शबाना आजमी यांची प्रकृती स्थिर असून, त्यांच्यावर वर्सोवा येथील कोकिलाबेन धीरुभाई अंबानी रुग्णालयात उपचार सुरू आहेत.  मुंबई-पुणे एक्स्प्रेस वेवर खालापूर टोलनाक्याजवळ झालेल्या भीषण अपघातात जखमी झाल्या होत्या. त्यांना कळंबोली येथील महात्मा गांधी रुग्णालयात (एमजीएम) उपचार सुरू होते. मात्र, आत त्यांना कोकिलाबेन रुग्णालयात दाखल करण्यात आले आहे. 

सन 2020 या वर्षाच्या हज यात्रेसाठी संगणकीय सोडत अल्पसंख्याक मंत्री नवाब मलिक यांच्या हस्ते नुकतीच पार पडली. केंद्रीय हज समितीच्या हॉलमध्ये झालेल्या कार्यक्रमात राज्यातील 10 हजार 408 जणांची हज यात्रेसाठी झाली निवड झाली.

ट्विट

वर्ष 2020 च्या हज यात्रेसाठीची संगणकीय सोडत (लॉटरी) अल्पसंख्याक विकास मंत्री @nawabmalikncp यांच्या उपस्थितीत काढण्यात आली. केंद्रीय हज समितीच्या हॉलमध्ये झालेल्या कार्यक्रमात राज्यातील 10 हजार 408 जणांची हज यात्रेसाठी झाली निवड. pic.twitter.com/t0hPPPyRUN

— MAHARASHTRA DGIPR (@MahaDGIPR) January 18, 2020

नाईट लाईफ अर्थात हॉटेल्स, पब चोवीस तास सुरु ठेवण्याचा निर्णय सध्या तरी मुंबई शहरापुरताच आहे. मात्र, तसा प्रस्ताव आल्यास पुणे शहातही हॉटेल्स, पब रात्रभर सुरु ठेवण्यावर विचार करण्यात येईल असे आदित्य ठाकरे यांनी म्हटले आहे.

काँग्रेस नेते हार्दिक पटेल यांना गुजरात पोलीसांनी अटक केली आहे. अहमदाबाद जिल्ह्यातील वीरमगाम येथे त्यांना अटक करण्यात आली. राष्ट्रद्रोहाच्या आरोपाखाली आजच त्यांना अजामीनपात्र वॉरंट बजावण्यात आले होते. त्यानंतर काही तासांमध्येच त्यांना अटक करण्यात आली आहे.

एएनआय ट्विट

Congress leader Hardik Patel has been arrested near Viramgam (Ahmedabad district ) after a non-bailable warrant was issued against him in connection with a sedition case today. pic.twitter.com/YcP4GNsYxc

— ANI (@ANI) January 18, 2020

नागरिकत्व संशोधन कायदा (CAA)  संसदेत मंजूर करण्यात आल्याने तो सर्व राज्यांना लागू करावाच लागेल. तसे करणे बंधनकारक आहे. कोणतेही राज्य हा कायता लागू करणार नाही, असे बोलता येऊ शकत नाही, असे भूवया उंचावणारे आणि तितकेच महत्त्वपूर्ण विधान ज्येष्ठ वकील आणि काँग्रेस नेते कपील सिब्बल यांनी केले आहे.

एएनआय ट्विट

#WATCH Senior Congress leader Kapil Sibal in Kozhikode, Kerala: Constitutionally, it will be difficult for any state government to say that 'I will not follow a law passed by Parliament'. #CitizenshipAmendmentAct pic.twitter.com/tNeSt5h0e5

— ANI (@ANI) January 18, 2020

पीटीआय ट्विट

If #CAA is passed, no state can say 'I will not implement it'. It's not possible and is unconstitutional: Congress leader Kapil Sibal at Kerala Literature Festival. #KLF2020

— Press Trust of India (@PTI_News) January 18, 2020

वनविभाग आणि संबंधित पशुवैद्यकीय अधिकाऱ्यांनी साहेबराव वाघाला भूल देऊन कृत्रिम पाय बसवला. परंतू, अर्थवट शुद्धीवर येताच साहेबरावने पाय आपटून कृत्रीम पाय काढून टाकला. त्यामुळे हा प्रयोग अयशस्वी ठरल्याची माहिती डॉ. सुश्रृत बाभुळकर यांनी पत्रकार परिषदेत दिली.

पीटीआय ट्विट

25-year-old man, who suffered stroke while playing #PUBG in Pune on Thursday, dies: Police

— Press Trust of India (@PTI_News) January 18, 2020

अभिनेत्री शबाना आजमी यांच्या कारला आज सायंकाळी अपघात झाला. मुंबई पुणे महारार्गावर खालापूर टोलनाक्यानजिक झालेल्या या अपघातात आजमी जखमी झाल्या. त्यांच्या अपघाताचे वृत्त समजतात पंतप्रधान नरेंद्र मोदी यांनी ट्विट करुन दुख: व्यक्त केले तसेच, त्यांना लवकरच बरे वाटावे यासाठी प्रार्थना केली आहे.

पंतप्रधान मोदी ट्विट

The news of @AzmiShabana Ji’s injury in an accident is distressing. I pray for her quick recovery.

— Narendra Modi (@narendramodi) January 18, 2020

शिर्डी वरुद्ध पाथर्डी असा वाद अधिकच धुमसू लागला आहे. त्यामुळे स्थानिक ग्रामस्थांनी आज मध्यरात्री 12 वाजलेपासून अनिश्चित काळासाठी शिर्डी बंद पाळण्याचा निर्णय घेतला आहे. दरम्यान, बंद असला तरी साईबाबा मंदिर आणि प्रसादालय सुरु राहणार आहे.

मॅरेथॉन स्पर्धेमुळे बेस्ट बस वाहतूकीवरही परिणाम होणार आहे. बेस्ट बसच्या काही फेऱ्या रद्द करण्यात आल्या आहेत. तर काही बस अन्य मार्गांवर वळवण्यात आल्या आहेत. प्राप्त माहितीनुसार, रविवारी दुपारी 3.30  वाजेपर्यंत बसमार्ग क्रमांक 105,106, 108, 112, 123, 125, 132, 133, 136 आणि 155 हे काही काळासाठी (तात्पुरते) रद्द करण्यात आले आहेत. यासोबतच मॅरेथॉन स्पर्धा असलेल्या रस्त्यांवरील बसचौक्याही दुपारी 3.30 पर्यंत बंद ठेवण्यात येणार आहेत.  त्यामुळे भेंडी बाजार, छत्रपती शिवाजी महाराज टर्मिनसकडून श्यामाप्रसाद मुखर्जी चौक, कुलाबा, नेव्हीनगरकडे असे असणारे बसमार्ग हे सरदार वल्लभभाई पटेल मार्ग, वाडीबंदर, पी. डीमेलो रोड आणि शहीद भगतसिंग या मार्गे राहतील.

• दक्षिण, मध्य मुंबईमध्ये येणारे सुमारे 71 मार्ग रविवारी पहाटे पाच ते दुपारी 2 या काळासाठी बंद असणार आहेत.
• 28 प्रमुख रस्त्यांवर वाहने उभी करण्यास प्रबंद
• मुंबईतील सर्व सार्वजनिक, स:शुल्क वाहनतळांचा वापर करता येणार.
•  दक्षिण, मध्य मुंबईतील बेस्ट आगारांमध्येही वाहने उभी करण्यास मान्यता.

आरोग्य आणि सामाजिक जागृतीचा संदेश घेऊन मुंबईकर रस्त्यांवरुन धावण्यासाठी सज्ज झाले आहेत. उद्या (रविवार, 19 जानेवारी 2020)  पहाटे तीन वाजलेपासून ‘टाटा मुंबई मॅरेथॉन’ स्पर्धा सुरु होत आहे. त्यासाठी मुंबई महापालिका, मुंबई पोलीस आणि प्रशासन यंत्रणा सज्ज झाली आहे. मॅरेथॉन स्पर्धेचा सर्वासामान्य नागरिक आणि मुंबईकर यांना कोणताही अडथळा येऊ नये. वाहतूक व्यवस्थेवरही त्याचा ताण पडू नये यासाठी वाहतूक मार्गात बदल करण्यात आला आहे. तसेच, नागरिकांची गैरसोय टाळण्यासाठी अधिकच्या  अतिरिक्त रेल्वेगाड्याही सोडण्यात येणार आहेत.

बाबरी मशीद पाडल्यानंतर अनेकांनी जबाबदारी झटकली. पण, बाळासाहेबांनी ती स्वीकारली. त्यामुळे हिंदुहृदयसम्राट अशी बाळासाहेबांची प्रतिमा देशभर निर्माण झाली. त्यानंतर लागलेला लोकसभा निवडणुकीत शिवसेनेने उत्तर प्रदेशमध्ये आपले उमेदवार उभे केले. परंतू, त्या वेळी भाजप नेते अटल बिहारी वाजपेयी यांचा बाळासाहेबांना फोन आला आणि त्यांनी विनंती केली. बाळासाहेब हे हिंदुत्वाच्या मुद्द्यावर प्रचंड हळवे होते. त्यांनी पक्षाला आदेश दिले उत्तर प्रदेशमधील उमेदवार मागे घ्या. त्यांनी आदेश दिले नसते तर उत्तर प्रदेशमधून  20 ते 25 खासदार तेव्हाच निवडूण आले असते, असा गौप्यस्फोट संजय राऊत यांनी बेळगाव येथील मुलाखतीदरम्यान केला.

या देशातील मुस्लिम हे भारताचे नागरिक आहेत. त्यांच्याही काही समस्या आहेत. मुंबईमध्ये मुस्लिम नागरिक रस्त्यावर नमाज पडायचे. युतीचे सरकार आल्यावर याबाबत चर्चा केली असता त्यांना नामाजसाठी जागाच नसल्याचे ते रस्त्यावर नमाज पडत असत. बाळासाहेबांकडे त्यांनी मशिदींचा एपएसआय वाढवून देण्याची विनंती केली. ती आमलातही आणली गेली. मुंबईच्या रस्त्यांवरचा नमाजच बंद झाला, असे संजय राऊत यांनी बेळगाव येथील मुलाखतीत म्हटले. 

कोणत्याही देशाचे सरकार हे धर्माच्या नावावर चालता कामा नये. आफल्या देशाचे सरकारही धर्माच्या नावावर चालले तर भारताचा पाकिस्तान व्हायला वेळ लागणार नाही. कोणतंही सरकार हे लोकांच्या प्रश्नावर चालायला हवं. पोटाला जात नसते हा तर बाळासाहेब ठाकरे यांचाच विचार आहे. असे संजय राऊत यांनी म्हटले.

केवळ शिवसैनिक आहे म्हणून मला अनेक वृत्तपत्रांनी मला नाकारले. बाळासाहेबांनी माझ्या अनेक चुका पोटात घेतल्या. बाळासाहेबांना काय हवं हे मला पटकण ध्यानात यायचं. त्यांच्या विचारांचा, व्यक्तिमत्वाचा माझ्या लिखाणावर प्रचंड परिणाम झाला, असे संजय राऊत यांनी म्हटले आहे.

केवळ शिवसैनिक आहे म्हणून मला अनेक वृत्तपत्रांनी मला नाकारले. बाळासाहेबांनी माझ्या अनेक चुका पोटात घेतल्या. बाळासाहेबांना काय हवं हे मला पटकण ध्यानात यायचं. त्यांच्या विचारांचा, व्यक्तिमत्वाचा माझ्या लिखाणावर प्रचंड परिणाम झाला, असे संजय राऊत यांनी म्हटले आहे.

महाराष्ट्र - कर्नाटक वाद म्हणजे कौरव-पांडवांच युद्ध नव्हे. सीमावाद हा न्यायालयात प्रलंबीत आहे. न्यायालयाच्या माध्यमातूनच तो सुटावा. शेवटी जमनी काय येते जाते. शेवटी त्यावर स्मशान आणि कब्रस्थानच बांधले जाते. पण, समाजा.. समाजातील स्नेह कायम राहिला पाहिजे, अशी भावना संजय राऊत यांनी व्यक्त केलीआहे.

भाषांमध्ये वाद असू नये. कानडी माध्यमांच्या भाषांना महाराष्ट्रात आम्ही अनुदान देतो. मदत करतो. कन्नडीगांची भाषा, संस्कृती महाराष्ट्रातही टिकावी हा त्यामागे हेतू असतो. मराठी साहित्यामध्ये कन्नड साहित्यिकांचेही मोठे योगदान आहे. गिरिष कर्नाड, भिमसेन जोशी यांसारखे अनेक लोक त्यात आहेत.  त्याचे आम्हाला कौतुक आहे, अशा शब्दांत संजय राऊत यांनी कन्नडीगांना टोला लगावला.

बेळगाव येथे संजय राऊत यांच्या प्रकट मुलाखतीस सुरुवात झाली आहे. मराठीवर प्रेम करणाऱ्या तमाम मराठी बांधवांचे कौतुक करत आणि आभार मानत संजय राऊत यांनी मुलाखत देण्यास सुरुवात केली आहे.

शिवसेना खासदार संजय राऊत हे बेळगाव येथील कार्यक्रमस्थळी दाखल झाले आहेत. काही वेळातच त्यांच्या प्रकट मुलाखती सुरुवात होणार आहे. या मुलाखतीपूर्वी व्यासपीठावर संजय राऊत दाखल झाले आहेत. दीपप्रज्वलन करुन या कार्यक्रमास सुरुवात झाली आहे. जेष्ठ पत्रकार नरेंद्र कोटेकर हे संजय राऊत यांची मुलाखत घेत आहेत.

महाराष्ट्र आणि कर्नाटक या दोन्ही राज्यांसाठी कळीचा मुद्दा असलेला सीमाप्रश्न सर्वोच्च न्यायालयात प्रलंबीत आहे. दोन्ही राज्ये आपापल्या पद्धतीने युक्तीवाद करत आहेत. त्यामुळे सर्वोच्च न्यायालयाचा निर्णय येईपर्यंत आपण वाट पाहायला पाहिजे. सर्वोच्च न्यायालय जो निर्णय देईल तो मान्य करावा लागेल, असे संजय राऊत यांनी म्हटले आहे. बेळगाव येथे होणाऱ्या प्रकट मुलाखतीच्या कार्यक्रमापूर्वी प्रसारमाध्यमांशी बोलताना संजय राऊत यांनी हे विधान केले.

महाराष्ट्र आणि कर्नाटक या दोन्ही राज्यांसाठी कळीचा मुद्दा असलेला सीमाप्रश्न सर्वोच्च न्यायालयात प्रलंबीत आहे. दोन्ही राज्ये आपापल्या पद्धतीने युक्तीवाद करत आहेत. त्यामुळे सर्वोच्च न्यायालयाचा निर्णय येईपर्यंत आपण वाट पाहायला पाहिजे. सर्वोच्च न्यायालय जो निर्णय देईल तो मान्य करावा लागेल, असे संजय राऊत यांनी म्हटले आहे. बेळगाव येथे होणाऱ्या प्रकट मुलाखतीच्या कार्यक्रमापूर्वी प्रसारमाध्यमांशी बोलताना संजय राऊत यांनी हे विधान केले.

शिवसेना खासदार संजय राऊत बेळगाव येथे पोहोचले असून, कार्यक्रमस्थळी त्यांचे आगमन झाले आहे. थोड्याच वेळात त्यांची प्रकट मुलाखत घेतली जाणार आहे. तत्पूर्वी प्रसारमाध्यमांशी बोलताना कर्नाटक पोलिसांनी योग्य व्यवस्था केली आहे. हा कार्यक्रम सुरळीत पार पडेल, असे संजय राऊत यांनी म्हटले आहे.

साईबाबा जन्मस्थळाबाबत संबंधितांनी मुख्यमंत्र्यांना चुकीची माहती दिलील. पाथरीचं साईबाबा मंदिर हे शिर्डीसारखेच आहे. साईंच्या जन्मस्थळाबाबतचा वाद आता पुढे अधिक वाढवू नये. मुख्यमंत्र्यांनीही यासंदर्भात अधिक माहिती घ्यावी. कारण, शिर्डी बंद म्हणजे केवळ शिर्डीकरांबाबतचाच मुद्दा नव्हे जगभरातील साईभक्तांच्या भावना या वादामुळे दुखावल्या जातात. सरकारने त्याची नोंद घ्यावी असे राधाकृष्ण विखे पाटील यांनी म्हटले आहे. साईबाबा जन्मस्थळावरुन निर्माण झालेल्या वादावर राधाकृष्ण विखे-पाटील यांनी पत्रकार परिषद घेतली. या परिषदेत ते बोलत होते.

अभिनेत्री शबाना आझमी यांच्या कारला खालापूर टोलनाक्याजवळ अपघात झाल्याची घटना समोर आली आहे. या अपघातात शबाना आझमी गंभीर जखमी झाल्या आहेत. 

साईबाबा जन्मस्थळावरून पेटलेला वाद जरी खरा असला तरी 19 जानेवारी रोजी साईबाबा मंदिर बंद राहणार असल्याच्या चर्चा केवळ अफवा आहेत असे स्पष्टीकरण शिर्डी साईमंदिर संस्थनाचे मुख्य कार्यकारी अध्यक्ष दीपक मुगलीकर यांनी दिले आहे.

Dipak Muglikar, Chief Executive Officer, Sai Temple in Shirdi: There are some reports in media that Sai Temple in Shirdi will remain close on 19th January. I want to clarify that it is just a rumour. Temple will remain open on 19th January. #Maharashtra pic.twitter.com/o4r013rZl4

— ANI (@ANI) January 18, 2020

मेगाभरती मुळे भाजपची संस्कृती बदलली आहे असं म्हणणाऱ्या चंद्रकांत पाटील यांनी पत्रकार परिषद घेऊन आपल्या विधानाचे स्पष्टीकरण दिले. मेगाभरती दरम्यान जे भाजपात आले त्यांना पक्षाची संस्कृती समजण्यास वेळ लागेल असे म्हणणे असून त्यात कुठेही नाराजीचा सूर नाही असे पाटील यांनी सांगितले. याशिवाय जिथे श्रीमंत छत्रपती उदयनराजे भोसले आमच्या पक्षात आले तर दुःख कशाचे असेही विधान चंद्रकांत पाटील यांनी केले.

शिवसेना खासदार संजय राऊत यांच्या दौऱ्यामुळे बेळगावमध्ये तणावाची स्थिती पाहायला मिळत आहे, परिस्थितीवर नियंत्रण ठेवण्यासाठी कर्नाटक पोलिसांनी राऊत यांना विमानतळावर रोखण्याचा प्रयत्न केला.  तसेच कर्नाटक नवनिर्माण सेनेचे अध्यक्ष व कार्यकर्ते यांनी देखील राऊत यांना बेळगावात न येण्याचा इशारा देत कर्नाटक सरकारला राऊत यांचा नियोजित कार्यक्रम रद्द करण्याचे आवाहन केले आहे.

कर्नाटक पोलिसांना आव्हान करत आज शिवसेना खासदार संजय राऊत बेळगाव येथे दाखल झाले आहेत. राऊत यांच्या स्वागतासाठी विमानतळाच्या बाहेर कार्यकर्त्यांनी गर्दी केली आहे. दुसरीकडे, पोलिसांनी  सुद्धा विमानतळ व हुतात्मा चौकात कडक बंदोबस्त ठेवला आहे. 

निर्भया बलात्कार व हत्या प्रकरणातील दोषी पवन याने सर्वोच्च न्यायालयात दाखल केलेल्या याचिकेवर 20 जानेवारीला सुनावणी होणार आहे. पवन याने गुन्हा घडतेवेळी आपण अल्पवयीन होतो मात्र दिल्ली उच्च न्यायालयाने हा मुद्दा लक्षात घेतला नाही असे म्हणत दयेची याचिका केली आहे.

2012 Delhi gang-rape case: Supreme Court will hear on 20th Jan, the Special Leave Petition (SLP) filed by Pawan, one of the convicts, claiming that he was a juvenile at the time of crime, and the Delhi High Court had ignored this fact. pic.twitter.com/yydZKJ7rh3

— ANI (@ANI) January 18, 2020

दिवंगत नेते प्रमोद महाजन यांचे बंधू आणि भाजप नेत्या पंकजा मुंडे यांचे मामा प्रकाश महाजन पुन्हा एकदा मनसेत प्रवेश करणार आहेत.आज मनसे अध्यक्ष राज ठाकरे यांची भेट घेऊन त्यांनी याबाबत अधिकृत घोषणा केली. यापूर्वी  महाजन यांना 2009 ला मनसेतून निलंबित करण्यात आले होते.  यानंतर त्यांनी शिवसेना पक्षप्रमुख उद्धव ठाकरे यांच्या उपस्थितीत शिवसेनेत प्रवेश केला. पण 2011 ला शिवसेनेला रामराम करत ते बाजूला झाले होते.  

संजय राऊत हे बेळगावात हुतात्मा चौकात जाऊन थोर हुतात्म्यांना अभिवादन करणार असल्याची शक्यता आहे, याची खबरदारी म्हणून या परिसरात कर्नाटक पोलिसांची फौज तैनात करण्यात आली आहे. संजय राऊत यांनी आज सकाळी कर्नाटक मध्ये दहशतवाद सुरु आहे असे म्हणत हिमंत असल्यास कायदेशीर मार्गाने आपल्याला रोखून दाखवण्याचे कर्नाटक सरकारला आव्हान केले होते. 

परळ येथील बीआयटी चाळीत 22 वर्षे वास्तव्य केलेल्या डॉ बाबासाहेब आंबेडकर यांचे राष्ट्रीय स्मारक देखील याच ठिकाणी उभारण्याचा उद्धव ठाकरे प्रणित सरकारचा प्रयत्न सुरु आहे, तूर्तास याविषयी आढावा घेण्याची प्रक्रिया सुरु आहे, आज गृहनिर्माण आणि पर्यटन खात्याकडून याबाबत घोषणा होण्याची शक्यता आहे. असे झाल्यास बीआयटी चाळीतील रहिवाशांचे जवळच पुनर्वसन करण्यात येईल.  

वीर सावरकर यांना विरोध करणार्यांनी एकदा अंदमानच्या जेल मध्ये राहून बघा असे म्हणणाऱ्या संजय राऊत यांना भाजप नेते किरीट सोमय्या यांनी टोलावत  सावरकरांचा अपमान तर राहुल गांधी यांनी केला आहे मग काय तुम्ही त्यांना तुरुंगात धाडणार का? असा सवाल केला आहे. यासोबतच हे खरतर संजय राऊत यांच्या मुखातून आलेलं उद्धव ठाकरे यांचे बोल वाटत आहेत असेही सोमय्या म्हणाले. 

वीर सावरकर यांच्या विरोधकांना संजय राऊत यांनी पुन्हा एकदा खडेबोल सुनावले आहेत, बेळगावला जाण्याआधी माध्यमांशी संवाद साधत "जे सावरकर यांना भारतरत्न देण्याला विरोध करतात किंवा त्यांच्या बाबत गैर बोलतात त्या सर्वांनी एकदा अंदमान ला जाऊन किमान दोन दिवसांसाठी सेल्युलर जेल मध्ये राहून बघावे आणि मग बोलावं असे राऊत यांनी म्हंटले आहे.  

सामाईक प्रवेश परीक्षा 2020 चा निकाल आज, शनिवारी 18 जानेवारी रोजी सकाळी  jeemain.nic.in. या अधिकृत वेबसाईटवर जाहीर करण्यात आला आहे. यंदा परीक्षा देणाऱ्या 9 विद्यार्थ्यांना पूर्ण 100 पर्सेन्टाइल मिळाल्याचे समजत आहे. 

केंद्रीय संरक्षण मंत्री राजनाथ सिंह आज एक दिवसीय नागपुर दौऱ्यासाठी दुपारी 3. 45  च्या सुमारास नागपुर विमानतळावर दाखल होणार आहेत. आज दिवसभरात अंबाझरी आयुध कारखान्याला भेट देऊन तिथून एका स्थानिक कार्यक्रमाला ते हजेरी लावतील, यांनतर राजनाथ सिंह हे रात्रीच दिल्लीला पुन्हा रवाना होणार आहेत. 

यवतमाळ येथील कोसदनी घाटात रस्त्याच्या चौपदरीकरण कामाच्या वेळी मातीचा ढिगारा आणि दरड कोसळली आहे. यावेळी रस्त्यावरून एक कार अगदी थोड्याश्या वेळेच्या फरकाने पुढे गेली होती त्यामुळे सुदैवानी जीवितहानी टळली आहे. 

पर्यटन आणि पर्यावरण मंत्री आदित्य ठाकरे यांनी पदभार स्वीकारल्यावर घेतलेला पहिला मोठा निर्णय म्हणजेच 24 तास हॉटेल्स, मॉल सुरु ठेवण्याला भाजप कडून तीव्र विरोध नोंदवला जात आहे. भाजप नेते आशिष शेलार यांनी यावरून महा विकास आघाडीवर टीका करताना, राज्यात इतके गंभीर प्रश्न असताना या सरकारचे नेमके उद्दिष्ट काय असा सवाल केला, तसेच या निर्णयामुळे संबंधित परिसरातील रहिवाशी सर्वसामान्य कामगार वर्गाला त्रास होईल असेही मत शेलार यांनी व्यक्त केले. 

उद्धव ठाकरे हे कालचा सांगली दौरा आटोपून आज कोल्हापूर मध्ये दाखल झाले आहेत, मुख्यमंत्री पदाचा भार स्वीकारल्यांनंतर आज पहिल्यांदाच उद्धव ठाकरे हे कोल्हापूरच्या अंबाबाईचे दर्शन घेणार आहेत. यावेळी शिवसेना खासदार धैर्यशील माने, आणि नेते मिलींद नार्वेकर हे त्यांच्या सोबत उपस्थित होते

लोकसंख्या वाढीवर उपाय म्ह्णून काल आरएसएस सरसंघचालक मोहन भागवत यांनी मुरादाबाद येथे भाषण देताना राज्यांनी केवळ दोन आपत्य असावीत असा कायदा करावा अशी मागणी केली होती, ज्यावर आज महाराष्ट्र कॅबिनेट मंत्री नवाब मलिक यांनी उत्तर देत, अशा प्रकारचे अनेक कायदे महाराष्ट्र सहित अनेक राज्यात अगोदरपासून आहेत हे भागवत यांना माहित नसावे तरीही त्यांचा हट्ट असेल तर नरेंद्र मोदी यांनी आता नसबंदीचा सुद्धा कायदाच करावा असा उपरोधक सल्ला दिला आहे.

Nawab Malik,NCP: Mohan Bhagwat ji wants a two child law.He maybe doesn't know that Maharashtra already has several laws on this and many other states also.Still if Bhagwat ji wants to forcefully do vasectomies then let Modiji make such a law.We saw in past what happened with this pic.twitter.com/essbHYnyCj

— ANI (@ANI) January 18, 2020

इस्लामपूर येथे नव्याने बांधलेल्या तहसील कार्यालय इमारतीच्या उद्घाटनप्रसंगी बोलत असताना, मुख्यमंत्री उद्धव ठाकरे यांनी केंद्र सरकारवर निशाणा साधला आहे.  'देशाची अर्थव्यवस्था कोमात गेली आहे. पण आपण हातावर हात ठेवून बसून चालणार नाही. शेतकरी आणि उद्योजक पुढे यावेत यासाठी राज्यात उद्योगधंदे वाढवून युवकांच्या हाताला काम देण्यासाठी आम्ही शक्य ते प्रयत्न करू. मात्र राज्य अडचणीत असताना मदत द्यायला दुजाभाव करणाऱ्या केंद्र सरकारपुढे आम्ही झुकणार नाही,' असा इशारा उद्धव ठाकरे यांनी दिला आहे.