाई करण्याची मागणी भाजप नेत्यांनी केली आहे. हुसेन यांना 24 तासांत अटक न केल्यास तीव्र आंदोलन छेडणार असल्याचे त्यांनी सांगितले. काँग्रेस नेते हुसैन यांना पंतप्रधान मोदींविरोधात बोलण्याचा अधिकार नसल्याचे तक्रार दाखल करणाऱ्या भाजप नेत्यांनी म्हटले आहे. हुसैन यांनी पंतप्रधानांसाठी अपशब्द वापरून खालच्या पातळीवर जाऊन पोचले.
मिळालेल्या माहितीनुसार, काँग्रेस नेते हुसेन आणि माजी जिल्हा काँग्रेस अध्यक्ष 13 जून रोजी एका निदर्शनात सहभागी झाले होते आणि त्यांनी पंतप्रधान मोदींविरोधात अपशब्द वापरले होते. काँग्रेसचे माजी अध्यक्ष राहुल गांधी यांची ईडीने केलेल्या चौकशीच्या विरोधात नागपुरातील ईडी कार्यालयाबाहेर निदर्शने करण्यात आली.
Tweet
FIR registered against Maharashtra Congress leader Sheikh Hussain at Gittikhadan PS in Nagpur for using derogatory language against PM Modi. FIR registered last night u/s 294 (obscene acts and songs) and 504 IPC (intentional insult with intent to provoke breach of the peace).
— ANI (@ANI) June 15, 2022
मी कोणत्याही परिणामाला सामोरे जाण्यास तयार - शेख हुसेन
या झालेल्या सगळ्या प्रकरणावर राज्यातील काॅंग्रेस नेते शेख हुसेन यांनी ANI या वृत्तवाहिनाशी बोलताना आपली प्रतिक्रिया दिली आहे. ते म्हणाले, मी पंतप्रधानांवर कोणताही वैयक्तिक हल्ला केलेला नाही, माझ्या भाषणात फक्त एक मुहावरा वापरला आहे. मी पक्षाच्या बाजूने बोललो. मला खेद वाटतो किंवा माफी मागायची गरज आहे असे मी काहीही बोललो नाही. मी कोणत्याही परिणामाला सामोरे जाण्यास तयार आहे. असे ते म्हणाले आहे. (हे देखील वाचा: Chhagan Bhujbal Statement: महाराष्ट्रातील ओबीसी लोकसंख्या निश्चित करण्यासाठी आडनावांवर आधारित प्रायोगिक डेटा चुकीचे निकाल देईल, छगन भुजबळांचे वक्तव्य)
Tweet
#WATCH I've not made any personal attack against the PM, only used an idiom in my speech. I spoke in favour of the party. I've not said anything I regret or need to apologise for. I'm ready to face any consequence: Sheikh Hussain, Congress on his derogatory remarks against PM pic.twitter.com/52hzSgFKIy
— ANI (@ANI) June 15, 2022
विदर्भात सोमवारी काँग्रेसचे अनेक नेते आणि कार्यकर्त्यांनी निदर्शने केली होती. नॅशनल हेराल्ड प्रकरणाशी संबंधित मनी लॉन्ड्रिंग प्रकरणात राहुल गांधी यांची चौकशी केल्याबद्दल त्यांनी पंतप्रधान मोदी आणि ईडीवर टीका केली. नागपूर पोलिसांनी केलेल्या आक्रमक निषेधाला उत्तर म्हणून राज्यमंत्री नितीन राऊत आणि विजय वडेट्टीवार यांना काँग्रेसच्या इतर कार्यकर्त्यांसह ताब्यात घेण्यात आले.
