भीम आर्मी चीफ चंद्रशेखर यांची तिहार तुरूंगातून सुटका झाली आहे. नागरिकत्व दुरूस्ती कायदा मागे घेऊपर्यंत आमीची चळवळ कायदेशीरदृष्ट्या सुरूच राहील. जे लोक देशाला विभाजित करण्याचा प्रयत्न करत आहेत, आम्ही अशा लोकांच्या विरोधात आहोत. तसेच उद्या दुपारी १ वाजता जामा मशिदीला भेट देईन. त्यानंतर रविदास मंदिर, गुरूद्वार येथेही भेट देण्यार असल्याची माहिती, चंद्रशेखर यांनी एएनआय वृत्तसंस्थेला त्यावेळी दिली.

एएनआयचे ट्वीट-

Bhim Army Chief Chandrashekhar Azad after being released from Tihar Jail, Delhi: Tomorrow I will visit Jama Masjid at 1 pm. Later, I will also visit Ravidas temple, a gurudwara and a church. pic.twitter.com/uICDQ4pExz

— ANI (@ANI) January 16, 2020

नागरीकत्व दुरूस्ती कायदा (CAA) हा संपूर्ण देशभरात लागू झाला असून या कायद्याला अजूनही अनेक राज्यातून विरोध दर्शवला जात आहे.  यातच वंचित बहुजन आघाडीने शुक्रवारी २४ जानेवारी रोजी महाराष्ट्र बंदची हाक दिली आहे. मुंबई येथील दादर परिसरातील डॉ. बाबासाहेब आंबेडकर भवनात नुकतीच वंचित बहुजन आघाडीची बैठक पार पडली. या बैठकीनंतर वंचित बहुजन आघाडीचे अध्यक्ष प्रकाश आंबेडकर यांनी पत्रकार परिषद घेऊन महाराष्ट्र बंदची घोषणा केली आहे. 

शिवसेना खासदार संजय राऊत यांनी सांगली येथील माजी खासदार उदयनराजे भोसले यांच्याबद्दल केलेल्या वक्तव्याच्या निषेधार्थ आज सातारा शहरात जाहिर बंद पाळण्यात आला होता. यातच उद्या 17 जानेवारी रोजी शिवप्रतिष्ठानचे संस्थापक संभाजी भिडे यांनी सांगली बंदचे आवाहन केले आहे.

भाजप नेते नारायण नाणे यांनी शिवसेना खासदार संजय राऊत यांच्यावर जोरदार टीका केली आहे. छत्रपती शिवाजी महाराज आमचे दैवत आहे. यापुढे संजय राऊत छत्रपतींच्या वंशजांबद्दल काहीही वेडेवाकडे बोलले, तर त्यांची जीभ जागेवर राहणार नाही, असा इशारा नारायण राणे यांनी दिला आहे.

'महाराष्ट्र सरकारला बाबासाहेब आंबेडकरांच्या पुतळ्याची उंची वाढवायची आहे, त्यासाठी त्यांच्याकडे पैसे आहेत. परंतु रुग्णालयाला देण्यासाठी त्यांच्याकडे पैसे नाहीत', अशा शब्दांत वाडिया हॉस्पिटलसाठीच्या निधीवरुन हायकोर्टाने मुंबई महापालिका आणि राज्य सरकारला झापले. 

जम्मू-काश्मीर पोलिसांनी (Jammu - Kashmir Police) गुरुवारी 5 दहशतवाद्यांना (Terror Pperatives) अटक केली आहे. 26 जानेवारी रोजी प्रजासत्ताक दिनाच्या (Republic Day 2020) निमित्ताने, या दहशतवाद्यांनी हल्ला करण्याचा कट रचल्याचा त्यांच्यावर आरोप आहे. असे सांगितले जात आहे की, हे लोक 26 जानेवारीला ग्रेनेडने हल्ला करण्याची तयारी करत होते. आता या पाच जणांना पोलिसांनी अटक करून त्यांचा कट उधळून लावला आहे. 

In a major success the Srinagar Police busts Jaish Module.
Two grenade blasts in Hazratbal area worked out. Major attack averted ahead of Republic Day.Five terror operatives arrested.Huge Expolsive material recovered.

— J&K Police (@JmuKmrPolice) January 16, 2020

सीबीआयने अदानी एन्टरप्रायजेस लिमिटेड, तत्कालीन अध्यक्ष वीरेंद्र सिंह, राष्ट्रीय सहकारी ग्राहक महासंघ, जीपी गुप्ता, तत्कालीन एमडी, एनसीसीएफ, एससी सिंघल, तत्कालीन वरिष्ठ सल्लागार, एनसीसीएफ आणि इतरांवर गुन्हेगारी कट, फसवणूक आणि सार्वजनिक नोकरदारांकडून गैरवर्तनाबद्दल गुन्हा दाखल केला आहे.

CBI has registered case against Adani Enterprises Ltd, Virender Singh, the then chairman, National Cooperative Consumer Federation, GP Gupta, then MD, NCCF, SC Singhal, then senior advisor, NCCF & others for criminal conspiracy, cheating and criminal misconduct by public servants pic.twitter.com/dKH8Fm5euj

— ANI (@ANI) January 16, 2020

संजय राऊत यांनी जे विधान केले आहे त्याबाबत त्यांनी स्पष्टीकरण दिले आहे. प्रत्येक विधान हे त्या त्या संदर्भाने तपासून पाहायला हवे. कोणताही शिवसैनिक इंदिरा गांधी यांचा अवमान करु शकत नाही. कारण, स्वत: शिवसेनाप्रमुख बाळासाहेब ठाकरे हेच इंदिरा गांधी यांचा आदर करत असे पर्यटन विकास मंत्री आदित्य ठाकरे यांनी म्हटले आहे.

संजय राऊत यांनी दाऊद इब्राहीमबद्दल जे वक्तव्य केले आहे त्यावरुन मनसे नेते संदीप देशपांडे यांनी मिष्कील भाष्य करत टोला लगावला आहे. संजय राऊत यांच्यासारखे महान व्यक्तीमत्व भारतात आहे हे देशाचे भाग्य आहे. राऊत यांनी दाऊदला जो दम दिला त्यावरुनच 'दम बिर्याणी' हे नाव पडले आहे. ते इतके महान आहेत की, आता तर ते इराण आणि अमेरिका वादातही मध्यस्थी करु शकतील, अशी मिष्कील टिप्पणी संदीप देशपांडे यांनी केली आहे.

संजय राऊत यांच्या छत्रपतींच्या वंशजांबद्दल शिवसेना खासदार संजय राऊत यांनी व्यक्त केलेल्या वक्तव्याचा निषेध करत उद्या (17 जानेवारी 2020) संगली बंदचे अवाहन शिवप्रतिष्ठानने केले आहे. तर, संजय राऊत यांना खासदार पदावरुन मुक्त करावे अशी मागणी शिवप्रतिष्ठानचे संभाजी भिडे यांनी केले आहे.

आज के शिवाजी नरेंद्र मोदी या पुस्तकाच्या प्रकाशनावरुन निर्मण झालेला वादावर कोल्हापूरचे खासदार छत्रपती संभाजीराजे यांनी पुन्हा आपली भूमीका व्यक्त केली आहे. महाराजांच्या नावाने केले जाणारे राजकारण हे अत्यंत वाईट आहे. संजय राऊत यांनी केलेले विधानही अत्यंत वेदनादाई आहे. जे शरद पवार आज किंवा काल परवा बोलत आहेत ते मी गेली 15 वर्षे बोलत आहे. रामदास स्वामी हे शरद पवार यांचे गुरु असूच शकत नाहीत. जिजाऊ याच शिवाजी महाराज यांच्या गुरु होत्या आणि संत तुकाराम महाराज हेही त्यांचे गुरु होते. हे दोनच त्यांचे गुरु होते. शिवाजी महाराज यांना तिसरा गुरुच नव्हता, असेही छत्रपती संभाजीराजे यांनी म्हटले आहे.

रशियाचे राष्ट्रपती व्लादिमीर पुतिन (President Vladimir Putin) यांनी रशियाच्या संसदेसमोर राज्यघटनेत बदल करण्याचा प्रस्ताव ठेवला आहे. या प्रस्तावानुसार व्लादिमीर पुतिन यांचा रशियाचे राष्ट्रपती म्हणून तहहयात राष्ट्रपती राहण्याचा मानस आहे. पुतीन यांचा प्रस्ताव न पटल्याने पंतप्रधान दिमित्री मेदवेदेव (Dmitry Medvedev) यांच्यासह संपूर्ण मंत्रिमंडळानेच राजीनामा दिला आहे.  पुतीन यांनी राष्ट्राला उद्देशून केलेल्या भाषणानंतर  मेदवेदेव यांनी आपल्या पदाचा राजीनामा दिला आहे. त्यामुळे येत्या काळात रशिया बऱ्याच मोठ्या संघर्षातून जाण्याची शक्यता दिसत आहे. तसेच, पुतिन आपली सत्ता कायम राखणार का याबाबतही उत्सुकता निर्माण झाली आहे.

राज्यातील वातावरण हिताचं नाही. राज्यातील शिवप्रेमींनी बाहेर आलं पाहिजे. संजय राऊत हे आज छत्रपतींच्या वारसासंदर्भात बोलले आहेत. उद्या ते आणखी आमच्या अस्मतेबद्दल बोलतील. म्हणूनच राज्यातील वातावरण हिताचं नाही. राज्यातील शिवप्रेमींनी त्याविरोधात बाहेर आलं पाहिजे, असं नितेश राणे यांनी म्हटले आहे.

बीसीसीआयने खेळाडूंची करार यादी जाहीर केली आहे. ही यादी ऑक्टोबर 2019 ते सप्टेंबर 2020 या कालावधीसाठी आहे.  एकूण चार श्रेणीसाठी ही यादी जाहीर होत असते. या यादीत एमएस धोनी याला डच्चू देण्यात आले आहे. तर, मागील वर्षी प्रमाणे नव्या यादीमध्ये यंदाही विराट कोहली, रोहित शर्मा आणि जसप्रीत बुमराह या तीनच खेळाडूंना ए+ श्रेणीमध्ये स्थान देण्यात आले आहे. एकूण 11 खेळाडूंचा ए श्रीणीत, 5 खेळाडू बी श्राणी आणि 8 खेळाडू सी ग्रेड श्रेणीमध्ये आहेत. 

बीसीसीआयच्या करार यादीतून एमएस धोनी याचे नाव नाही. धोनी हा गेल्या वर्षी बीसीसीआयच्या यादीत होता. मात्र, या  वेळी धोनीचे नाव बीसीसीआयच्या कोणत्याही यादीत नाही. प्राप्त माहितीनुसार बीसीसीआयच्या एकूण 4 करार याद्या असतात. त्यापैकी एकाही यादीत धोनी याचे नाव नाही. बीसीसीआय प्रत्येक वर्षी खेळाडूंच्या कराराची यादी प्रसिद्ध करत असते. यात धोनी याचे नाव आढळले नाही. त्यामुळे धोनीला बीसीसीआयने निवृत्तीचे संकेत तर दिले नाहीत ना? असा सवाल उपस्थित केला जात  आहे. 

शिवसेना खासदार संजय राऊत यांनी केलेले विधान चुकीचे होते. आता त्यांनी ते विधान मागे घेतले आहे. त्यामुळे वादावर पडदा पडला आहे, असे सांगत कोणत्याही व्यक्तीने कोणत्याही महापुरुष अथवा व्यक्तीबाबत कोणतेही विधान करताना काळजी घ्यावी, असे काँग्रेस प्रदेशाध्यक्ष आणि मंत्री बाळासाहेब थोरात यांनी म्हटले आहे.

संजय राऊत यांनी इंदिरा गांधी आणि करिम लाला यांच्या भेटीवरून केलेल्या वक्तव्यामुळे गदारोळ माजला होता. मात्र आज संजय राऊत यांनी माझ्या वक्तव्यामुळे कुणाच्या भावना दुखावल्या असतील किंवा इंदिरा गांधींच्या प्रतिमेला धक्का पोहचला असेल तर मी ते वक्तव्य मागे घेतो. असे म्हणत नरमाईची भूमिका घेतली आहे. 

संजय राऊत यांनी माजी पंतप्रधान दिवंगत इंदिरा गांधी यांच्याविषयी केलेले विधान मागे घ्यावे असे ट्विट संजय निरुपम यांनी केले आहे. दुसऱ्या बाजूला  मुंबई काँग्रेसचे माजी अध्यक्ष मिलिंद देवरा यांनीही इंदिरा गांधी या देशभक्त होत्या.  त्यामुळे काँग्रेस नेत्यांबाबत ट्विट करताना इतर पक्षांच्या नेत्यांनी काळजी घ्यावी असा सल्ला राऊत यांना दिला आहे.

पीटीआय ट्विट

Congress leaders Milind Deora and
Sanjay Nirupam ask Shiv Sena MP Sanjay Raut to
withdraw his "ill-informed" remark that former Prime Minister
Indira Gandhi met underworld don Karim Lala.

— Press Trust of India (@PTI_News) January 16, 2020

भारताच्या नकारामुळे आशिया कप पाकिस्तानात होणार नाही. भारताच्या भुमीकेमुळे पाकिस्तानला जोरदार धक्का बसला आहे. सुरक्षेच्या कारणावरुन पाकिस्तानमध्ये आशिया कप खेळला जाणार नसल्याचे वृत्त आहे. दरम्यान, बांग्लादेश, दुबई किंवा श्रीलंका येथे आशिया कप स्पर्धेचे आयोजन होण्याची शक्यता

वेळ जुळून आली की सगळं होत असतं असं सांगत महाराष्ट्राची सत्ता योग्य वेळी आपल्या हाती आल्याचे मुख्यमंत्री उद्धव ठाकरे यांनी म्हटले आहे. बारामती येथे आयोजित कृषी प्रदर्शनाच्या उद्घाटन समारंभावेळी उद्धव ठाकरे बोलत होते. या प्रदर्शनाचे उद्घाटनही उद्धव ठाकरे यांच्या हस्ते झाले.

देशातील कृषी क्षेत्रात काम करणाऱ्या संशोधकांवर आज अनेक मर्यादा आल्या आहेत. खरं म्हणजे कृषी क्षेत्रातील संशोधनाबाबत न्यायलायने काही बोलावे का याबाबाबत मी बोलणार नाही. तो त्यांचा अधिकार आहे. परंतू, त्यांनी या विषयात फार न बोललेलंच बरं. चुकीच्या संशोधनांवर जरुर बंदी घालायला हवी. परंतू, कृषी सारख्या क्षेत्रात सखोल आणि विस्तारीत संशोधन नेहमीच झाले पाहिजे अशी आपेक्षा शरद पवार यांनी या वेळी व्यक्त केली.

अनेकांना वाटत होतं मी निवृत्त होईन. पण, त्यांना ते जमलं नाही आणि राज्यातील जनतेने ते घडू दिलं नाही, असा टोला शरद पवार यांनी भाजप आणि विरोधी पक्षाच्या नेत्यांना लगावला आहे. बारामती येथे आयोजित कृषी प्रदर्शन उद्घाटन समारंभ कार्यक्रमावेळी ते बोलत आहेत.

शिवसेना खासदार संजय राऊत यांनी करीम लाला आणि इंदिरा गांधी यांच्यासंदर्भात केलेल्या वक्तव्याबाबत काँग्रेसने स्पष्टीकरण द्यावे, असे विरोधी पक्षनेते देवेंद्र फडणीस यांनी म्हटले आहे. तसेच, काँग्रेस पक्षाला अंडरवर्ल्डकडूनही अर्थपुरवठा व्हायचा काय? असा खोचक सवालही फडणवीस यांनी विचारला आहे.

रशियाचे राष्ट्रपती व्लादिमीर पुतिन (President Vladimir Putin) यांनी रशियाच्या संसदेसमोर राज्यघटनेत बदल करण्याचा प्रस्ताव ठेवला आहे. या प्रस्तावानुसार व्लादिमीर पुतित यांचा रशियाचे राष्ट्रपती म्हणून तहहयात राष्ट्रपती राहण्याचा मानस आहे. पुतीन यांचा प्रस्ताव न पटल्याने पंतप्रधान दिमित्री मेदवेदेव (Dmitry Medvedev) यांच्यासह संपूर्ण मंत्रिमंडळानेच राजीनामा दिला आहे.  पुतीन यांनी राष्ट्राला उद्देशून केलेल्या भाषणानंतर  मेदवेदेव यांनी आपल्या पदाचा राजीनामा दिला आहे. त्यामुळे येत्या काळात रशिया बऱ्याच मोठ्या संघर्षातून जाण्याची शक्यता दिसत आहे. तसेच, पुतिन आपली सत्ता कायम राखणार का याबाबतही उत्सुकता निर्माण झाली आहे.

अमेरिकेत वास्तव्यास असलेल्या शिख समुदयासंदर्भात अत्यंत महत्त्वाची बातमी आहे. अमेरिकेमध्ये 2020 मध्ये होणाऱ्या जनगणनेत शिख समुदयाची अल्पसंख्याक समूह म्हणून पहिल्यांदाच गणना केली जाणार आहे. 'शिख सोसायटी ऑफ सान डिएगो' चे बलजीत सिंह यांनी ही माहिती दिली आहे. अल्पसंख्याक समुदायासंदर्भात काम करणाऱ्या एका संघटनेने याला अमेरिकेतील शिख समुदयासाठी मैलाचा दगड आहे असे म्हटले आहे.

शिवसेना खासदार संजय राऊत यांनी उदयनराजे भोसले यांनी छत्रपतींचे वंशज असल्याचा पुरावा घेऊन यावे असे विधान केल्यानंतर सुरु झालेला वाद आता चांगलाच पेटला आहे. राऊत यांच्या विधानावरुन उदयनराजे भोसले यांनी सातारा बंदची हाक दिली आहे.

बारामती येथे पार पडत असलेल्या कृषी प्रदर्शनास मुख्यमंत्री उद्धव ठाकरे, शरद पवार, अजित पवार यांच्यासह अभिनेता आमिर खान यांनीही उपस्थिती दर्शवली आहे. राज्याचे उपमुख्यमंत्री अजित पवार यांनी स्वत: वाहनाचे सारथ्य करत आमिर खान याचे स्वागत करुन त्याला कृषीप्रदर्शन असलेल्या ठिकाणी आणले.

राज्यातील सुमारे 11 कोटी जनता शिवाजी महाराज यांची वंशज आहे. ही लोकशाही आहे. आम्ही तुमचा आदर करतो तुम्हीही आमचा आदर करा. तंगडे तोडण्याची भाषा योग्य नव्हे. आपल्या मातोश्री कल्पनाराजे भोसले या शिसेनेच्या उमेदवार होत्या. कोल्हापुरचे राजांनीही शिवसेनेचे कार्य सुरु केले होते. त्यामुळे शिवसेना स्थापन करताना वंशजांना  विचारले होते काय हा प्रश्न निरर्थक असल्याचे सांगित शिवसेना खासदार संजय राऊत यांनी उदयनराजे भोसले यांना प्रत्युत्तर दिले आहे.

माजी पंतप्रधान दिवंगत इंदिरा गांधी यांच्याबद्दल आद कायम आहे. त्या करीम लाला यांना भेटायला येत हे माझे विधान मोडतोड करुन दाखवण्यात आले. करीम लाला हे पठानांच्या संघटनांचे नेते होते. वायव्येचे सरहद्द गांधी खान अब्दुल गफारखान यांच्यासोबत त्यांचे जिव्हाळ्याचे संबध होते, असे संजय राऊत यांनी म्हटले आहे. आयोजित पत्रकार परिषदेत संजय राऊत बोलत होते.

मुख्यमंत्री उद्धव ठाकरे यांच्या हस्ते बारामती येथे आयोजित करण्यात आलेल्या कृषी प्रदर्शनाचे उद्घाटन आज (16 जानेवारी 2020) झाले. या वेळी राष्ट्रवादी काँग्रेस पक्ष अध्यक्ष शरद पवार, उपमुख्यमंत्री अजित पवार, राष्ट्रवादी काँग्रेस पक्षाचे आमदार रोहित पवार उपस्थित होते. विशेष म्हणजे प्रदर्शनातील विविध स्टॉलवर शरद पवार हे स्वत: मुख्यमंत्री उद्धव ठाकरे यांना माहिती देताना दिसत होते. 

प्रदीर्घ काळानंतर मुख्यमंत्री, शिवसेना पक्षप्रमुख उद्धव ठाकरे हे पहिल्यांदाच बारामती येथे दाखल होत आहेत. मुख्यमंत्री उद्धव ठाकरे यांच्या स्वागतासाठी राष्ट्रवादी काँग्रेस पक्ष अध्यक्ष शरद पवार यांच्यासह अजित पवार उपस्थित होते. बारामती येथील कृषी प्रदर्शनाचे उद्घाटन करण्यासाठी मुख्यमंत्री उद्धव ठाकरे हे येथे दाखल झाले आहेत.

महाराष्ट्र नवनिर्माण सेना नेते संदीप देशपांडे यांनी शिवसेना खासदार यांची जोरदार फिरकी घेतली आहे. पत्रकारीता करताना मी दाऊद इब्राहीमसह अनेकांचे फोटो काढले आहेत आणि एकदा तर दाऊद याला मी दमही दिला होता, अशी आठवण राऊत यांनी पुणे येथील एका कार्यक्रमात बोलताना सांगितली होती. राऊत यांच्या विधानावर फिरकी घेत संदीप देशपांडे यांनी एक ट्विट केले आहे. या ट्विटमध्ये संदीप देशपांडे म्हणातात, 'मी ओसामा बिन लादेन शी बोललो होतो आणि त्याला 9/11 नंतर दम पण दिला होता. आणी हो ज्या महाराष्ट्र सैनिकांनी तुमची गाडी जाळली होती त्यांचा आम्हाला अभिमान आहे .आमच्या"दिलदार राजाकडून "तुम्ही नवी कोरी गाडी देखील घेतली होती'.  संदीप देशपांडे यांनी सोबतच #फेकाडासामनेवाला असा टॅगही जोडला आहे.

संदीप देशपांडे ट्विट

मी ओसामा बिन लादेन शी बोललो होतो आणि त्याला 9/11 नंतर दम पण दिला होता. आणी हो ज्या महाराष्ट्र सैनिकांनी तुमची गाडी जाळली होती त्यांचा आम्हाला अभिमान आहे .आमच्या"दिलदार राजाकडून "तुम्ही नवी कोरी गाडी देखील घेतली होती #फेकाडासामनेवाला

— Sandeep Deshpande (@SandeepDadarMNS) January 16, 2020

दिल्ली: इराणचे परराष्ट्रमंत्री जावद जरीफ यांनी भारताचे परराष्ट्रमंत्री एस जयशंकर यांची भेट घेतली. उभय नेत्यांनी दोन्ही देशांमधील सलोखा आणि आर्थिक संबंधांवर या वेळी चर्चा केल्याचे समजते.

एएनआय ट्विट

Delhi: Iran Foreign Minister Javad Zarif meets External Affairs Minister (EAM) S Jaishankar. pic.twitter.com/dQjO6C8amO

— ANI (@ANI) January 16, 2020

संजय राऊत यांनी छत्रपती शिवाजी महाराज यांच्या वंशजांबद्दल केलेले विधान दुर्दैवी आहे. त्यांच्या विरोधात गुन्हा दाखल करण्यात यावा अशी मागणी भाजप आमदार राम कदम यांनी केली आहे. मुंबई येथील घाटकोपर पोलीस स्टेशनबाहेर आपण शिवप्रेमींसोबत आंदोलन करणार असल्याचेही कदम यांनी म्हटले आहे.

मुंबई-भुवनेश्वर एक्सप्रेस या गाडीला गुरुवारी (16 जानेवारी 2020) सकाळी मोठा अपघात घडला. एक्सप्रेसने मालगाडीला धडक दिल्याने हा अपघात घडला. दाट धुक्यामुळे हा अपघात घडल्याची प्राथ्मीक माहिती आहे. या अपघातात 40 प्रवासी जखमी झाले आहेत. त्यातील 5 जणांची प्रकृती गंभीर असल्याचे समजते.

एएनआय ट्विट

#UPDATE Chief Public Relation Officer (CPRO), East Coast Railway: 20 people injured after eight coaches of Lokmanya Tilak Express derail near Salagaon. No casualty reported till now. #Odisha https://t.co/JqaXdhzHTN

— ANI (@ANI) January 16, 2020

मुख्यमंत्री उद्धव ठाकरे आज बारामती दौऱ्यावर आहेत. आजच्या दौऱ्यात ते बारामती येथील कृषी प्रदर्शनाला भेट देणार आहेत. तसेच, ते नॅशनल डेअरी डेव्हलपमेंट बोर्डचे अध्यक्ष दिलीप रथ यांच्यासोबत बैठकही घेणार आहेत.