राजस्थानमध्ये बीकानेर येथे रस्ता अपघातात 3 जणांचा मृत्यू तर, 3 जण गंभीर जखमी झाले असल्याची धक्कादायक माहिती समोर आली आहे. स्थानिक पोलीस घटनास्थळी दाखल झाले असून जखमींना जवळच्या रुग्णालयात दाखल करण्यात आले आहे. ट्वीट- 

 

राज्यातील सर्व शाळेमध्ये मराठी विषय सक्तीचा व्हावा, यासाठी राज्य सरकार अग्रेसर आहे. तसेच राज्यातील सर्व इंग्रजी माध्यमाच्या शाळेत मराठी हा विषय सक्तीचा करण्यात यावा, यासंदर्भातील विधेयक विधीमंडळाच्या विधानसभेत मांडण्यात आला होता. यातच महाराष्ट्रातील सर्व शाळांमध्ये मराठी भाषेचा विषय अनिवार्य करणारा विधेयक विधीमंडळाच्या विधानसभेत मंजूर झाला आहे. ट्वीट-

  

अंबरनाथ येथील डावलपाडा परिसरात गॅस सिलिंडरचा स्फोट झाल्याने एका दुकानाला आणि घराला आग लागली आहे. तसेच या आगीवर नियंत्रण मिळवण्यासाठी अग्निशमन दलाच्या 4 गाड्या घटनास्थळी दाखल झाल्या आहेत. गॅस सिलिंडरचा स्फोट नेमका घरात झाला की दुकानात अद्याप याची माहिती समोर आली नाही. 

काँग्रेस नेते उद्या राष्ट्रपती रामनाथ कोविंद यांची भेट घेणार असल्याचे वृत्त ANI ने  दिले आहे. या भेटीमागचे कारण अद्याप स्पष्ट नसल्याने राजकीय वर्तुळात अनेक चर्चा रंगू लागल्या आहेत.

कोरोना व्हायरसमुळे जपानच्या तटावर थांबवून ठेवण्यात आलेले डायमंड प्रिन्स जहाजावर बहुसंख्येने नागरिक अडकले होते. त्यामध्ये काही भारतीय सुद्धा होते. तर सकारकडून पाठवण्यात आलेल्या एअर इंडियाच्या विमानाने भारतीय नागरिक सुखरुप परतले आहेत.

दिल्लीत नागरिकत्व सुधारणा कायद्यावरुन सुरु असलेल्या आंदोलनाचे हिंसाचारात रुपांतर झाले आहे. या दरम्यान आता पर्यंत 22 जणांचा मृत्यू झाला असून 10 पेक्षा अधिक जण जखमी झाले आहेत. याच पार्श्वभुमीवर दिल्लीचे मुख्यमंत्री अरविंद केजरीवाल हिंसाचार झालेल्या घटनास्थळांना भेट देणार आहेत. त्यानंतर काय भुमिका घ्यायची याबाबत निर्णय घेणार असल्याचे ही केजरीवाल यांनी म्हटले आहे.

सहकारी बँक घोटाळ्याप्रकरणी अनिल भोसले यांना 6 मार्च पर्यंत पोलीस कोठडी सुनावण्यात आली आहे. 

बँकांच्या एटीएमध्ये 2 हजार रुपयांच्या नोटा न ठेवण्याच्या सुचनेवर अर्थमंत्री निर्मला सीतारमण यांनी प्रतिक्रिया दिली आहे.

हिंगोली मधील ऑनलाईन पद्धतीने तुर खरेदी करताना शेतकऱ्याला जात विचारल्याने संताप व्यक्त करण्यात आला आहे. 

दिल्ली हिंसाचारात शहीद झालेल्या पोलीस हेस्ट कॉन्स्टेबलच्या परिवाला 1 करोड रुपये आणि नोकरी देणार असल्याचे आश्वासन मुख्यमंत्री अरविंद केजरीवाल  यांनी दिले आहे. 

Load More

शिवाजीराव भोसले सहकारी बॅंक घोटाळा प्रकरणी संचालक आणि एनसीपीचे विधानपरिषदेमधील आमदार अनिल भोसले यांसह 4 जणांना अटक करण्यात आली आहे. पुणे पोलिसांनी काल (25 फेब्रुवारी) अनिल भोसले, सूर्याजी जाधव, कैलास भोसले आणि तानाजी पडवळ यांना अटक करण्यात आली आहे. दरम्यान याप्रकरणी अनिल भोसले यांच्यासोबत 11 जणांच्या विरोधात ठेवीदारांनी पोलिस स्टेशनमध्ये तक्रार दाखल केली आहे. त्यानंतर संबंधितांवर गुन्हा दाखल करण्यात आला आहे.

आरबीआय बॅंकेकडून 2018-19 मध्ये करण्यात आलेल्या ऑडिटनुसार, या बॅंकेमध्ये 71 कोटींचा घोटाळा झाल्याची बाबा समोर आली आहे. सध्या या आर्थिक गैरव्यवहाराचा तपास सुरू आहे. आज (26 फेब्रुवारी) आरोपींवर शिवाजीनगर न्यायालयामध्ये अरोपींना हजर करण्यात येणार आहे.

आजच्या दिवसभरातील ठळक बातम्या आणि ब्रेकिंग न्यूज वाचण्यासाठी 'लेटेस्टली मराठी' ला अवश्य भेट द्या

शिवाजीराव भोसले सहकारी बँकेच्या एकूण 14 शाखा आहेत. तर या बॅंकेचे 16 हजार खातेदार आहेत. बँकेकडून मागील काही दिवसांमध्ये 12 कोटी रुपयांची कर्ज वसुली करण्यात आली आहे.