नवी मुंबईत भाजपला धक्का बसणार असून राजीनामा दिलेले 4 नगरसेवक शिवसेनेत जाण्याची शक्यता व्यक्त करण्यात येत आहे. 

पुणे विमानतळावर महिला प्रवाशाकडून 20 लाखांचे सोने जप्त करण्यात आले आहे. 

कोलकाता येथे देशातील पहिली अंडरवॉटर मेट्रो सेवा लवकरत सुरु होणार  आहे. 

मुंबईच्या काही भागात म्हणजेच कुर्ला, मानखुर्दसह यासह अन्य ठिकाणी आज रात्री 12 वाजल्यापासून 15 टक्के पाणी कपातीचा निर्णय घेण्यात आला आहे. 

भामरागड येथे गडचिरोली पोलीस दलातील कमांडो पथकाने बेधडक कारवाई करून एका नक्षलवाद्याला कंठस्नान घातल्याचे समजत आहे. छत्तीसगड-महाराष्ट्र सीमेवरील अबुजमाड जंगलात ही कारवाई झाली असून. सुरुवातीला नक्षलवाद्यांनी कमांडो पथकावर गोळीबार करताच कमांडोंनी केलेल्या कारवाईत एका नक्षलवाद्याला ठार करण्यात आले आहे. सोबतच ३०० अन्य नक्षलवादी पळून गेल्याची माहिती देखील समोर येत आहे.

Maharashtra: One Naxal neutralised during an encounter with Gadchiroli police in Abujhmad forest area, today.

— ANI (@ANI) February 17, 2020

गुजरातचे मुख्यमंत्री विजय रूपानी यांच्या माहितीनुसार, येत्या 24 फेब्रुवारी अमेरिकेचे राष्ट्राध्यक्ष डोनाल्ड ट्रम्प हे थेट वॉशिंग्टन वरून अहमदाबाद ला येतील मोटेरा स्टेडियम मध्ये ट्राम यांच्या स्वागतासाठी आयोजित करण्यात आलेल्या नमस्ते ट्रम्प या कार्यक्रमाला तब्बल 1 लाख लोक उपस्थित राहणार आहेत.

Gujarat CM Vijay Rupani: US President Donald Trump is coming to Ahmedabad directly from Washington (US) on February 24. More than 1 lakh people will be present in Motera Stadium (in Ahmedabad) during the 'Namaste Trump' event. This programme will be historic for Gujarat. pic.twitter.com/wmfyHM5h7t

— ANI (@ANI) February 17, 2020

जीएसटी भवनाला आज लागलेल्या आगी वरून भाजप नेते प्रवीण छेडा यांनी संशय घेत, या आगीत कोणाला वाचवण्याचा प्रयत्न केला जातोय का असा सवाल केला आहे, या भवनात महसूल संबंधित महत्वाची कागदपत्रे असतात, घोटाळे लपवण्यासाठी ही आग मुद्दाम तर लावलेली नाही ना असेही छेडा यांनी म्हंटले आहे. 

शिवाजीचे उद्दातीकरण; पडद्यामागेचे वास्तव या पुस्तकावरून आता नवा वाद सुरु होण्याची शक्यता आहे, या पुस्तकात छत्रपती शिवाजी महाराजांविषयी आक्षेपार्ह्य विधाने केल्याचे म्हणत भाजप नेते शिवराय कुलकर्णी यांनी या पुस्तकावर बंदी आणण्याची मागणी केली आहे. 

पाकिस्तान मधील क्वेटा येथे झालेल्या ब्लास्ट मध्ये ५ जण ठार तर अनेकजण जखमी झाल्याचे समजत आहे.

Pakistan: 5 dead and several injured in a blast in Quetta, Balochistan.

— ANI (@ANI) February 17, 2020

 'सम तिथीला स्त्री संग केल्यास मुलगा व विषम तिथीला स्त्री संग केल्यास मुलगी होते,' हे वक्तव्य करणाऱ्या प्रसिद्ध कीर्तनकार इंदुरीकर महाराजांवर गुन्हा दाखल करण्यात यावा, अशी मागणी महाराष्ट्र अंधश्रद्धा निर्मूलन समितीनं केली आहे. यासंबंधी त्यांनी जिल्हा शल्यचिकित्सक आणि पोलीस अधीक्षकांकडे तक्रार केली आहे. दुसरीकडे हा इंदुरीकर महाराजांना नाहक त्रास देऊन नका अन्यथा रस्त्यावर उतरू असा इशारा वारकरी संप्रदायाकडून देण्यात आला आहे. 

राष्ट्रवादी काँग्रेसच्या बैठकीत आज पक्षाचे सर्वेसर्वा शरद पवार यांनी महाविकास आघाडीतील आपल्या पक्षाच्या मंत्र्यांना सूचना देत “सरकार पाच वर्ष टिकवायचं आहे, मुख्यमंत्र्यांशी योग्य समन्वय ठेवा. वादग्रस्त वक्तव्ये टाळा”,असे म्हंटले आहे. याशिवाय  अन्य काही मुद्द्यांवर सुद्धा या बैठकीत चर्चा झाली, याच वेळी जीएसटी भवनाला आग लागल्याने अजित पवार यांना पाहणीसाठी जावे लागले त्यामुळे ते बैठकीला अनुपस्थित होते.

आशा देवी या पीडेतेच्या आईने कोर्टाकडून जारी करण्यात आलेल्या 3 र्‍या डेथ वॉरेंटवर आपली प्रतिक्रिया दिली आहे. अनेक प्रयत्नांनंतर फाशीच्या शिक्षेसाठी तिसर्‍यांदा डेथ वॉरंट जारी करण्यात आले आहे. दरम्यान आता 3 मार्चला तरी चारही दोषींना फाशी होईल अशी अपेक्षा त्यांनी व्यक्त केली आहे.

Asha Devi, Mother of 2012 Delhi gang-rape victim: I am not very happy as this is the third time that death warrant has been issued. We have struggled so much, so I am satisfied that death warrant has been issued finally. I hope they (convicts) will be executed on 3rd March. https://t.co/lUI3flqwzU pic.twitter.com/gkuYNnGocX

— ANI (@ANI) February 17, 2020

निर्भया बलात्कार प्रकरणी चारही दोषींना फाशी देण्यासाठी नवे डेथ वॉरंट जारी करण्यात आले आहे. 3 मार्च दिवशी सकाळी 6 वाजता सार्‍यांना   फाशी देण्यात येणार आहे.

2012 Delhi gang-rape case: Delhi court has issued a fresh date for execution of death warrant against all the four convicts. Convicts to be executed on March 3 at 6 am. https://t.co/lUI3flqwzU

— ANI (@ANI) February 17, 2020

आज दुपारी माझगाव परिसरात असलेल्या GST  भवन इमारतीला लागलेली आग नियंत्रणात आणण्यात अग्निशमन दलाच्या अधिकार्‍यांना यश आले आहे. दरम्यान या इमारतीमधील सार्‍या कर्मचार्‍यांना सुखरूप बाहेर काढण्यात यश आले आहे.  इथे वाचा सविस्तर वृत्त . 

हार्बर मार्गावरून  सीएसटीएम च्या दिशेने येणार्‍या मुंबई लोकल 20 मिनिटं उशिराने धावत आहेत.  

पाचगणी येथील रहिवासी शाळेच्या हॉस्टेल मधील 11 आदिवासी विद्यार्थ्यांचे लैंगिक शोषण करण्याच्या आरोपा वरून  2 शिपायांना अटक करण्यात आली आहे. वयवर्षे 10 ते 13 मधील 11 आदिवासी विद्यार्थ्यांवर हे शिपाई अत्याचार करत होते. शनिवारी स्थानिक न्यायालयाकडून त्यांना 5 दिवसांची कोठडी सुनवण्यात आली आहे.

माझगाव मधील जीएसटी भवनात लागलेल्या भीषण आगीची पाहणी करण्यासाठी उपमुख्यमंत्री अजित पवार दोन तासांपासून घटनास्थळी उपस्थित आहेत. यावेळी त्यांनी माध्यमंही संवाद साधताना या घटनेचा तपास होणार असे सांगितले. ही आग कागद पत्रे आणि लाकूडामुळे ही आग जास्त भडकल्याचा प्राथमिक अंदाज देखील पवार यांनी वर्तवला आहे. 

माझगाव मधील जीएसटी भवनात लागलेल्या भीषण आगीची पाहणी करण्यासाठी उपमुख्यमंत्री अजित पवार दोन तासांपासून घटनास्थळी उपस्थित आहेत.

मुंबईच्या माझगाव परिसरातल्या जीएसटी भवनात आग लागल्याची बातमी कळताच तत्काळ घटनास्थळी धाव घेतली. त्याठिकाणी सुरु असलेल्या मदत व बचाव कार्याचा पोलीस व अग्निशमन दलाच्या वरिष्ठ अधिकाऱ्यांकडून आढावा घेतला. pic.twitter.com/p5h1KL8scL

— Ajit Pawar (@AjitPawarSpeaks) February 17, 2020

आज दुपारी स्पार्क  होऊन जीएसटी बिल्डिंगला लागलेली आग काही वेळापूर्वी आटोक्यात आली असे वृत्त देण्यात आले होते. मात्र पुन्हा 9व्या मजल्यावर आग धगधगायला सुरूवात झाली आहे. दरम्यान राज्याचे उपमुख्यमंत्री अजित पवार देखील मोक्याच्या स्थळी उपस्थित आहेत. हायड्रॉलिक शिडीच्या माध्यमातून आता आग नियंत्रणात आणण्याचे प्रयत्न सुरू केले आहेत.  

नवाब मालिक यांनी दिलेल्या माहितीनुसार, भीमा कोरेगाव तपास प्रकरणी राज्य सरकार समांतर SIT चौकशी करणार आहेत. तर लवकरच गृहमंत्री त्याबाबत निर्णय घेणार आहेत.

Nawab Malik, Maharashtra Minority Affairs Minister & Nationalist Congress Party (NCP) leader: State government will carry out a parallel enquiry in Bhima Koregaon case through SIT...Our Home Minister will make a decision soon, over forming the SIT. pic.twitter.com/Enpw7mNSRp

— ANI (@ANI) February 17, 2020

मुंबईमधील माझगाव येथे 9व्या मजल्यावर आग लागली आहे. दरम्यान आगीवर नियंत्रण मिळवण्यासाठी सध्या अग्निशमन दल रवाना झाले आहेत.  

राष्ट्रवादीचे नेते वारंवार खोटे बोलत आहेत. दरम्यान आम्ही सरकार पाडणार नाही परंतू हे सरकार पडणार असल्याचं भाकित भाजपा प्रदेशाध्यक्ष चंद्रकांत पाटील यांनी आज म्हटलं आहे.

रायगड जिल्ह्यापासून आज मुख्यमंत्री उद्धव ठाकरे यांच्या कोकण दौर्‍याला सुरूवात झाली आहे. उमरठ येथे मुख्यमंत्र्यांच्या हस्ते नरवीर तानाजी मालुसरे यांच्या 350 व्या पुण्यतिथी निमित्त समाधीस्थळाचं मुख्यमंत्री उद्धव ठाकरे यांच्या हस्ते लोकार्पण करण्यात आले आहे. 

दिल्लीच्या मुख्यमंत्रीपदी विराजमान झाल्यानंतर आज मुख्यमंत्री अरविंद केजरीवाल यांनी कार्यालयात पदभार स्वीकारला आहे.

Arvind Kejriwal takes charge as the Chief Minister of Delhi, at Delhi Secretariat. pic.twitter.com/GQTFmjk3oH

— ANI (@ANI) February 17, 2020

आज राष्ट्रवादी कॉंग्रेसची महाविकास आघाडीमधील मंत्र्यांच्या कामकाजाचा आढावा घेण्यासाठी विशेष बैठक बोलावण्यात आली आहे. मुंबईच्या वाय. बी. चव्हाण सेंटरमध्ये ही बैठक बोलावण्यात आली आहे. दरम्यान भीमा - कोरेगाव तपास NIA कडे देण्यावरून शरद पवार आणि उद्धव ठाकरे यांच्यामध्ये मतभेद आहेत. दरम्यान आज या बैठकीला हजेरी लावण्यापूर्वी एनसीपी नेते नवाब मलिक यांनी भीमा- कोरेगाव हिंसाचार घटना भाजपाचा सुनियोजित कट असल्याचं म्हटलं आहे.  

तिरूपतीच्या दर्शनाला जाणार्‍या भाविकांचा तेलंगणाजवळ भीषण अपघात झाला आहे. जीप चालकाचं नियंत्रण सुटल्याने हा अपघात झाला आहे. यामध्ये 8 जण जखमी असून 3 जणांचा मृत्यू झाला आहे. हे मृत महाराष्ट्रातील सोलापूर जिल्ह्यातील आहेत.  

एनसीपी अध्यक्ष  शरद पवार आणि उद्धव ठाकरे यांच्यामध्ये भीमा - कोरेगाव तपास प्रकारणावरून झालेल्या मतभेदावरून महाविकास आघाडीमध्ये तणावाचे वातावरण निर्माण झाल्याची चर्चा आहे. दरम्यान आज शरद पवार यांनी 16 मंत्र्यांसोबत तातडीची बैठक बोलावली असून त्यासाठी पवार नाशिक दौरा सोडून येणार आहेत.  

महाराष्ट्राचे मुख्यमंत्री उद्धव ठाकरे आज (17 फेब्रुवारी) पासून दोन दिवसीय कोकण दौर्‍यावर आहेत. या दौर्‍यादरम्यान विकासकामांचं भूमिपूजन करून आगामी प्रकल्पांचा आढावा घेण्यासाठी ते रायगड, रत्नागिरी आणि सिंंधूदुर्ग जिल्ह्यांना भेट देणार आहेत. दरम्यान आज ते मालवणात आंगणेवाडीच्या भराडी देवी जत्रेला देखील भेट देणार आहेत. Anganewadi Jatra 2020: आंगणेवाडीच्या भराडी देवी जत्रेला आजपासून मोठ्या जल्लोषात सुरूवात.