Passport Seva Portal Restored: पासपोर्ट सेवा पोर्टल पुन्हा सुरळीत, अपॉइंटमेंट रीशेड्युल करण्यापूर्वी काय करावे, जाणून घ्या

Passport Seva Portal Restored: तांत्रिक सुधारणांनंतर पासपोर्ट सेवा पोर्टल वेळेपूर्वी सुरु झाले आहे. पासपोर्ट सेवा वेबसाइटवर दिलेल्या माहितीनुसार, सेवा पोर्टल आणि GPSP ने  1 सप्टेंबर 2024 रोजी संध्याकाळी 7 वाजल्यापासून पोर्टल सेवा सुरु केली आहे. आता नागरिक आणि संबंधित अधिकारी दोघेही या पोर्टलचा वापर करू शकतात. यासोबतच परराष्ट्र मंत्रालयाने असा इशाराही दिला आहे की, अनेक बनावट वेबसाइट आणि अर्ज ऑनलाइन फॉर्म भरण्यासाठी आणि पासपोर्ट अर्जासाठी अपॉइंटमेंट घेण्यासाठी अर्जदारांकडून जास्त शुल्काची मागणी करत आहेत. हे देखील वाचा: अरबी समुद्रात हेलिकॉप्टरच्या आपत्कालीन लँडिंगनंतर तटरक्षक दलाचे 3 सदस्य बेपत्ता

 भारतीय पासपोर्ट आणि संबंधित सेवा शोधणाऱ्या नागरिकांना या बनावट वेबसाइट्सपासून दूर राहण्यासाठी आणि त्याद्वारे कोणतेही पेमेंट न करण्याचा सल्ला दिला आहे.

केंद्र सरकारने मोठ्या प्रमाणात बनावट वेबसाईट आणि ॲप्लिकेशन्स शोधून काढल्या आहेत. यामध्ये applypassport.org, online-passportindia.com, passportindiaportal.in, passport-india.in, passport-seva.in आणि indiapassport.org यांचा समावेश आहे. तर, पासपोर्ट सेवांसाठी अधिकृत वेबसाइट passportindia.gov.in आहे. अर्जदार अधिकृत mPassport मोबाईल ॲप देखील वापरू शकतात. ते Android आणि iOS ॲप स्टोअरवरून डाउनलोड केले जाऊ शकते.