अभिनेत्री सोनाक्षी सिन्हा आणि तिची आई पून सिन्हा यांनी लोकसभा निवडणूक 2024 साठी होत असलेल्या पाचव्या टप्प्यात मतदानाचा हक्क बजावला. आज दिवसभरात मुंबई येथे अनेक सेलिब्रेटींनी मतदानाचा हक्क बजावला आहे.पाहा व्हिडिओ

लोकसभा निवडणूक 2024 च्या पाचव्या टप्प्यासाठी देशभरात मतदान पार पड आहे. पाचव्या टप्प्यामध्ये सायंकाळी पाच वाजेपर्यंत 56.68% मतदान पार पडले आहे. जाणून घ्या राज्यनिहाय मतदानची टक्केवारीबिहार- 52.35%
जम्मू आणि काश्मीर - 54.21%
झारखंड- 61.90%
लडाख-67.15%
महाराष्ट्र- 48.66%
ओडिशा- ६०.५५%
उत्तर प्रदेश-55.80
पश्चिम बंगाल- 73.00%एक्स पोस्ट

बॉलिवुड अभिनेता सलमान खान मतदानाचा हक्क बजावण्यासाठी मुंबईतील मतदान केंद्रावर दाखल झाला आहे. अभिनेता लोकसभा निवडणूक 2024 मध्ये निवडणुकीचा हक्क बजावणार आहे.

मुख्यमंत्री एकनाथ शिंदे यांनी विविध मतदान केंद्रांना भेटी दिल्या. भेटीदरम्यान त्यांनी ठाण्यातील कळवा परिसरात ऑटोरिक्षा अपघातात जखमी झालेल्या महिलेला मदत केली.व्हिडिओ

मुख्यमंत्री एकनाथ शिंदे यांनी विविध मतदान केंद्रांना भेटी दिल्या. भेटीदरम्यान त्यांनी ठाण्यातील कळवा परिसरात ऑटोरिक्षा अपघातात जखमी झालेल्या महिलेला मदत केली.व्हिडिओ

रिलायन्स इंडस्ट्रीजचे अध्यक्ष मुकेश अंबानी, रिलायन्स फाऊंडेशनच्या संस्थापक आणि अध्यक्षा नीता अंबानी यांनी आपल्या मुलासह लोकसभा निवडणूक 2024 साठी मुंबईमधील मतदान केंद्रावर मतदान केले. यावेळी नीता अंबानी म्हणाल्या, 'भारतीय नागरिक म्हणून मतदान करणे महत्त्वाचे आहे. मतदान करणे हा आमचा अधिकार आणि जबाबदारी आहे.'

लोकसभा निवडणुकीच्या 2024 च्या पाचव्या टप्प्यात अभिनेत्री ऐश्वर्या राय बच्चनने मुंबईतील मतदान केंद्रावर मतदान केले.

राज्यातील लोकसभा निवडणुकीच्या पाचव्या टप्प्यातील मतदान आज दि. 20 मे 2024 रोजी सकाळी 7 वाजेपासून सूरू झाले आहे. पाचव्या टप्प्यातील एकूण 13 मतदार संघात दुपारी 3 वाजेपर्यंत सुमारे सरासरी 38.77 टक्के मतदान झाले आहे.पाचव्या टप्प्यातील एकूण 13 लोकसभा मतदारसंघनिहाय टक्केवारी पुढीलप्रमाणे-

    • भिवंडी- 37.06 टक्के
    • धुळे- 39.97 टक्के
    • दिंडोरी- 45.95 टक्के
    • कल्याण – 32.43 टक्के
    • मुंबई उत्तर – 39.33 टक्के
    • मुंबई उत्तर मध्य – 37.66 टक्के
    • मुंबई उत्तर पूर्व – 39.15 टक्के
    • मुंबई उत्तर पश्चिम – 39.91 टक्के
    • मुंबई दक्षिण – 36.64 टक्के
    • मुंबई दक्षिण मध्य- 38.77 टक्के
    • नाशिक – 39.41 टक्के
    • पालघर- 42.48 टक्के
    • ठाणे – 36.07 टक्के

लोकसभा निवडणुकीच्या आजच्या पाचव्या टप्प्यात दुपारनंतर रेखा, अमीर खान, जरीन खान, कियारा अडवाणी, सैफ अली खान आणि करीना कपूर खान, अथिया शेट्टी, चंकी पांडे आणि अनन्या पांडे, गुलशन ग्रोव्हर, भूमी पेडणेकर अशा अनेक कलाकारांनी मुंबईमध्ये आपला मतदानाचा हक्क बजावला.

आज लोकसभेच्या 5 टप्प्यातील मतदान सुरु आहे. अशात अपक्ष उमेदवार शांतीगिरी महाराज यांनी, नाशिक मतदारसंघातील मतदान केंद्रावर मतदान केल्यानंतर ईव्हीएमला पुष्पहार घातला होता. याचा व्हिडीओही सोशल मिडियावर व्हायरल झाला होता. आता या प्रकरणी शांतीगिरी महाराज यांच्या विरोधात त्र्यंबकेश्वर पोलीस ठाण्यात एफआयआर दाखल करण्यात आला आहे.

Load More

Lok Sabha Election 2024: देशात 18 वी लोकसभा सार्वत्रिक निवडणूक 2024 ची मतदान प्रकिया सात टप्प्यात पार पडत आहे. आज त्यातील पाचवा टप्पा आहे. या टप्प्यात आठ राज्यांतील लोकसभेच्या 49 जागांसाठी मतदान होणार आहे. यामध्ये 695 उमेदवार निवडणूक लढवत आहेत. आजच्या टप्प्यात मुंबई, लखनौ, रायबरेलीसह अनेक महत्त्वाच्या लोकसभा जागांवर निवडणुका होत आहे. या ठिकाणी आज अनेक केंद्रीय मंत्री आणि काँग्रेसच्या वरिष्ठ नेत्यांचे भवितव्य ईव्हीएममध्ये सील होणार आहे. यामध्ये लखनौमधून केंद्रीय संरक्षण मंत्री राजनाथ सिंह, रायबरेलीमधून काँग्रेसचे ज्येष्ठ नेते राहुल गांधी, अमेठीतून केंद्रीय मंत्री स्मृती इराणी, कैसरगंजमधून ब्रिजभूषण यांचा मुलगा करण भूषण, मुंबई उत्तरमधून केंद्रीय मंत्री पीयूष गोयल, बारामुल्लामधून ओमर अब्दुल्ला, हाजीपूरमधून चिराग पासवान, शिवसेनेचे श्रीकांत शिंदे हे कल्याण, तर लालूप्रसाद यांच्या कन्या रोहिणी आचार्य सारण इथून लोकसभा निवडणूक लढवत आहेत.

आज महाराष्ट्रातील 13, उत्तर प्रदेशातील 14, पश्चिम बंगालमधील सात, बिहारमधील पाच, झारखंडमधील तीन, ओडिशातील पाच आणि जम्मू-काश्मीर आणि लडाखमधील प्रत्येकी एका जागेवर मतदान होत आहे. सकाळी 7 वाजता मतदानाला सुरुवात झाली आणि सायंकाळी 6 वाजता ते संपेल. या टप्प्यात मुंबई उपनगर जिल्ह्यातील चार- मुंबई उत्तर, मुंबई उत्तर पश्चिम, मुंबई उत्तर पूर्व, मुंबई उत्तर मध्य या लोकसभा मतदारसंघांचा समावेश आहे. या मतदारसंघातील 7384 मतदान केंद्रांवर हे मतदान होत आहे.