Coronavirus: गोव्याचे मुख्यमंत्री प्रमोद सावंत यांचे मोठे विधान, राज्यात सामूहिक संसर्ग सुरु झाल्याचे केले मान्य
गोवा राज्यात कोरोना व्हायरस संक्रमितांचा आकडा 1,000 च्या पार पोहचला आहे. याच्या पार्श्वभूमीवर मुख्यमंत्री प्रमोद सावंत यांनी राज्यात सामूहिक संसर्ग सुरु झाल्याचं मान्य केलं. राज्यातील सर्व भागातून कोविड-19 प्रकरणे येत असल्याने कोरोना व्हायरसचे सामूहिक संसर्ग सुरू झाल्याचे सावंत यांनी शुक्रवारी असे प्रथम जाहीर केले.
गोवा (Goa) राज्यात कोरोना व्हायरस (Coronavirus) संक्रमितांचा आकडा 1,000 च्या पार पोहचला आहे. याच्या पार्श्वभूमीवर मुख्यमंत्री प्रमोद सावंत (Pramod Sawant) यांनी राज्यात सामूहिक संसर्ग (Community Transmission) सुरु झाल्याचं मान्य केलं. राज्यातील सर्व भागातून कोविड-19 प्रकरणे येत असल्याने कोरोना व्हायरसचे सामूहिक संसर्ग सुरू झाल्याचे सावंत यांनी शुक्रवारी असे प्रथम जाहीर केले. शुक्रवारी राज्यात 44 नवीन रुग्ण आढळले तर 35 रुग्ण बरे झाले. यासह गोव्यात कोरोना रुग्णांची संख्या 1,039 वर पोहचली असून यातील 667 सक्रिय आहेत, आरोग्य अधिकाऱ्याने सांगितले. “आम्हाला हे मान्य करावे लागेल की राज्यात सामूहिक संसर्ग सुरू झाले आहे. परंतु हा संक्रमण काही सामान्य सुत्रांकडे सापडला आहे," असे सावंत यांनी पत्रकारांना सांगितले. ते म्हणाले की राज्य सरकारने कठोर कार्यप्रणाली लागू केली असून त्याअंतर्गत राज्यात प्रवेश करणाऱ्या व्यक्तीला स्वत:ची चाचणी करून घ्यावी लागेल किंवा 14 दिवस क्वारंटाइन राहावे लागेल. (Coronavirus Update: भारतात गेल्या 24 तासात 13,940 COVID19 च्या रुग्णांची प्रकृती सुधारली, सरकारची माहिती)
वास्को येथील मंगोर हिल आणि सत्तारी तालुक्यातील मोरलेम गाव हे कंटेनर झोन आहेत तर काही भागांना राज्यात मिनी-कंटेन्ट झोन नियुक्त केले गेले आहे. सावंत म्हणाले की, राज्य सरकारने कठोर मानक कार्यप्रणाली (एसओपी) लागू केल्या आहेत. दुसरीकडे, भारतात गेल्या 24 तासात देशातील जवळजवळ 13,940 कोरोनाबाधितांची प्रकृती सुधारली आहे. त्यामुळे एकूण आकडा 2,85,636 वर पोहचला आहे. यासह देशातील रिकव्हरी रेट आता 58.24 टक्क्यांवर पोहचल्याचे सरकारकडून स्पष्ट करण्यात आले आहे. गेल्या 24 तासात 2,15.446 कोरोना व्हायरसच्या चाचण्या पार पडल्या आहेत. त्यापैकी आतापर्यंत 77, 76,228 चाचण्या पार पडल्याचे ही भारत सरकारकडून सांगण्यात आले आहे.
गोव्यातील कोविड-19 आकडेवारी खालीलप्रमाणे आहेः सकारात्मक प्रकरणे: 1039, नवीन प्रकरणे: 44, मृत्यू: 02, डिस्चार्ज: 370, सक्रिय प्रकरणे 667, आजपर्यंत नमुने तपासण्यात आले: 60,305.
(The above story first appeared on LatestLY on Jun 26, 2020 10:25 PM IST. For more news and updates on politics, world, sports, entertainment and lifestyle, log on to our website latestly.com).
