मुंबईतील मध्यवर्ती ठिकाणी वसलेल्या कामाठीपुरा येथील इमारतींचा समूह पुनर्विकासाचा प्रस्ताव तयार करून, सर्वेक्षणाला सुरुवात करण्याचे गृहनिर्माण मंत्री यांचे मुंबई इमारत दुरुस्ती व पुनर्रचना मंडळास आदेश दिले आहेत 

रोहित पवार यांच्याविरुद्ध राम शिंदे यांनी याचिका दाखल केली होती. पवार यांच्या निवडीला थेट आव्हान दिले गेले आहे. याबाबत उच्च न्यायालयाने रोहित पवार यांना समन्स बजावून कोर्टात बाजू मांडण्याचे आदेश दिले आहेत. मात्र रोहित पवार यांनी आमच्यापर्यंत समन्स पोहचले नसल्याचे सांगितले आहे. 

सोलापूर-तुळजापूर मार्गावर तामलवाडी टोलनाक्याजवळ सिलेंडर वाहून नेणाऱ्या तीन ट्रकला भीषण आग लागल्याची घटना घडली आहे. हा स्फोट इतका मोठा आहे की पोलिसांनी आजूबाजूचा रहिवासी भाग रिकामा केला आहे. तीन ट्रकमध्ये मिळून 580 सिलेंडर्स आहेत. यापैकी 15 सिलेंडर्सचा स्फोट झाला आहे.

नाशिक शहरात एका 60 वर्षीय बेपत्ता महिलेचा मृतदेह गोणीत बांधलेल्या अवस्थेत  आढळून आला आहे. या घटनेमुळे नाशिक शहरात एकच खळबळ उडाली आहे. मंदाकिनी पाटील असं या मृत महिलेचं नाव आहे.

काँग्रेसचे माजी अध्यक्ष राहुल गांधी यांनी आपल्या ट्विटर हँडलवरून केजरीवाल आणि आम आदमी पक्षाला शुभेच्छा दिल्या आहेत. काँग्रेसला पुन्हा एकदा दिल्ली विधानसभेत मोठा धक्का बसला आहे. यंदा काँग्रेसला दिल्ली विधानसभा निवडणुकीत एकही जागा मिळवता आलेली नाही.

My best wishes & congratulations to Mr Kejriwal and the AAP on winning the Delhi Assembly elections.

— Rahul Gandhi (@RahulGandhi) February 11, 2020

उस्मानाबाद-सोलापूर महामार्गावर तामलवाडीजवळ गॅस टँकरने पेट घेतल्याने एकामागून एक सिलेंडरचे स्फोट झाले आहेत. आज सायंकाळी साडेसहा वाजता ही घटना घडली. या घटनेनंततर खबरदारीचा उपाय म्हणून तामलवाडीची काही घरे रिकामी करण्यात आली आहेत. सुदैवाने यात कोणतीही जीवितहानी नाही. या घटनेमुळे उस्मानाबाद-सोलापूर महामार्गावरील दोन्ही बाजूची वाहतूक थांबवण्यात आली आहे. या घटनेमुळे तामलवाडी परिसरात एकच खळबळ उडाली आहे. 

पुण्याकडून लोणावळ्याकडे भरधाव वेगात जाणाऱ्या लोकल रेल्वेच्या धडकेत एका मूकबधिर महिलेचा मृत्यू झाला आहे. कान्हे येथे रेल्वे रूळ ओलांडताना ही घटना घडली. रेखा प्रकाश शेलार असे या मृत महिलेचं नाव आहे. 

किर्तनाच्या विशिष्ट शैलीमुळे महाराष्ट्रात चर्चेत असलेले इंदोरीकर महाराज त्यांच्या एका वक्तव्यामुळे अडचणीत सापडले आहेत. त्यांनी आपल्या एका किर्तनामध्ये लोकांना गर्भलिंगाविषयीचा ऑड-इव्हन फॉर्म्युला सांगितला आहे. सम संख्येला संभोग केल्यास मुलगा जन्माला येईल. तर विषम तारखेला संबंध आल्यास मुलगी जन्माला येईल, असं इंदोरीकरांनी आपल्या किर्तनात म्हटलं आहे. या प्रकरणी त्यांना नोटीसही बजावण्यात आली आहे. त्यामुळे आता इंदोरीकर यांच्यावर गुन्हा दाखल होणार का ? याकडे सर्वांचे लक्ष लागले आहे. 

सोलापूर शहरासाठी उजनी धरणातून भीमा नदीत विसर्गाला सुरुवात झाली आहे. त्यामुळे नदीकाठच्या गावांना सर्तकतेच्या इशारा दिला आहे.  

दिल्ली विधानसभा निवडणुकीत भारतीय जनता पक्षाला दारुण पराभवाचा सामना करावा लागला आहे. दरम्यान, पंतप्रधान नरेंद्र मोदी यांनी मुख्यमंत्री अरविंद केजरीवाल यांचे अभिनंदन केले आहे. नरेंद्र मोदी यांनी आपल्या ट्विटर हँडलवरून  दिल्ली विधानसभा निवडणुकीतील विजयासाठी आणि दिल्लीकरांच्या आकांक्षा पूर्ण करण्यासाठी शुभेच्छा दिल्या आहेत.

Congratulations to AAP and Shri @ArvindKejriwal Ji for the victory in the Delhi Assembly Elections. Wishing them the very best in fulfilling the aspirations of the people of Delhi.

— Narendra Modi (@narendramodi) February 11, 2020

रोहित पवार यांना मुंबई उच्च न्यायालयाने समन्स बजावले आहे. माजी आमदार राम शिंदे यांनी यासंदर्भात उच्च न्यायालयात तक्रार केली आहे. विधानसभा निवडणुकीत मतदारांना पैसे देऊन मत मिळवली होती, असा आरोप राम शिंदे यांनी केला आहे.   

दिल्लीतील जनतेने दिलेल्या जनादेशाचा आम्ही स्वीकार करतो. आता दिल्लीमध्ये भाजपा विरोधी पक्षाची भूमिका बजावेल, अशा शब्दांत भाजपाध्यक्ष जे. पी. नड्डा यांनी आपली प्रतिक्रिया नोंदवली आहे. तसेच केजरीवाल यांच्या नेतृत्वाखाली आम आदमी पक्ष दिल्लीचा अधिक गतीने विकास करील, असा विश्वास व्यक्त करत नड्डा यांनी मुख्यमंत्री अरविंद केजरीवाल यांचे अभिनंदन केले आहे.

भाजपा इस जनादेश को स्वीकारते हुए रचनात्मक विपक्ष की भूमिका निभाएगी और प्रदेश के विकास से जुड़े हर मुद्दे को प्रमुखता से उठाएगी।इस विश्वास के साथ की आम आदमी पार्टी की सरकार दिल्ली का विकास करेगी, मैं श्री @ArvindKejriwal और उनकी पार्टी को बधाई देता हूँ।

— Jagat Prakash Nadda (@JPNadda) February 11, 2020

राज्यसभेत अर्थमंत्री निर्मला सीतारमण यांनी महसूल संकलनात सातत्याने सुधारणा होत असल्याचा दावा केला आहे. देशभरात जानेवारी महिन्यात 1 लाख 10 हजार कोटी जमा झाले आहेत. तर एप्रिल 2019 ते जानेवारी 2020 दरम्यान जीएसटीने वसूल केलेला एकूण महसूल 6 पटपेक्षा अधिक असून त्याची रक्कम 1 लाख कोटी रुपयांच्या पुढे गेली आहे असेही सीतारामन म्हणाल्या. आज अर्थसंकल्प अधिवेशनाच्या पहिल्या टप्प्याच्या सरतेशेवटी दोन्ही सभागृहात झालेल्या चर्चांवर त्या बोलत होत्या.

Finance Minister Nirmala Sitharaman in Rajya Sabha: Revenue collection is consistently improving. In month of January, 1 lakh 10 thousand crore has been collected. During April 2019-January 2020, the gross GST revenue collected has surpassed Rs 1 lakh crore-mark more than 6 times pic.twitter.com/dv74djujos

— ANI (@ANI) February 11, 2020

महाराष्ट्राचे मुख्यमंत्री उद्धव ठाकरे यांनी आप आणि अरविंद केजरीवाल यांना विजयाच्या शुभेच्छा देताना भाजपवर निशाणा साधला आहे. दिल्ली वासियांनी जन की बात ऐकली तिथे मन की बात चालली नाही, भाजपने केजरीवाल यांना दहशतवादी ठरवले पण त्यानीच भाजप चा पराभव केला असे उद्धव ठाकरे यांनी म्हंटले आहे.

Maharashtra Chief Minister Uddhav Thackeray: I congratulate Arvind Kejriwal and the people of Delhi for AAP's victory in #DelhiPolls2020. People have shown that the country will be run by 'Jan Ki Baat', not 'Mann Ki Baat'. BJP called Kejriwal a terrorist but couldn't defeat him. pic.twitter.com/ocfqSGInlM

— ANI (@ANI) February 11, 2020

दिल्ली विधानसभा निवडणुकीच्या मागील वर्षांची तुलना केल्यास आम आदमी पक्ष हा अधोगतीच्या वाटेवर आहे तर काँग्रेस हे पूर्णतः संपुष्टात आले आहे मात्र त्याच वेळी भाजप हे प्रगतीपथावर असल्याची प्रतिक्रिया भाजप नेते आशिष शेलार यांनी दिली आहे. 

दिल्ली विधानसभा निवडणुकांच्या पार्श्वभूमीवर शरद पवार यांनी पत्रकार परिषदेत काँग्रेसच्या  पराभवावर भाष्य केले आहे. काँग्रेसतर्फे प्रचार कमी पडला असे म्हणताना राहुल गांधी यांच्या भूमिकेवरही पवार यांनी निशाणा साधला. काही दिवसांपूर्वी राहुल यांनी नरेंद्र मोदी यांना दांडा मारण्याची भाषा केली होती अशी विधाने करू नयेत असा सल्ला सुद्धा पवारांनी राहुल यांना दिला आहे. 

दिल्ली विधानसभेच्या निवडणूक निकालाच्या दरम्यान राष्ट्रवादी काँग्रेसचे सर्वेसर्वा शरद पवार यांनी पत्रकार परिषद घेतली आहे. अरविंद केजरीवाल यांना शुभेच्छा देत, या निकालाचे काही आश्चर्य वाटत नाही,लोकांनी मोदी आणि शाह यांच्या अहंकार व दहशतवादाच्या विरोधात मते दिली आहेत. लागोपाठ पाचव्या राज्यात सत्ता गेल्यावर आता भाजपच्या पराभवाची मालिका सुरु झाली आहे, आणि आता ही मालिका संपणार नाही असा दावा सुद्धा पवार यांनी केला आहे. 

झारखंड विकास मोर्चा पक्षाचे अध्यक्ष बाबुलाल मरांडी यांनी आपला पक्ष भाजपमध्ये विलीन होणार असल्याची अधिकृत घोषणा केली आहे. येत्या 17 फेब्रुवारीला हे विलिनिकरण होईल असे पीटीआयच्या वृत्तानुसार समोर येत आहे.

Babulal Marandi announces that his party JVM(P) will merge with BJP on February 17

— Press Trust of India (@PTI_News) February 11, 2020

दिल्ली विधानसभेचे कल 'आप'च्या बाजूने पूर्ण झुकलेले असतानाही महाराष्ट्र भाजपचे प्रदेशाध्यक्ष चंद्रकांत पाटील यांनी अजूनही पूर्ण निकाल हाती येणे शिल्लक आहे असा आशावाद व्यक्त केला आहे. तसेच, "दिल्ली मध्ये मॅच फिक्सिंग करून भाजपला एकटं पडण्याचा प्रयत्न गेला आहे, किंबहुना देशातील विरोधी पक्ष एकत्र येऊन केवळ भाजपला विरोध करण्यासाठी वाट्टेल ती  तडजोड करायला तयार आहेत  या सगळ्यांनी हिंमत असेल तर एकट्याने लढून जिंकून दाखवावं" असे आव्हान चंद्रकांत पाटील यांनी केले आहे. 

दिल्ली विधानसभा निवडणुकीची मतमोजणी सुरु असतानाच शरद पवार यांनी अरविंद केजरीवाल आणि आम आदमी पक्षाच्या कार्यकर्त्यांना विजयाच्या शुभेच्छा दिल्या आहेत.

Congratulations to Shri. Arvind Kejariwal ji and Aam Admi Party workers for achieving a 'Sweeping Victory' in the Delhi Assembly Polls!@ArvindKejriwal @AamAadmiParty #DelhiElectionResults #DelhiPolls2020 #DelhiResults #DelhiElection2020

— Sharad Pawar (@PawarSpeaks) February 11, 2020

दिल्लीच्या विधानसभा निवडणुकीत लोकांनी विकास निवडून, अहंकाराला हरवले आहे. दिल्लीत सत्याचा विजय झाला आहे, 12 मुख्यमंत्री जाऊनही भाजपचा पराभव झाला आहे, लोकांनी स्थानिक मुद्द्यांवर बोलणाऱ्या 'आप'ला निवडले. अशी प्रतिक्रिया आमदार रोहित पवार यांनी दिली. दुसरीकडे, काँग्रेसला आणखीन संघटनात्मक विचार करण्याची गरज आहे, प्रादेशिक पक्षांनी एकत्र येऊन लढत दिल्यास नक्कीच भाजपचा पराभव शक्य आहे असा दावा सुद्धा त्यांनी केला आहे. 

पूर्व दिल्लीचे भाजपा खासदार गौतम गंभीर यांनी अरविंद केजरीवाल यांचं अभिनंदन केलं आहे. यावेळी ते म्हणाले की, आम्ही दिल्लीमध्ये निवडणून येण्यासाठी प्रयत्न केले. मात्र, आम्ही त्यात अपयशी ठरलो. अरविंद केजरीवाल यांच्या नेतृत्वाखाली पुन्हा एकदा दिल्लीचा विकास होईल, असा आशावादही त्यांनी यावेळी व्यक्त केला.

BJP MP from East Delhi, Gautam Gambhir: We accept #DelhiElectionResults and congratulate Arvind Kejriwal & the people of Delhi. We tried our best but, probably, we could not convince the people of the state. I hope Delhi develops under the chief ministership of Arvind Kejriwal. pic.twitter.com/GO4HG7s5fI

— ANI (@ANI) February 11, 2020

दिल्ली विधानसभा निवडणुकीचा निकालाची आकडेवरी जवळपास जाहीर झाली आहे. यात पुन्हा एकदा आम आदमी पक्षाला मोठे यश मिळाले आहे. राजकीय रणनीतीकार प्रशांत किशोर यांनी आपल्या ट्विट हँडलवरून दिल्लीतील जनतेचे आभार मानले आहेत.

Thank you Delhi for standing up to protect the soul of India!

— Prashant Kishor (@PrashantKishor) February 11, 2020

दिल्ली विधानसभेत एकाही जागी विजय न मिळवू शकलेल्या काँग्रेसच्या पराजयाची जबाबदारी स्वीकारून दिल्ली काँग्रेसचे अध्यक्ष सुभाष चोपड़ा आपल्या पदाचा राजीनामा देणार आहेत. 

दिल्ली विधानसभा निवडणुकीत भाजपला मागील वर्षांच्या तुलनेत अधिक जागा मिळाल्या मात्र अपेक्षित यश प्राप्त झालेलं नाही अशी खंत भाजपचे नेते सुधीर मुनगंटीवार यांनी व्यक्त केली आहे. भाजप हा केवळ शाहीन बागच्या मुद्दयांवर लढलेला नाही असेही त्यांनी स्पष्ट केले तसेच, आजचा पराजय हा उद्याचा विजय आहे असेही त्यांनी म्हंटले आहे. 

नरेंद्र मोदी यांनी निवडणूक प्रचारामध्ये दिल्लीच्या मतदारांना अँटी नॅशनल पक्षाला मतदान करण्याचे आवाहन केले होते , जनतेने सुद्धा आवाहन स्वीकारत अँटी नॅशनल  पक्षाला मतदान करून भाजप ला नाकारले . अशी प्रतिक्रया कॅबिनेट मंत्री नवाब मलिक यांनी एक वाहिनीला दिलेल्या मुलाखतीत सांगितले आहे. 

1993 च्या बॉम्बस्फोटातील आरोपी मुनाफाला बेड्या ठोकण्यात आल्या आहेत, पाकिस्तानी पासपोर्टवर दुबईला जाण्याच्या तार्यारीत असताना विमानतळावर मुनाफाला अटक करण्यात आली. 

 गुजरात काँग्रेस नेते आणि पाटीदार आरक्षण आंदोलनाचे नेतृत्व करणारे हार्दिक पटेल (Hardik Patel) हे 18 जानेवारीपासून बेपत्ता असल्याची तक्रार  त्यांची पत्नी किंजल यांनी केली आहे. हार्दिक पटेल यांना 18 जानेवारीला देशद्रोहाच्या आरोपाखाली अटक करण्यात आले होते, मात्र त्यांनतर त्यांना जामीन देण्यात आला होता तरीही ते घरी परतले नाहीत असे त्यांच्या पत्नीने तक्रारीत म्हंटले आहे. 

दिल्ली विधानसभा निवडणूक निकालाच्या पार्श्वभूमीवर सेन्सेक्सने 328.54 पॉईंटची उसळी घेत  41,308.16 चा टप्पा गाठला आहे. तर, निफ्टी सुद्धा 107.20 पॉईंटची वाढ होऊन 12,135.80 वर पोहोचला आहे. 

दिल्ली विधानसभा निवडणुकीच्या मतमोजणीचा प्राथमिक कल हाती आला असून यानुसार दिल्ली वासियांनी आप सरकारला बहुमताने साथ दिली आहे. आप ने तब्बल 56 जागी आघाडी घेत भाजपला आतापर्यंत केवळ 14 जागांवर रोखून ठेवले आहे. तर काँग्रेसला एकही खात खोलता आलेलं नाही. 

भिलवारा जिल्ह्यातील बिगोद भागात बस आणि बोलेरोची टक्कर होऊन 9 जण ठार आणि 15 जखमी झाले. जखमींना रुग्णालयात हलविण्यात आले आहे.

Rajasthan: 9 dead and 15 injured after a bus and a Bolero collided with each other in Bigod area of Bhilwara district. The injured have been shifted to hospital.

— ANI (@ANI) February 10, 2020

पुणे येथे एका शाळकरी मुलीला एका इसमाने ऍसिड फेकण्याची धमकी देत तिच्यावर बलात्कार केल्याचे समजत आहे. प्रतीक आंग्रे असे या तरुणाचे नाव असून त्याला मुईच्या आईच्या तक्रारीनंतर पोलिसांनी अटक केली आहे. 

दिल्ली विधानसभा निवडणुकीच्या मतमोजणीला सुरुवात झाली असून सर्वात आधी पोस्टल मतांची मोजणी होणार आहे, यानुसार भाजप विरुद्ध आपचा प्राथमिक कल काहीच वेळात समोर येईल. सध्या भाजप 2 जागांवर आणि आप 5 ठिकाणी आघाडीवर असल्याचे समजतेय.