Nude Photo व्हायरल करणार, महिला डॉक्टरकडे 50 लाख रुपयांची मागणी करत आरोपीने कुरिअरद्वारे दिली धमकी; पतीने दाखल केला गुन्हा
21 मार्च रोजी तिला कुरिअरद्वारे पत्र पाठवून फोटो व्हायरल करण्याची धमकी दिली होती. महिला डॉक्टरचे नग्न छायाचित्र व्हायरल करण्याची धमकी देऊन तिच्याकडून 50 लाख रुपयांची मागणी करण्यात आली.
छत्तीसगडमधील महिला डॉक्टरला न्यूड फोटो व्हायरल करण्याची धमकी देण्यात आली आहे. हे प्रकरण बिलासपूरचे आहे. महिलेचे न्यूड फोटो व्हायरल करण्याची धमकी देणारा व्यक्तीही डॉक्टर असल्याचे सांगण्यात येत आहे. याप्रकरणी महिला डॉक्टरच्या पतीने पोलीस ठाण्यात एफआयआर दाखल केला आहे.
अशोक दाते असे आरोपी डॉक्टरचे नाव असल्याचे सांगण्यात येत आहे. मीडिया रिपोर्ट्सनुसार, 2017 ते 2020 पर्यंत, महिला डॉक्टर तिच्या वैद्यकीय अभ्यासादरम्यान मध्य प्रदेशातील चित्रकूटमध्ये होती. दरम्यान, 21 मार्च रोजी तिला कुरिअरद्वारे पत्र पाठवून फोटो व्हायरल करण्याची धमकी दिली होती. महिला डॉक्टरचे नग्न छायाचित्र व्हायरल करण्याची धमकी देऊन तिच्याकडून 50 लाख रुपयांची मागणी करण्यात आली. (हेही वाचा - Rajasthan: नववर्षानिमित्त काढण्यात आलेल्या मिरवणुकीवर दगडफेक, जाळपोळ; कलम 144 लागू, इंटरनेट सेवा बंद)
अशोक दाते यांच्यावर महिला डॉक्टरचा फोटो ईडिट केल्याचा आरोप आहे. त्यानंतर कुरिअर पाठवून पीडितेला धमकावले. तिचे असे चित्र पाहून महिला डॉक्टर आश्चर्यचकित झाली. लाखो रुपये न दिल्यास 30 मार्चला हे चित्र सासूबाईंना पाठवू, अशी धमकीही या पत्रात देण्यात आली होती.
याप्रकरणी महिला डॉक्टरच्या पतीने सिव्हिल लाइन्स पोलिस ठाण्यात एफआयआर दाखल केला. महिला डॉक्टरचा पतीही रुग्णालयाचा संचालक आहे. मात्र, या प्रकरणी पोलिसांनी विविध कलमान्वये गुन्हा दाखल केला आहे.
(The above story first appeared on LatestLY on Apr 03, 2022 11:32 AM IST. For more news and updates on politics, world, sports, entertainment and lifestyle, log on to our website latestly.com).
