तेहरीक-ए-तालिबान पाकिस्तानचा (टीटीपी) प्रवक्ता एहसानुल्ला एहसान ज्याने मलाला यूसुफजईला गोळ्या घातल्या होत्या, तसेच पेशावर लष्कराच्या शाळेत दहशतवादी हल्ला घडवून आणण्यासाठी जो जबाबदार होता, तो पाकिस्तानच्या लष्कराच्या तुरूंगातून पळाला.

Ehsanullah Ehsan escapes from Pakistan jail

Read @ANI story | https://t.co/h5aTBJsyz3 pic.twitter.com/j6cShE25jH

— ANI Digital (@ani_digital) February 6, 2020

कर्नाटक विशेष तपास पथकाने गौरी लंकेश हत्या प्रकरणात अटक केलेल्या, ऋषिकेश देवडीकरला महाराष्ट्र एटीएसने ट्रान्झिट रिमांडवर राज्यात आणले. आज त्याला नालासोपारा शस्त्र प्रकरणात मुंबई सत्र न्यायालयात हजर केले होते. कोर्टाने त्याला 11 फेब्रुवारीपर्यंत पोलिस कोठडी सुनावली आहे.

Maharashtra: Rushikesh Devdikar who was arrested in Gauri Lankesh Murder case by K'taka Special Investigation Team was brought on transit remand by Maharashtra ATS&produced before Mumbai Sessions Court today, in Nalasopara arms case. He has been sent to police custody till 11 Feb

— ANI (@ANI) February 6, 2020

जम्मू-काश्मीरः नॅशनल कॉन्फरन्स लीडर ओमर अब्दुल्ला आणि पीपल्स डेमोक्रॅटिक पक्षाच्या नेत्या मेहबुबा मुफ्ती यांच्यावर पब्लिक सेफ्टी कायदा (पीएसए) अंतर्गत गुन्हा दाखल करण्यात आला आहे.

Jammu & Kashmir: National Conference leader Omar Abdullah & Peoples Democratic Party leader Mehbooba Mufti have been booked under Public Safety Act (PSA). pic.twitter.com/JQ18HXRRbs

— ANI (@ANI) February 6, 2020

मुख्यमंत्री उद्धव ठाकरे यांनी आज डोंबिवलीमधील गुलाबी रस्त्याची पाहणी केली, त्याची कारणे समजून घेतली. जे घातक कारखाने आहेत त्यांच्यासंदर्भात तीन टप्प्यांत कार्यवाही करण्याचे ठरवले आहे. तसेच केमिकल इंडस्ट्रीला नागरी वस्तीपासून दूर  हलवण्यासंदर्भात 15 दिवसांत सर्व्हेक्षण करून अहवाल देण्याचे निर्देश दिले आहेत.

दिल्लीतील निर्भया सामूहिक बलात्कार प्रकरणावरील केंद्र सरकारच्या याचिकेवर उद्या सुनावणी होणार असून या प्रकरणातील आरोपींच्या फाशीचा निकाल उद्या लागण्याची शक्यता आहे.

2012 Delhi gang-rape case: Supreme Court will tomorrow hear a petition by the Central Govt seeking to execute the convicts in the case who have exhausted all their legal and constitutional remedies. pic.twitter.com/cZPsM68lNx

— ANI (@ANI) February 6, 2020

मुख्यमंत्री उद्धव ठाकरे यांनी आज डोंबिवली शहरात तेथील महापौर आणि अन्य पदाधिका-यांसोबत बैठक घेतली. त्यांनी येथील प्रदूषणाबाबत मोठी घोषणा केली आहे. डोंबिवलीतील प्रदूषण पाहता येथील कारखान्यांची वर्गवारी करून तीन टप्प्यांत कारवाई होणार असल्याचे सांगितले आहे. तसेच येथील काही वस्त्या शहरापासून दूर नेणार असून येथील कच-याची योग्य रित्या विल्हेवाट लावण्याचे आदेश दिले आहेत. तसेच कल्याण-डोंबिवलीला स्वच्छ शहर बनविण्यासाठी 100 कोटींची तरतूद केल्याचेही त्यांनी यावेळी सांगितले. 

राज्यसभेत झालेल्या पंतप्रधान नरेंद्र मोदींच्या भाषणानंतर तेथे उपस्थित असलेल्या काँग्रेस नेत्यांनी तसेच अन्य विरोधकांनी सभात्याग केला. नरेंद्र मोदींनी आपल्या भाषणात मोदी सरकार काळातील विकासाची माहिती देत असताना काँग्रेस पक्षावरही जोरदार टीका केली.

Congress and other Opposition parties staged walk out from Rajya Sabha after PM Narendra Modi's speech pic.twitter.com/e9Et6xCxum

— ANI (@ANI) February 6, 2020

भिवंडीतील रुंगठा डाईंग कंपनीला भीषण आग लागल्याची घटना समोर आली आहे. Tv9 मराठी ने दिलेल्या वृत्तानुसार, अग्निशमन दलाच्या 3 गाड्या घटनास्थळी दाखल झाल्या असून आगीचे लोळ खूप दूरवर पसरल्याचे सांगितले जात आहे. 

देशात निराश होण्याचे काही कारण नाही. अर्थव्यवस्थेच्या मूलभूत पॅरामीटर्सपैकी आजही देशाची अर्थव्यवस्था बळकट, मजबूत असून पुढे जाण्याचे सामर्थ्य तिच्यात आहेः पंतप्रधान नरेंद्र मोदी

कलम 370 हटविल्यानंतर जम्मू-काश्मीर चा झपाट्याने विकास होत आहे असे नरेंद्र मोदी यांनी राज्यसभेत बोलताना सांगितले. तसेच 5 ऑगस्ट 2019 हा दिवस दहशतवाद पसरवणा-यांसाठी काळा दिवस होता असेही त्यांनी यावेळी सांगितले.

PM Narendra Modi in Rajya Sabha: Vaiko ji said 5 August 2019 was a black day for Jammu and Kashmir. Vaiko ji it was not a black day for J&K, it was a black day for those who promoted terrorism and separatism pic.twitter.com/ph4Xvk5LWa

— ANI (@ANI) February 6, 2020

राष्ट्रवादी काँग्रेसचे नेते आणि गृहनिर्माण मंत्री जितेंद्र आव्हाड यांनी मुंबईच्या पुर्नविकासाठी दुबईच्या कंपन्या येणार असल्याचे पत्रकार परिषदेत सांगितले. गरीबांना डोळ्यासमोर ठेवून या घरांची निर्मिती करणार असल्याचेही त्यांनी सांगितले. 

शीना बोरा हत्या प्रकरणात पीटर मुखर्जीला जामीन मंजूर करण्यात आला. मात्र या जामीनावर 6 आठवड्यांची स्थगिती देण्यात आली आहे. सीबीआयच्या विनंतीनंतर उच्च न्यायालयाने हा निर्णय घेतला. मंजूर झालेल्या जामीनावर न्यायालयाकडून स्थगिती देण्यात आली.

पनवेल येथे दुन्द्री गावात मंगळसूत्र चोरल्याच्या आरोपावरून एका महिलेची जाळून हत्या करण्यात आल्याचे समजतेय. या महिलेला जाळून झाडाला लटकवण्यात आले होते. या घटनेचा पोलीस सध्या तपास करत आहेत.

 मुलुंड येथील नवघर परिसरात रिचा टॉवर मध्ये लिफ्ट मध्ये तीन जण अडकले होते त्यापैकी एकाचा गुदमरून मृत्यू झाला आहे. 

राष्ट्रपती रामनाथ कोविंद यांच्या अभिभाषणावर पंतप्रधान नरेंद्र मोदी यांनी आज लोकसभेत निवेदन केले, यावरून राहुल गांधी यांनी प्रतिक्रिया देताना मोदी देशातील मूळ समस्यांकडे दुर्लक्ष करून फक्त काँग्रेस, पाकिस्तान, नेहरू याच मुद्द्यांवर भाष्य करतात. सध्या देशात बेरोजगारी ही मूळ समस्या आहे पण त्याविषयी आपल्या भाषणात मोदींना किंवा अर्थमंत्री निर्मला सीतारामन यांनी बोलणे टाळले असा आरोप सुद्धा राहुल यांनी लगावला आहे.  

डोंबिवलीतील एमआयडीसी परिसरात प्रदूषणामुळे रस्ते गुलाबी झाले होते, यामुळे परिसरातील नागरिक हैराण झाले आहेत. याच प्रदूषणाची पाहणी करण्यासाठी आज स्वतः मुख्यमंत्री उद्धव ठाकरे डोंबिवली येथे भेट देणार आहेत. यावेळी कल्याण ग्रामीण चे आमदार राजू पाटील यांनी प्रदूषण पाहण्यासाठी मुख्यमंत्र्यानी येणे हे दुर्दैव आहे अशा शब्दात खंत व्यक्त केली. 

वर्धा जिल्ह्यातील हिंगणघाट येथे सोमवारी एका प्राध्यापिकेच्या अंगावर पेट्रोल ओतून तिला जिवंत जाळण्याचा प्रयत्न करण्यात आला होता. यातील पीडितेची प्रकृती नाजूक असल्याची माहिती मेडिकल बुलेटिन मधून देण्यात आली आहे. 

 राष्ट्रवादी काँग्रेसचे सर्वेसर्वा शरद पवार आणि खासदार सुप्रिया सुळे यांनी आज केंद्रीय मंत्री रामदास आठवले यांच्या निवासस्थानी जाऊन भेट घेतली आहे. 

शेतकऱ्यांची मिळकत वाढावी हेच ध्येय ठेवून सरकारने काम केले आहे असे म्हणताना नरेंद्र मोदी यांनी आपल्या कामाचा पाढा वाचून दाखवला आहे. नुकसानग्रस्त शेतकऱ्यांना विमा मिळावा यासाठी 56 हजार कोटींचा निधी दिला आहे, तसेच उच्चतम समर्थन मूल्य (MSP) ची प्रलंबित समस्या आम्ही सोडवली, 2014 च्या आधी असणाऱ्या कृषी अर्थसंकल्पात सरकारने पाच पटीने वाढ केली आहे. इत्यादी कामे मोदींनी सभागृहाच्या निदर्शनात आणून दिली, राष्ट्रपती रामनाथ कोविंद यांच्या अभिभाषणावर पंतप्रधान नरेंद्र मोदी आज लोकसभेत निवेदन करत आहेत. 

राष्ट्रपती रामनाथ कोविंद यांच्या अभिभाषणावर पंतप्रधान नरेंद्र मोदी आज लोकसभेत निवेदन करत आहेत. यावेळी सरकारच्या कामाचा पाढा वाचताना North- East मध्ये सूर्य लवकर उजाडायचा मात्र अंधार मिटत नव्हता, पण आता सरकारतर्फे सुरु असणाऱ्या कामामुळे या भागात नवीन सकाळ आली आहे, फक्त तुम्ही चष्मा बदलला तर हा प्रकाश तुम्हाला दिसून येईल. अशा शब्दात नरेंद्र मोदी यांनी विरोधकांना सल्ला दिला आहे. 

राष्ट्रपती रामनाथ कोविंद यांच्या अभिभाषणावर पंतप्रधान नरेंद्र मोदी आज लोकसभेत निवेदन करत आहेत. यावेळी त्यांनी काँग्रेसवर हल्लाबोल करत "जर का देश अजूनही काँग्रेसच्या वाटेवर चालत असता तर कलम 370 हटवणे, तिहेरी तलाक कायदा, भारत बांग्लादेश सीमावाद मिटवणे हे शक्य झाले नसते" असे म्हंटले आहे. 

राष्ट्रपती रामनाथ कोविंद यांच्या अभिभाषणावर पंतप्रधान नरेंद्र मोदी निवेदन करत आहेत. सुरुवातील लोकसभेत आणि मग राज्यसभेत मोदी बोलणार आहेत. यावेळी त्यांनी सभागृहातील सर्व सदस्यांचे चर्चासत्रात सहभाग घेतल्यासाठी अभिनंदन केले.

Watch LIVE. https://t.co/9Z4BDtI9m8

— PMO India (@PMOIndia) February 6, 2020

आरबीआयने रेपो दर 5.15% वर कायम ठेवले असून यात कोणताही बदल केला नाही. आर्थिक धोरण समितीच्या 3 दिवसीय बैठकीनंतर आरबीआयने गुरुवारी हा निर्णय जाहीर केला

The repo rate remains unchanged at 5.15% and maintains accomodative stance. pic.twitter.com/9dUzFwt1Q2

— ANI (@ANI) February 6, 2020

जम्मू-काश्मीरमध्ये दहशतवाद्यांकडून श्रीनगरच्या लालबाजार परिसरात तैनात असलेल्या भारतीय सुरक्षा दलावर ग्रेनेड हल्ला करण्यात आला आहे. हे वृत्त काश्मीर येथील काश्मीर टूडे या वेबसाईटने दिले आहे.  ट्वीट-

Grenade attack on Security Forces in #Omarcolony #Lalbazar in Srinagar #Kashmir https://t.co/iOrTawMg70

— Kashmir Today (@TheKashmirToday) February 6, 2020

डोंबिवली मधील 52 चाळ परिसरातील रेल्वे ग्राऊंडमध्ये एका बॅगेत एका पुरुषाचा अज्ञात मृतदेह सापडला आहे. याठिकाणी विष्णुनगर पोलिस उपस्थित असून अधिक तपास सुरु आहे. 

कर्नाटकचे मुख्यमंत्री बी. एस येदियुरप्पा यांना राजभवनाच्या वाटेत थांबवून एका शेतकऱ्याने जमिनीची मागणी केल्याचे समजत आहे. आपल्याकडे शेतीसाठी जमीन नसल्याने 2 एकर जमीन आपल्याला देण्यात यावी असे या शेतकऱ्याने येदियुरप्पा यांना सांगितले.  

निर्भया बलात्कार प्रकरणी फाशीची शिक्षा ठोठावलेल्या दोषींना स्वतंत्रपणे फाशी द्यावी अशी विनंती करणार्‍या केंद्र सरकारच्या याचिकेला दिल्ली हायकोर्टाने फेटाळून लावल्यावर उद्या याच याचिकेवरून सुप्रीम कोर्टात सुनावणी होणार आहे.

Supreme Court agrees to hear tomorrow, Central Government’s appeal against Delhi High Court’s order rejecting its plea to separately execute the death row convicts in 2012 Delhi gang-rape case. pic.twitter.com/nJuA6mVhYK

— ANI (@ANI) February 6, 2020

कोणत्याही शैक्षणिक कार्यक्रमात जाण्यापूर्वी विद्यार्थिनींनी पोलीस विभागाच्या दामिनी पथकाला माहिती द्यावी असे आदेश राष्ट्रसंत तुकडोजी महाराज नागपूर विद्यापीठातर्फे देण्यात आले आहेत.हिंगणघाट जळीतकांडाच्या पार्श्वभूमीवर विद्यार्थिनींच्या सुरक्षेसाठी विद्यापीठाने हे पाऊल उचलले असल्याचे समजतेय. 

हिंगणघाट जळीतकांड प्रकरणाच्या निषेधार्थ आज वर्धा बंदची हाक देण्यात आली आहे, मंत्री बच्चू कडू यांनी आज पीडितेच्या कुटुंबाची भेट घेतली होती. 

पुणे शहराचा पाणीपुरवठा आज 6 फेब्रुवारी आणि उद्या 7 फेब्रुवारी रोजी बंद राहणार आहे. पम्पिंग स्टेशनवरील कामांमुळे पाणी पुरवठा विभागाने हा निर्णय घेतल्याचे सांगण्यात आले आहे. 

जळगाव आणि भुसावळ दरम्यान दूरदर्शन टॉवर कंटेनर आणि दुचाकीमध्ये जोरदार धडक झाली असून या अपघातात दुचाकी स्वाराचा जागीच मृत्यू झाला आहे.

अमेरिकेचे राष्ट्रपती डोनाल्ड ट्रम्प यांना महाभियोगात सर्व आरोपात क्लीन चिट मिळाली आहे. ट्रम्प यांच्यावर सत्तेचा दुरुपयोग करणे आणि काँग्रेसला धक्का लावण्याच्या आरोपावरून महाभियोग अंतर्गत कारवाई सुरु होती. दोन आठवड्यांच्या कारवाईनंतर अखेरीस बुधवारी अमेरिकेच्या सिनेटने ट्रम्प यांना निर्दोष जाहीर केले आहे. 

आमदार रोहन खंवटे यांना भाजपचे पदाधिकारी प्रेमानंद म्हांबरे यांना धमकावल्याच्या आरोपावरून अटक करण्यात आली आहे. पर्वरी पोलिसांची कारवाई करण्यात आली. विधानसभा परिसरात खंवटे यांनी धमकी दिल्याची तक्रार म्हांबरे यांनी नोंदवली होती. सभापतींच्या परवानगीनंतर पोलिसांनी रात्री उशिरा अटक केली. मात्र रोहन खवंट यांची आज पहाटे जामिनावर सुटका झाली.