SBI Recruitment 2021: स्टेट बँक ऑफ इंडियामध्ये प्रोबेशनरी ऑफिसरसाठी भरती प्रक्रिया सुरू, अर्ज करण्याची 25 ऑक्टोंबर शेवटची तारीख

स्टेट बँक ऑफ इंडिया (SBI) ने प्रोबेशनरी ऑफिसर (PO) पदांसाठी बंपर भरती जारी केली आहे. अलीकडेच या भरतीची (Recruitment) अधिसूचना जारी करून अर्जाची प्रक्रिया सुरू करण्यात आली. या 2056 पदांवर पदवी पूर्ण केलेले उमेदवार 25 ऑक्टोबर 2021 पर्यंत ऑनलाईन अर्ज (Online Apply) करू शकतात.  अधिसूचनेनुसार, पीओ पदांसाठी उमेदवारांची निवड पूर्वपरीक्षा आणि मुख्य परीक्षेत मिळालेल्या गुणांच्या आधारे केली जाईल. पदवी पूर्ण केलेले उमेदवार प्रोबेशनरी ऑफिसर या पदांसाठी अर्ज करू शकतात. याशिवाय पदवीच्या शेवटच्या वर्षात शिकणारे उमेदवार देखील अर्ज भरू शकतात. वयोमर्यादेबद्दल बोलताना उमेदवारांचे किमान वय 21 वर्षे आणि कमाल वय 30 वर्षे असावे. आरक्षित प्रवर्गातील उमेदवारांना नियमानुसार वयोमर्यादेत सवलत मिळेल.

सामान्य, ओबीसी आणि ईडब्ल्यूएस श्रेणीच्या उमेदवारांना 750 रुपये अर्ज शुल्क भरावे लागेल. एससी, एसटी आणि दिव्यांगांसाठी अर्ज विनामूल्य आहे. अर्ज शुल्क डेबिट कार्ड, क्रेडिट कार्ड आणि नेट बँकिंगद्वारे जमा करता येते. प्रोबेशनरी ऑफिसर पदांसाठी अर्ज करण्यासाठी पात्र उमेदवारांना IBPS https://ibpsonline.ibps.in/sbiposasep21 च्या अधिकृत वेबसाइटला भेट द्यावी लागेल . या वेबसाइटच्या मुख्यपृष्ठावर, तुम्हाला या भरतीची अधिसूचना आणि अर्जाची लिंक मिळेल. आपण अधिसूचनेमध्ये दिलेली मार्गदर्शक तत्त्वे वाचून फॉर्मची प्रक्रिया पूर्ण करू शकता.

नोकरभरतीचा पहिला टप्पा किंवा ऑनलाइन प्राथमिक परीक्षा नोव्हेंबर/डिसेंबर 2021 मध्ये घेतली जाईल. प्राथमिक परीक्षेचा निकाल डिसेंबर 2021 मध्ये जाहीर केला जाईल. ऑनलाईन मुख्य परीक्षा डिसेंबर 2021 मध्ये घेतली जाईल आणि त्याचा निकाल जानेवारी 2022 मध्ये जाहीर केला जाईल. गट व्यायाम आणि मुलाखत किंवा फक्त मुलाखत फेब्रुवारी 2022 च्या दुसऱ्या किंवा तिसऱ्या आठवड्यात घेतली जाईल आणि अंतिम निकाल जाहीर केला जाईल. हेही वाचा FSSAI Recruitment 2021: फूड सेफ्टी अँड स्टँडर्ड्स अथॉरिटी ऑफ इंडिया 254 पदांसाठी निघाली भरती, 'असा' करा अर्ज

प्राथमिक परीक्षेची प्रवेशपत्रे नोव्हेंबर 2021 च्या पहिल्या किंवा दुसऱ्या आठवड्यात डाउनलोड केली जाऊ शकतात. एससी/ एसटी/ धार्मिक अल्पसंख्याक समुदायाच्या उमेदवारांसाठी पूर्व परीक्षा प्रशिक्षणासाठीचे कॉल लेटर नोव्हेंबरच्या पहिल्या आठवड्यापासून डाउनलोड केले जाऊ शकतात.

(The above story first appeared on LatestLY on Oct 14, 2021 12:11 AM IST. For more news and updates on politics, world, sports, entertainment and lifestyle, log on to our website latestly.com).