QuickLY
Socially
मुंबई: भारतीय संस्कृतीतील महत्त्वाचा सण असलेली 'वसंत पंचमी' यंदा 23 जानेवारी 2026 रोजी साजरी होत आहे. हा दिवस विद्येची देवता माता सरस्वतीचा प्रकट दिन मानला जातो. वसंत ऋतूच्या आगमनाचे स्वागत करण्यासाठी आणि ज्ञानाचा आशीर्वाद घेण्यासाठी हा दिवस अत्यंत शुभ असतो. या मंगल प्रसंगी सोशल मीडियाच्या माध्यमातून शुभेच्छा देण्याची मोठी परंपरा आहे. आपल्या आप्तेष्टांना, विद्यार्थी मित्रांना आणि नातेवाईकांना पाठवण्यासाठी काही खास मराठी शुभेच्छा संदेश खाली दिले आहेत.
सरस्वती पूजन चारोळी मराठी
मुलांच्या अभ्यासाची किंवा कोणत्याही नवीन कलेची सुरुवात करण्यासाठी वसंत पंचमीचा मुहूर्त सर्वोत्तम मानला जातो. विद्यार्थ्यांना पाठवण्यासाठी हे संदेश उपयुक्त ठरतील:
"सरस्वती मातेच्या आशीर्वादाने तुमच्या जीवनात ज्ञानाचा प्रकाश पडो आणि यशाची शिखरे तुम्ही सर करावीत. वसंत पंचमीच्या हार्दिक शुभेच्छा."
"विद्येची देवता माता सरस्वती आपणा सर्वांना सुबुद्धी आणि सुख-समृद्धी देवो, हीच प्रार्थना. सरस्वती पूजनाच्या शुभेच्छा."
"मोहरावा आम्रतरू, डोलू लागली मोहरी... वसंत ऋतूच्या आगमनाने सजली ही सृष्टी सारी. वसंत पंचमीच्या मनःपूर्वक शुभेच्छा."
"निसर्गाच्या पालवीप्रमाणे तुमचे आयुष्यही नवनवीन रंगांनी आणि आनंदाने बहरून जावो. वसंत पंचमीच्या शुभेच्छा."
वसंत पंचमी व्हॉट्सॲप आणि फेसबुक स्टेटससाठी संदेश
सोशल मीडिया स्टेटसवर ठेवण्यासाठी छोटे आणि अर्थपूर्ण संदेश:
"तिथी पंचमी, ऋतू वसंत... माता सरस्वतीचा आशीर्वाद लाभो तुम्हास अनंत. शुभ वसंत पंचमी."
"ओम ऐं ह्रीं क्लीं महासरस्वत्यै नमः... सरस्वती पूजनाच्या निमित्ताने आपणा सर्वांना ज्ञानमय शुभेच्छा."
वसंत पंचमीचे सांस्कृतिक महत्त्व
वसंत पंचमीला 'श्री पंचमी' असेही संबोधले जाते. या दिवशी पिवळ्या रंगाचे वस्त्र परिधान करणे आणि पिवळ्या फुलांनी देवीची पूजा करणे अत्यंत शुभ मानले जाते. पिवळा रंग हा उत्साह आणि ज्ञानाचे प्रतीक आहे. महाराष्ट्रात अनेक शाळांमध्ये या दिवशी पाटी पूजन किंवा सरस्वती पूजन करून शैक्षणिक सत्राची शुभ सुरुवात केली जाते.
