Russia-Ukraine War: रशिया आणि युक्रेन युद्धाचा पोलाद कंपन्यांना बसला फटका, किंमत वाढल्याने उत्पादन खर्चात वाढ

रशिया आणि युक्रेनमध्ये सुरू असलेल्या युद्धाचा परिणाम दिसू लागला आहे.  देशांतर्गत पोलाद (Steel) कंपन्यांनी हॉट-रोल्ड कॉइल्स (HRC) आणि TMT बारच्या किमतीत प्रति टन 5,000 रुपयांनी वाढ करण्याची घोषणा केली आहे. पूर्व युरोपमध्ये रशिया आणि युक्रेन यांच्यात सुरू असलेल्या संघर्षामुळे पुरवठा साखळीच्या समस्या वाढल्या आहेत. ज्यामुळे स्टीलच्या किमतींमध्ये ही उडी दिसत आहे. गेल्या काही दिवसांत स्टीलच्या किमतीत वाढ झाल्याचे मानले जात असून रशिया आणि युक्रेनमधील तणाव वाढल्याने किमती आणखी वाढतील. स्टीलच्या किमती वाढल्यानंतर आता प्रति टन एचआरसीची किंमत 66,000 तर टीएमटी बारची किंमत 65000 प्रति टन असेल.

रशिया आणि युक्रेन यांच्यातील भांडणामुळे आंतरराष्ट्रीय स्तरावर पुरवठा साखळीत समस्या निर्माण होत असून त्यामुळे उत्पादन खर्च वाढत आहे. सध्या कोकिंग कोळसा 500 रुपये प्रति डॉलर दराने व्यवहार करत आहे. गेल्या काही आठवड्यांच्या तुलनेत कोकिंग कोळशाच्या किमतीत 20 टक्क्यांनी वाढ झाली आहे. भारत आपल्या एकूण कोकिंग कोळशाच्या 85 टक्के वापर आयातीद्वारे पूर्ण करतो. पोलाद उद्योगात कोकिंग कोळसा मोठ्या प्रमाणात वापरला जातो. हेही वाचा Petrol Diesel Price Hike: पेट्रोल-डिझेलच्या दरात 12 रुपयांनी वाढ करावी लागणार; ICICI सिक्युरिटीजच्या अहवालात दावा

भारतात कोकिंग कोळसा सर्वात जास्त प्रमाणात ऑस्ट्रेलिया, त्यानंतर दक्षिण आफ्रिका, कॅनडा आणि अमेरिकेतून येतो. हॉट-रोल्ड कॉइल (HRC) आणि TMT बारचा वापर ऑटो, कंझ्युमर ड्युरेबल्स, बांधकाम तसेच रिअल इस्टेट क्षेत्रात केला जातो. स्टीलच्या किमतीत वाढ झाल्यामुळे घरबांधणीपासून, वाहनांव्यतिरिक्त ग्राहकोपयोगी वस्तू महाग झाल्याचे मानले जात आहे.

(The above story first appeared on LatestLY on Mar 04, 2022 07:46 PM IST. For more news and updates on politics, world, sports, entertainment and lifestyle, log on to our website latestly.com).