नरेंद्र मोदी यांच्या 'सौगंध मुझे इस मिट्टी की ...' कवितेला लता मंगेशकर यांचा स्वरसाज; भारतीय जवान आणि जनेतला गाणं समर्पित (Watch Video)
लता मंगेशकर (Lata Mangeshkar) यांनी आज नरेंद्र मोदींच्या 'सौंगंध मुझे इस मिट्टी की .. ' या कवितेला स्वर साज चढवत एक खास व्हिडीओ ट्विटरच्या माध्यमातून शेअर केला आहे.
Saugandh Mujhe Is Mitti Ki Song: भारताची गानकोकिळा लता मंगेशकर (Lata Mangeshkar) यांनी आज नरेंद्र मोदींच्या 'सौंगंध मुझे इस मिट्टी की .. ' या कवितेला स्वर साज चढवत एक खास व्हिडीओ ट्विटरच्या माध्यमातून शेअर केला आहे. व्हिडिओच्या सुरुवातीला लता मंगेशकरांनी दिलेल्या माहितीनुसार, ' काही दिवसांपूर्वी नरेंद्र मोदींचं (Narendra Modi) भाषण ऐकताना या ओळी कानावर आल्या. या कवितेमध्ये प्रत्येक भारतीयाच्या मनातील आजची भावना आहे. सीमेवर लढणाऱ्या जवानांसाठी मी हे गाणं समर्पित करते. ' अशा भावना त्यांनी व्यक्त केल्या आहेत.
लता मंगेशकर Tweet
सौगंध मुझे इस मिट्टी की - https://t.co/vUixy4Ch5d
— Lata Mangeshkar (@mangeshkarlata) March 30, 2019
नुकत्याच भारताने पाकव्याप्त काश्मीरमध्ये केलेल्या एअर स्ट्राईक नंतर भारतीयांना याची माहिती देताना देशाचे पंतप्रधान नरेंद्र मोदी यांनी 'सौंगंध मुझे इस मिट्टी की .. ' या कवितेच्या काही ओळी त्यांनी म्हणून दाखवल्या. लता मंगेशकरांनी त्यांच्या आवाजात रेकॉर्ड केलेल्या नरेंद्र मोदींच्या ओळी ऐकून त्यांनीही लताजींचे आभार मानले आहेत.नरेंद्र मोदींच्या बायोपिकमध्येही 'सौंगंध मुझे इस मिट्टी की .. ' गाण्याचा समावेश करण्यात आला आहे.
नरेंद्र मोदी Tweet
हृदय की गहराइयों से इस गीत के रूप में निकला आपका स्नेह और आशीर्वाद मेरे लिए प्रेरणास्रोत है। https://t.co/hzLvOK7dpz
— Chowkidar Narendra Modi (@narendramodi) March 30, 2019
मागील काही दिवसांपासून भारत - पाकिस्तानचे संबंध तणावग्रस्त बनले आहेत. आजही जम्मू काश्मीरमध्ये तणावाचं वातावरण बनलेले आहे. सकाळी कारजवळ स्फोट त्यानंतर एसबीआय बँकेजवळ सीआरपीएफ जवानांवर ग्रेनेड हल्ला करण्याचा प्रयत्न करण्यात आला आहे.
(The above story first appeared on LatestLY on Mar 30, 2019 07:37 PM IST. For more news and updates on politics, world, sports, entertainment and lifestyle, log on to our website latestly.com).
