Coronavirus In India: भारतामध्ये 19,984 जण कोरोनाग्रस्त; 24 तासामध्ये वाढले 1383 रूग्ण
देशामध्ये मागील 24 तासामध्ये सुमारे 1383 नवे कोरोनाबाधित रूग्ण आढळल्याने आता एकूण आकडा 19,984 वर पोहचला आहे.
जगभरात धुमाकूळ घालणारा कोरोना व्हायरस आता भारतामध्येही आपले हातपाय पसरायला लागला आहे. देशामध्ये मागील 24 तासामध्ये सुमारे 1383 नवे कोरोनाबाधित रूग्ण आढळल्याने आता एकूण आकडा 19,984 वर पोहचला आहे. यामध्ये काल दिवसभरामध्ये 50 जणांनी आपला प्राणही गमावला आहे. देशाच्या विविध भागामध्ये सध्या 15,474 रूग्णांवर उपचार सुरू असून भारतातील एकूण बळींचा आकडा 640 पर्यंत पोहचला आहे. भारतामध्ये सर्वाधिक कोरोनाबाधित राज्यामध्ये महाराष्ट्र अव्वल स्थानी असल्याने आता महाराष्ट्रात परिस्थिती नियंत्रणात आणण्यासाठी केंद्र सरकारकडूनही विशेष पथक दाखल झाले आहे. या पथकाकडून सध्या मुंबईच्या विविध भागांचा आढावा घेऊन माहिती घेतली जात आहे.
दरम्यान भारतामध्ये गोवा हे राज्य कोरोनामुक्त झाले आहे. काही दिवसांपूर्वीच त्याची अधिकृत घोषणा करण्यात आली आहे. मात्र देशाच्या इतर महत्त्वाच्या मेट्रो सिटीमध्ये कोरोनाचा फैलाव झपाट्याने होत असल्याने भारतीयांमध्ये चिंतेंचं वातावरण आहे.केरळमध्ये रूग्ण कोरोनावर मात करण्याचा दर सर्वाधिक 71 % आहे. COVID-19 Antibody Test:कोव्हिड 19 ला रोखण्यासाठी रॅपिड अॅन्टीबॉडी टेस्ट कशी मदत करणार?
ANI Tweet
50 deaths and 1383 new cases reported in last 24 hours as India's total number of positive cases stands at 19,984 (including 3870 cured/discharged/migrated and 640 deaths) https://t.co/ZdpSUTPk24
— ANI (@ANI) April 22, 2020
भारतात कोरोनाला रोखण्यासाठी 24 मार्चपासून लॉकडाऊन जाहीर केला आहे. त्यानुसार सुरूवातीला तो पहिल्या टप्य्यांत 14 एप्रिल पर्यंत म्हणजे 21 दिवसांचा होता. मात्र आता त्यामध्ये 19 दिवसांची वाढ करून तो 3 मे पर्यंत वाढवण्याचा निर्णय जाहीर करण्यात आला आहे.
(The above story first appeared on LatestLY on Apr 22, 2020 08:47 AM IST. For more news and updates on politics, world, sports, entertainment and lifestyle, log on to our website latestly.com).
