Nana Patole Controversial Video: मी मोदींना मारु शकतो, पटोलेंच वादग्रस्त व्हिडिओ होतोय व्हायरल, भाजपाचा पटोलेंनवर हल्लाबोल
विरोधी पक्षनेते देवेंद्र फडणवीस (Devendra Fadnavis) यांनीही नानांच्या वक्तव्यावर टीका केली आहे. यावेळी ते म्हणाले की, नानांची शारीरिक उंचीबरोबरच बौद्धिक आणि वैचारिक उंचीही असावी. तसेच, काँग्रेस पक्ष सत्तेसाठी एवढ्या टोकाला गेला आहे का?
भंडारा: जिल्हा परिषद व पंचायत समिती निवडणुकीच्या प्रचारासाठी काँग्रेस (Congress) प्रदेशाध्यक्ष नाना पटोले (Nana Patole) रविवारी भंडारा (Bhandara) जिल्ह्यात आले होते. एका निवडणुकीच्या प्रचारसभेत नाना म्हणाले, "मी मोदींना मारू शकतो आणि त्यांना शिव्या देवु शकतो." असे वादग्रस्त विधान केले. या विधाना संदर्भातील व्हिडिओ सोशल मीडियावर चांगलाच व्हायरल होत आहे. भाजपने (BJP) पटोले यांच्या विधानाचा जाहीर विरोध केला आहे. विरोधी पक्षनेते देवेंद्र फडणवीस (Devendra Fadnavis) यांनीही नानांच्या वक्तव्यावर टीका केली आहे. यावेळी ते म्हणाले की, नानांची शारीरिक उंचीबरोबरच बौद्धिक आणि वैचारिक उंचीही असावी. तसेच, काँग्रेस पक्ष सत्तेसाठी एवढ्या टोकाला गेला आहे का? असा संतापजनक प्रश्नही विचारण्यात आला आहे.
Tweet
काँग्रेस पक्षाचे @INCIndia चालले तरी काय❓
कधीकाळी स्वातंत्र्याच्या आंदोलनात असणारा हा पक्ष इतक्या रसातळाला? सत्तेसाठी काहीही❓
काँग्रेसला आता लोकशाहीतील राजकीय पक्ष म्हणायचे, की दहशत पसरविणारे संघटन?
नानाभाऊ केवळ शारीरिक उंची असून चालत नाही, वैचारिक-बौद्धिक उंची पण असावी लागते❗️
— Devendra Fadnavis (@Dev_Fadnavis) January 17, 2022
नाना पटोलेंचं डोक फिरलय का? - चंद्रकात पाटील
नाना पटोलेंचं डोकं फिरलंय का? राजकारणात पक्षभेद आणि मतभेदही असतातच. राजकीय मतभेद असूनही ते वैयक्तिक पातळीवर न आणण्याची असंख्य उदाहरणं महाराष्ट्रात आहेत. त्याच महाराष्ट्राच्या भूमीत पंतप्रधानांचा जाहीररीत्या एकेरी उल्लेख? मारहाणीची भाषा? हीच काँग्रेस संस्कृती का @AshokChavanINC ? pic.twitter.com/DZ3VgGfBgI
— Chandrakant Patil (@ChDadaPatil) January 17, 2022
काँग्रेस पक्षानंच तालिबानी संघटनेशी युती केलीय - चित्रा वाघ
‘मोदींना मारू शकतो शिव्या देऊ शकतो’
म्हणणा-या नानांनी तालिबान्यांचा पक्ष जॅाईन केलाय की काँग्रेस पक्षानंच तालिबानी संघटनेशी युती केलीय..
मोदीजी केवळ भाजपचे नेते नाहीत तर देशाचे सन्माननीय पंतप्रधान आहेत हे विसरू नका…
नानाभाऊ, मंत्रीपद मिळत नसल्याचा राग कुठेही काढू नका..!
— Chitra Kishor Wagh (@ChitraKWagh) January 17, 2022
पटोले यांची राजकीय संस्कृती आणि संस्कार यातून दिसून येतात - बावनकुळे
आपल्या विरोधातील राजकीय नेते - कार्यकर्त्यांना मारण्याची, शिव्या देण्याची @NANA_PATOLE यांची जुनी संस्कृती आहे. वैयक्तिक आणि खालच्या स्तरावर टीका करण्यासाठी ते बदनाम आहेत. 3/3
— Chandrashekhar Bawankule (@cbawankule) January 17, 2022
नाना पटोले यांच विधानवर स्पष्टीकरण
माझ्या मतदारसंघातील मोदी नावाच्या स्थानिक गुंडाबाबत नागरिकांनी माझ्याकडे तक्रारी केल्या असता मी त्यांच्याशी बोलतानाचा व्हिडीओ खोडसाळपणे सोशल मीडियावर व्हायरल केला जात आहे.
मी पुन्हा स्पष्ट करतो मी तिथे पंतप्रधान मोदींबद्दल नाही,तर मोदी नावाच्या स्थानिक गुंडाबाबत बोलत होतो.
— Nana Patole (@NANA_PATOLE) January 17, 2022
दरम्यान, हा व्हिडीओ व्हायरल झाल्यानंतर नाना पटोले यांनी सोशल मीडिया माध्यमातून यावर स्पष्टीकरण दिलं आहे. नाना पटोले म्हणाले की, "भंडारा जिल्ह्यात मोदी असं टोपणनाव असलेला एक गावगुंड आहे. त्या गुंडाबाबत बोलताना मी ते वक्तव्य केलं आहे. देशाचे पंतप्रधान नरेंद्र मोदी यांच्याबाबत ते नाही.
(The above story first appeared on LatestLY on Jan 17, 2022 08:25 PM IST. For more news and updates on politics, world, sports, entertainment and lifestyle, log on to our website latestly.com).
