Mann Ki Baat: PM मोदी आज करणार 'मन की बात'; खास कारणासाठी आठवडाभर आधी प्रसारित होणारा कार्यक्रम

Mann Ki Baat: पंतप्रधान नरेंद्र मोदी (PM Modi) त्यांच्या मासिक रेडिओ कार्यक्रम 'मन की बात' (Mann ki Baat) द्वारे देशवासियांना संबोधित करणार आहेत. पंतप्रधानांच्या कार्यक्रमाची ही 102 वी आवृत्ती आहे, जी प्रत्येक वेळेप्रमाणे सकाळी 11 वाजता प्रसारित होईल. प्रत्येक वेळी 'मन की बात' कार्यक्रम महिन्याच्या शेवटच्या रविवारी प्रसारित केला जात असला तरी, यावेळी एका खास कारणामुळे तो एक आठवडा आधी होणार आहे.

पंतप्रधान मोदी पुढील आठवड्यात अमेरिकेच्या दौऱ्यावर जाणार आहेत. त्यामुळेच 'मन की बात' हा कार्यक्रम आठवडाभर आधी प्रसारित होणार आहे. दरम्यान, पंतप्रधान मोदींच्या मासिक रेडिओ कार्यक्रमाने अलीकडेच 100 वा भाग पूर्ण केला, जो 26 एप्रिल रोजी केवळ देशातच नाही तर इतर देशांमध्येही प्रसारित झाला. या कार्यक्रमाचे न्यूयॉर्क येथील संयुक्त राष्ट्रांच्या मुख्यालयातून थेट प्रक्षेपणही करण्यात आले. (हेही वाचा - आता अदानी समूह IRCTC ला देणार आव्हान, Gautam Adani रेल्वे क्षेत्रात ठेवणार पाऊल)

उत्तर प्रदेशातील रामपूरमधील मुस्लिम महिलांसाठी पंतप्रधान मोदींचा यावेळीचा कार्यक्रम खूप खास असणार आहे. वास्तविक, यावेळी रामपूरच्या मुस्लिम महिला मन की बात कार्यक्रमात पडद्यावर दिसणार आहेत. या कार्यक्रमासाठी रामपूरच्या दोन विधानसभा आणि ललितपूरच्या जोखरा विधानसभेची निवड करण्यात आली आहे.

Tune in at 11 AM today. #MannKiBaat pic.twitter.com/yanPbIzHXV

— Narendra Modi (@narendramodi) June 18, 2023

दरम्यान, 'मन की बात' या कार्यक्रमातून पंतप्रधानांनी जगातील अशा अनेक व्यक्तिमत्त्वांना दाखवले, ज्यांनी आपापल्या क्षेत्रात विशेष योगदान दिले. पण देशाला त्यांच्या योगदानाची माहिती नव्हती. या कार्यक्रमाच्या माध्यमातून या लोकांचा गौरव करण्यात आला, एवढेच नाही तर त्यांच्या प्रेरणेने लोक पुढे जात आहेत.

(The above story first appeared on LatestLY on Jun 18, 2023 09:39 AM IST. For more news and updates on politics, world, sports, entertainment and lifestyle, log on to our website latestly.com).