Cyclone (Photo Credits: Pixabay)

भारतीय हवामान खात्याने शनिवारी इशारा दिला की अरबी समुद्रावरील खोल दाबाचे चक्रीवादळ "आसना"मुळे गुजरातमध्ये मुसळधार पाऊस पाडत असून ते पश्चिम-वायव्येला ईशान्य अरबी समुद्रातून पुढील 24 तासात भारतीय किनारपट्टीपासून दूर सरकण्याची शक्यता आहे. याशिवाय, IMD ने म्हटले आहे की, 23.6° N अक्षांश आणि 66.4°E रेखांश, गुजरातमधील नलियाच्या 250 किमी पश्चिमेस, 160 किमी दक्षिण-दक्षिण-पश्चिमेला ताशी 14 किमी वेगाने पुढे सरकत आहे. पाकिस्तानमधील कराची, आणि पाकिस्तानमधील पासनीच्या पूर्व-आग्नेय 350 किमी अंतरवार धडकण्याची शक्यता वर्तवण्यात येत आहे.  (हेही वाचा - Taiwan Storm: तैवान चक्रीवादळाचा सामना करण्यासाठी सज्ज, फिलिपाइन्समध्ये 13 लोकांचा मृत्यू)

पाहा पोस्ट -

याआधी शुक्रवारी आयएमडीचे शास्त्रज्ञ रामाश्रय यादव यांनी सांगितले होते की अहमदाबाद आणि गांधीनगरमध्ये हलका ते मध्यम पाऊस पडेल. गेल्या 24 तासांत कच्छच्या भागात मुसळधार पाऊस झाला असून, 1 जूनपासून राज्यात 882 मिमी पाऊस झाला आहे, असे आयएमडीच्या शास्त्रज्ञाने म्हटले आहे. "गेल्या 24 तासांत कच्छमध्ये खूप मुसळधार पाऊस झाला आहे. गुजरातमध्ये 1 जूनपासून 882 मिमी पाऊस पडला आहे, जो सामान्यपेक्षा 50% जास्त आहे. सौराष्ट्र आणि कच्छ भागातही सामान्यपेक्षा जास्त पावसाची नोंद झाली आहे. अहमदाबाद आणि गांधीनगरमध्ये आज हलका ते मध्यम पाऊस अपेक्षित आहे.", यादव यांनी एका निवेदनात म्हटले आहे.

गुरुवारी जामनगर, पोरबंदर, मोरबी, स्वारका आणि कच्छ जिल्ह्यांमध्ये अतिवृष्टीचा इशारा देण्यात आला होता. गुजरातमध्ये संततधार पावसामुळे आलेल्या पुराच्या पार्श्वभूमीवर जामनगरमधील पडणा पाटिया ते चांगा पाटिया यांना जोडणारा रस्ता वाहतुकीसाठी बंद करण्यात आला आहे. पुरामुळे प्रवाशांच्या वाहतुकीवर परिणाम होत असल्याने सर पीएन रोडवरील एका छोट्या पुलाचा काही भागही वाहून गेला आहे.