PM Modi On Araku Coffee: आंध्र प्रदेशच्या 'अराकू कॉफी'मध्ये काय आहे खास? 'मन की बात'मध्ये पंतप्रधान मोदींनीही केला उल्लेख, वाचा सविस्तर
आंध्र प्रदेशातील अल्लुरी सीता रामा राजू जिल्ह्यात अराकू कॉफीचे उत्पादन मोठ्या प्रमाणात घेतले जाते. हे त्याच्या समृद्ध चव आणि सुगंधासाठी ओळखले जाते. सुमारे 1.5 लाख आदिवासी कुटुंबे अराकू कॉफीच्या लागवडीशी निगडीत आहेत. अराकू कॉफीला नवी उंची देण्यात गिरिजन सहकारी संस्थेचा मोठा वाटा आहे.
PM Modi On Araku Coffee: चार महिन्यांच्या प्रदीर्घ कालावधीनंतर, पंतप्रधान नरेंद्र मोदी (PM Narendra Modi) यांनी आज रविवारी 'मन की बात' (Mann Ki Baat)च्या 111 व्या भागाद्वारे देशवासियांना संबोधित केले. यावेळी त्यांनी परदेशात भारतीय उत्पादनांच्या मागणीचा उल्लेख केला. देशवासीयांना संबोधित करताना पंतप्रधान मोदी म्हणाले की, देशातील अनेक उत्पादनांना जगभरात मोठी मागणी आहे. भारतातील एखादे स्थानिक उत्पादन जेव्हा आपण जागतिक पातळीवर जाताना पाहतो तेव्हा त्याचा अभिमान वाटणे स्वाभाविक आहे. असेच एक उत्पादन म्हणजे 'अराकू कॉफी' (Araku Coffee).
अराकू कॉफीचे उत्पादन -
आंध्र प्रदेशातील अल्लुरी सीता रामा राजू जिल्ह्यात अराकू कॉफीचे उत्पादन मोठ्या प्रमाणात घेतले जाते. हे त्याच्या समृद्ध चव आणि सुगंधासाठी ओळखले जाते. सुमारे 1.5 लाख आदिवासी कुटुंबे अराकू कॉफीच्या लागवडीशी निगडीत आहेत. अराकू कॉफीला नवी उंची देण्यात गिरिजन सहकारी संस्थेचा मोठा वाटा आहे. या संस्थेने येथील शेतकरी बंधू-भगिनींना एकत्र आणण्याचे काम केले आणि त्यांना अराकू कॉफीची लागवड करण्यास प्रोत्साहित केले. (हेही वाचा -Mann Ki Baat: लोकसभा निवडणूकीनंतर पुन्हा PM Modi 'मन की बात' मधून साधणार जनतेशी संवाद; आज 111 वा एपिसोड!)
अराकू कॉफीच्या लागवडीमुळे शेतकऱ्यांच्या उत्पन्नातही मोठी वाढ झाली आहे. कोंडा डोरा आदिवासी समाजालाही याचा मोठा फायदा झाला आहे. कमाईसोबतच त्यांना सन्मानाचे जीवनही मिळत आहे. विशाखापट्टणममध्ये आंध्र प्रदेशचे मुख्यमंत्री चंद्राबाबू नायडू यांच्यासोबत या कॉफीचा आस्वाद घेण्याची संधी मिळाल्याचे मला आठवते.ही आश्चर्यकारक कॉफी आहे, असे पंतप्रधान मोदी मन की बात कार्यक्रमात म्हणाले. अराकू कॉफीला अनेक जागतिक पुरस्कार मिळाले आहेत. (हेही वाचा- PM Modi’s ‘Mann Ki Baat’ to Resume: पुन्हा सुरु होणार पीएम नरेंद्र मोदींचा 'मन की बात' कार्यक्रम; जून 2024 च्या भागासाठी नागरिकांकडून मागवल्या कल्पना आणि सूचना .)
I’ve been an admirer of coffee from Araku as well. Here are pictures of conversations over coffee with AP CM @ncbn Garu and others in 2016 in Visakhapatnam. The great part is- this coffee cultivation is closely linked to tribal empowerment too. pic.twitter.com/9rBzja5Y4w
— Narendra Modi (@narendramodi) June 30, 2024
पीएम मोदींनी लोकांना अराकू कॉफीचा आनंद घेण्याचे आवाहन केले. पीएम मोदी पुढे म्हणाले की, स्थानिक उत्पादने जागतिक बनवण्यात जम्मू-काश्मीरचे लोकही मागे नाहीत. जम्मू-काश्मीरने गेल्या महिन्यात जे काही केले ते देशभरातील जनतेसाठी उदाहरण आहे.
(The above story first appeared on LatestLY on Jun 30, 2024 06:06 PM IST. For more news and updates on politics, world, sports, entertainment and lifestyle, log on to our website latestly.com).
