पायलटच्या प्रसंगावधानामुळे IAF Jaguar या वायुसेनेच्या विमानाचा अपघात टळला
हरियाणा येथे वायुसेनेच्या जगुआर विमानाला होणारा अपघात पायलटच्या प्रसंगावधानामुळे टळला.
हरियाणा येथे वायुसेनेच्या जगुआर विमानाला (Jaguar Aircraft) एका पक्षाची धडक झाल्याने विमानाचे तातडीने लँडिंग करण्यात आले. अंबाला एअरफोर्स स्टेशनवरुन (Ambala Air Base) या विमानाने उड्डाण केल्यावर विमानाला पक्षाची धडक झाली. त्यानंतर विमानाचे एक इंजिन खराब झाले. पायलटने प्रसंगावधान राखत विमानाच्या इंधनाच्या टाकीचा भाग खाली पाडला आणि त्यानंतर सुरक्षितपणे विमान उतरवले.
पायलटच्या प्रसंगावधानामुळे मोठा अपघात टळला. त्याचबरोबर यात कोणतेही जीवितहानी झाल्याचे वृत्त अद्याप समोर आलेले नाही.
ANI ट्विट:
IAF Sources: An IAF Jaguar pilot jettisoned fuel tanks of his aircraft after one of the engines failed after being hit by a bird, pilot managed to land back safely at the Ambala air base. Small practice bombs jettisoned by his aircraft have also been recovered. pic.twitter.com/tXG3x1MDqR
— ANI (@ANI) June 27, 2019
काही दिवसांपूर्वी आसामच्या जोरहाट येथून उड्डाण घेतल्यानंतर भारतीय वायुसेनेचे एएन-32 विमान बेपत्ता झाले होते. यात 13 लोकं होते. यात आठ क्रु मेंबर्स आणि पाच प्रवाशांचा समावेश होता. मात्र या दुर्घटनेत 13 लोकांचाही मृत्यू झाला.
(The above story first appeared on LatestLY on Jun 27, 2019 11:20 AM IST. For more news and updates on politics, world, sports, entertainment and lifestyle, log on to our website latestly.com).
