Food प्रतिकात्मक फोटो (PC - Pixabay)

ओपन नेटवर्क फॉर डिजिटल कॉमर्स (Open Network for Digital Commerce) अर्थातच ओएनडीसी (ONDC) स्वीगी (Swiggy) आणि झोमॅटो (Zomato) यांच्यासारख्या खाद्यपदार्थांच्या ऑनलाईन मक्तेदारी असलेल्या कंपन्यांना धक्का देत आहे. ONDC माध्यमातून खाद्यपदार्थ मागवणारे ग्राहक सोशल मीडियावर आपण ऑर्डर केलेल्या पदार्थांचे स्क्रीनशॉट टाकत आहेत. ज्यात या पदार्थांच्या किमती स्वीगी आणि झोमॅटो यांच्या तुलनेत बऱ्याच कमी आहेत. भारतातील ई-कॉमर्स ( e-commerce) क्षेत्रातील मक्तेदारी रोखण्यासाठी आणि ग्राहकांना अधिक परवडणारे पर्याय ऑफर करण्यासाठी या प्लॅटफॉर्मची रचना करण्यात आली आहे.

ONDC काय आहे?

ONDC म्हणजे 'ओपन नेटवर्क फॉर डिजिटल कॉमर्स' जी भारतातील कलम 8 अंतर्गत अंतर्भूत केलेली एक ना-नफा कमावणारी संस्था आहे. या संस्थेसाठी वाणिज्य आणि उद्योग मंत्रालयाच्या अंतर्गत उद्योग आणि अंतर्गत व्यापार प्रोत्साहन विभागाचा पुढाकार आहे. ई-कॉमर्स व्यवसायातील सर्व सहभागींना स्पर्धेत समान संधी आणि क्षेत्र उपलब्ध करुन देणे त्याचे उद्दिष्ट आहे. देशाच्या कानाकोपऱ्यातील पुरवठादारांसह पुरवठा मूल्य शृंखला, ऑपरेशन्स आणि लॉजिस्टिक्सचे मानकीकरण करण्यासाठी हे एक सामान्य व्यासपीठ म्हणून काम करेल. यामुळे देशातील ई-कॉमर्स क्षेत्राला मोठी चालना मिळेल आणि देशभरातील ग्राहक आणि पुरवठादारांना त्यांच्यासाठी खुले नेटवर्क तयार करून एकत्रित करण्यात मदत होईल, असा उद्देश आहे. (हेही वाचा, Cyber Crime News Pune: 'थाळी एकावर एक फ्री', सायबर गुन्हेगाराकडून महिलेची दोन लाखांची फसवणूक)

ONDC ने आपल्या संकेतस्थळवर म्हटले आहे की, भारतात, 12 दशलक्षाहून अधिक विक्रेते उत्पादने आणि सेवा विकून किंवा पुनर्विक्री करून आपला उदरनिर्वाह करतात. तथापि, यापैकी केवळ 15,000 विक्रेत्यांनी (एकूण 0.125%) ई-कॉमर्स सक्षम केले आहेत. ई-रिटेल बहुसंख्य विक्रेत्यांच्या आवाक्याबाहेर आहे, विशेषत: लहान शहरे आणि ग्रामीण भागातील.

ONDC ने ई-रिटेल प्रवेश सध्याच्या 4.3% वरून भारतातील त्याच्या कमाल क्षमतेपर्यंत वाढवण्याची अनोखी संधी ओळखली आहे. सर्व प्रकारच्या आणि आकाराच्या विक्रेत्यांचा लोकसंख्येच्या प्रमाणात समावेश सक्षम करून देशातील ई-कॉमर्स प्रवेश नाटकीयरित्या वाढवणे हे आमचे ध्येय आहे.

ONDC वर अन्न कसे ऑर्डर करावे

ONDC कडे स्वतःचे अॅप नसल्यास, ONDC कडून खाद्यपदार्थ कसे ऑर्डर करावे? त्यासाठी ONDC वर खाद्यपदार्थ ऑर्डर करण्यासाठी, त्याच्या भागीदार अॅप्सपैकी एक वापरणे आवश्यक आहे. ONDC वर फूड ऑर्डर करण्यासाठी दोन सर्वात लोकप्रिय अॅप्स पेटीएम आणि मॅजिकपिन आहेत. ONDC द्वारे अन्न ऑर्डर करण्यासाठी, वापरकर्त्यांनी पेटीएम किंवा मॅजिकपिन सारख्या भागीदार अॅप्सपैकी एक ऍक्सेस करणे आवश्यक आहे. फूड ऑर्डरिंगसाठी इतर ONDC अॅप्समध्ये Mystore अॅप, पिनकोड अॅप, स्पाइस मनी अॅप, मीशो अॅप, क्राफ्टव्हिला आणि पिनकोड अॅप समाविष्ट आहेत. ONDC ची फूड ऑर्डरिंग सेवा सध्या बंगळुरू आणि दिल्लीसह अनेक शहरांमध्ये लाइव्ह आहे, ज्याकडे सर्वाधिक पर्याय आहेत. आणखी शहरे लवकरच जोडली जातील, शेवटी संपूर्ण भारत कव्हर करण्याच्या योजना आहेत.