राज्यातील अनुसूचित जमातींच्या कल्याणासाठी देण्यात आलेल्या निधीचा गैरवापर केल्याच्या, 123 अधिकाऱ्यांविरुद्ध कारवाई करण्यास महाराष्ट्र सरकार असमर्थ असल्याबद्दल, मुंबई हायकोर्टाने व्यक्त केली नाराजी.

आज विधानभवनात सभापती रामराजे निंबाळकर आणि नाना पाटोळे यांच्या अध्यक्षतेखाली विधानसभा कामकाज सल्लागार समितीची बैठक संपन्न झाली. यामध्ये दि 24 फेब्रुवारीपासून विधिमंडळाचे 2020 मधील अर्थसंकल्पीय अधिवेशन मुंबई येथे सुरू होणार असल्याची माहिती देण्यात आली. 

अधिवेशनाचा कालावधी चार आठवड्यांचा निश्‍चित झाला आहे.. यात 18 दिवस कामकाज होणार असून, गुरुवार, दि. 6 मार्चला 2020-21 वर्षाचा अर्थसंकल्प सादर करण्यात येणार. दि. 24 फेब्रुवारीला पुरवणी व अतिरिक्त मागण्या सादर होणार व पाच प्रस्तावित शासकीय विधेयके मांडण्यात येणार.

आज जामिया येथे झालेल्या निषेधानंतर, निदर्शकांविरोधात न्यू फ्रेंड्स कॉलनी पोलिस ठाण्यात आयपीसी कलम 186, 188, 353, 332 कायद्यान्वये दिल्ली पोलिसांनी गुन्हा दाखल केला.

सिनेअभिनेते सयाजी शिंदे यांची संकल्पना आणि वन विभागाच्या सहकार्याने पालवनच्या उजाळ माळराणावर, फुललेल्या सह्याद्री देवराई प्रकल्पावर दिनांक 13 व 14 फेब्रुवारी 2020 रोजी जगातील पहिले वृक्ष संमेलन आयोजित

हिंगणघाट जळीतकांडातील पीडितेच्या कुटुंबाला 10 लाखांची मदत करण्यात येणार आहे. तसेच कुटुंबातील एका सदस्याला सरकारी नोकरी देण्याचा निर्णयही राज्य सरकारने घेतला आहे.

वजन कमी करणाऱ्या गोळया घेतल्यानंतर काही तासातच ठाण्यामध्ये एका तरुण मुलीचा मृत्यू झाला आहे.  मेघना देवगडकर (वय, 22) असे मृत मुलीचे नाव आहे. मेघना जीममध्ये ट्रेनर म्हणूनही काम करत होती. 

पुण्यात विद्यार्थिनीवर अॅसिड टाकण्याची धमकी देऊन अत्याचार करणाऱ्या आरोपीला अटक करण्यात आली आहे. पीडितेच्या आईने यासंदर्भात तक्रार दाखल केली होती. त्यानंतर आरोपीला पुणे पोलिसांकडून तात्काळ अटक करण्यात आली आहे.

नाशिकमध्ये कौटुबिंक वादातून एका महिलेने आत्महत्या करण्याचा प्रयत्न केला आहे. पंचवटी पोलिस ठाण्याबाहेर या महिलेने स्वत: ला पेटवून घेतलं आहे. या महिलेला उपचारासाठी रुग्णालयात दाखल करण्यात आलं आहे.   

हिंगणघाट जळीत हत्याप्रकरणाच्या खटल्यासाठी विशेष सरकारी वकील म्हणून अॅड. उज्ज्वल निकम यांची नियुक्ती करण्यात आली आहे. 

पिंपरी महापालिका, रुग्णालय आणि शाळांमध्ये प्लास्टिकवर बंदी करण्यात आली आहे. प्लास्टिकचा वापर आढळल्यास विभागप्रमुखांवर दंडात्मक कारवाई करण्याचा इशारा आयुक्त श्रावण हर्डीकर यांनी दिला आहे.

गडचिरोलीमध्ये मुलीने पळून जाऊन लग्न गेल्याने आई, वडील आणि भावाने आत्महत्या केल्याची धक्कादायक घटना घडली आहे. रवींद्र वरगंटीवार, वैशाली रवींद्र वरगंटीवार आणि साहिल रवींद्र वरगंटीवार अशी या तिघांची नावं आहे. 

दुपारपासून खोळंबलेल्या पीडित शिक्षिकेवरील अंत्यसंस्काराला सुरुवात झाली आहे. निवासी उपजिल्हाधिकाऱ्यांच्या लेखी आश्वासनानंतर कुटुंबियांनी पीडितेवर अत्यसंस्कार करण्यास सुरुवात केली आहे. 

 गेल्या पाऊण तासापासून खोळंबलेला पीडित शिक्षिकेचा अंत्यसंस्कार विधी आता काहीच वेळात होणार आहे. निवासी उपजिल्हाधिका-यांच्या लेखी आश्वासनानंतर कुटूंबिय मृत शिक्षिकेवर अंत्यसंस्कार करणार आहेत.

'आपण स्त्रीला पंतप्रधान, राष्ट्रपती आणि संरक्षणमंत्री म्हणून पाहू शकलो. पण स्वकर्तृत्वानं पुढं येणाऱ्या सामान्य महिलेला सुरक्षा देऊ शकलो नाही,' अशी खंत माजी मंत्री व भाजप नेत्या पंकजा मुंडे यांनी हिंगणघाट जळीत प्रकरणातील पीडित तरुणीच्या मृत्यूनंतर व्यक्त केली आहे. ट्विटच्या माध्यमातून त्यांनी ही प्रतिक्रिया दिली आहे.

तिच्या परिवाराचे दुःख कल्पनेच्या पलीकडे आहे ..ते कधीही न भरून येणारे आहे ..त्यांच्या आणि समाजाच्या मनावर ओरखडे ओढणाऱ्या गुन्हेगारांना फास्ट ट्रॅक कोर्टात देहदंडाची शिक्षा झालीच पाहिजे..@OfficeofUT @CMOMaharashtra

— Pankaja Gopinath Munde (@Pankajamunde) February 10, 2020

गेले 7 दिवस मृत्यूशी झुंज देणारी हिंगणघाट प्रकरणातील पीडितेची आज सकाळी प्राणज्योत मालविली. तिच्या अंत्ययात्रेला सुरुवात झाली असून 'महाराष्ट्राच्या लेकीला' निरोप देण्यासाठी दारोड्यात मोठ्या संख्येने जनसागर उसळला. थोड्याच वेळात तिच्यावर अंत्यसंस्कार करण्यात येतील.

हिंगणघाटमध्ये पेट्रोल ओतून जाळण्यात आलेल्या शिक्षिकेचा झालेला मृत्यू ही लाजिरवाणी घटना असून आरोपीला त्याच्या कृत्याची शिक्षा लवकर मिळेल, ती इतरांवर जरब बसवणारी असेल असे उपमुख्यमंत्री अजित पवार यांनी सांगितले. अशा घटनांची पुनरावृत्ती टाळण्यासाठी सरकार यापुढे अधिक संवेदनशील राहील असेही ते प्रसारमाध्यमांशी बोलताना म्हणाले.

उद्या लोकसभेत अर्थसंकल्प 2020-21 वर आयोजित करण्यात आलेल्या चर्चासत्रासाठी भाजप खासदारांना व्हिप बजाविण्यात आला आहे. या चर्चासत्रात उपस्थित राहण्यासाठी हा व्हिप बजावण्यात आल्याचे सांगण्यात येत आहे.

Bharatiya Janata Party has issued a whip to its Lok Sabha MPs to be present in the house tomorrow for the passage of the Union Budget 2020-21. #BudgetSession pic.twitter.com/ntow8wi8yK

— ANI (@ANI) February 10, 2020

काय झाले याचा विचार करण्यापेक्षा यावर आता पुढे काय भूमिका घेतली पाहिजे याचा विचार केला पाहिजे असे युवा सेना प्रमुख आदित्य ठाकरे यांनी सांगितले आहे. तसेच महिलांवर होणा-या या भ्याड हल्ल्यांवर, अत्याचार करणा-यांवर कडक कारवाई केली पाहिजे असेही ते यावेळी म्हणाले. 

हिंगणघाट जळीत कांडातील पीडितेचा मृत्यू ही दुर्दैवी घटना असून हा खटला फास्ट ट्रॅक कोर्टात चालविण्यात यावा असे काँग्रेस नेते अशोक चव्हाण यांनी सांगितले आहे. लवकरात लवकर या घटनेचा छडा लावून आरोपीला कठोरातील कठोर शिक्षा केली जाईल असेही ते प्रसारमाध्यमांशी बोलताना म्हणाले.

वर्धा जळीत कांडातील पीडितेचा मृत्यू ही अत्यंत दुर्दैवी घटना असून लवकरात लवकर या आरोपीला शिक्षा झाली पाहिजे असे महाराष्ट्राचे अल्पसंख्यांक विकास मंत्री नवाब मलिक यांनी प्रतिक्रिया दिली आहेत. तसेच अशा घटनांसाठी कायदे अधिक कडक करण्याची गरज असल्याचेही त्यांनी सांगितले आहे. 

काँग्रेस नेते आणि कॅबिनेट मंत्री विजय वडेट्टीवार यांनी हिंगणघाट घटनेचा तीव्र शब्दांत निषेध करत आरोपीला लवकरात लवकर फाशीची शिक्षा झाली पाहिजे, तरच तिच्या आत्म्याला शांति मिळेल असे सांगितले आहे. 

 तिला जीवन देणे, तिला जिवंत ठेवणे हा न्याय होता ती मृत्यूशी हरली आणि आपण नीतिमत्तेत हरलो अशा शब्दांत गृहनिर्माण मंत्री जितेंद्र आव्हाड यांनी प्रतिक्रिया दिली आहे. आरोपीला फाशीच्या शिक्षेने मृत पीडितेला न्याय मिळेल हे मला मान्य नसून याउलट महाराष्ट्रात असे क्रूरकर्मा जन्माला येऊ नये यासाठी संपूर्ण समाजाने प्रयत्न करायला हवा असे ते यावेळी म्हणाले. अशी विकृती वेळीच ठेचली गेली पाहिजे असेही ते यावेळी म्हणाले. 

हिंगणघाट घटनेतील पीडितेचा मृत्यू ही अत्यंत दुर्दैवी घटना असून आरोपीला लवकरात लवकर कडक शिक्षा केली जाईल असे अर्थमंत्री जयंत पाटील यांनी प्रसारमाध्यमांशी बोलताना सांगितले. तसेच या घटनेशी संबंधित सर्व पुरावे असल्याने हा खटला फास्ट ट्रॅक कोर्टात चालविण्यास महाराष्ट्र सरकार प्रयत्नशील राहिल असेही त्यांनी सांगितले. तसेच अशी मानसिकता असणा-यांचा महाराष्ट्र सरकार बिमोड केल्याशिवाय राहणार नाही असा इशारा त्यांनी यावेळी दिला. 

हिंगणघाट घटनेतील मृत पीडितेच्या जाण्याने खूपच दु:ख झाले असून लवकरात लवकर या प्रकरणातील आरोपीचा गुन्हा सिद्ध करुन त्याला फासावर लटकवेल असे मुख्यमंत्री उद्धव ठाकरे यांनी सांगितले आहे.  तसेच या आरोपीबद्दल महाराष्ट्र कोणतीही दया,माया दाखवणार नाही असेही त्यांनी प्रसारमाध्यमांशी बोलताना सांगितले. तसेच नागरिकांनी संयम बाळगण्याचेही मुख्यमंत्र्यांनी आवाहन केले आहे. 

हिंगणघाट प्रकरणातील पीडितेचा मृतदेह तिच्या घरात आणण्यात आला आहे. पीडितेच्या कुटुंबियांना तिचा मृतदेह पाहताचं शोक अनावर झाला आहे. दरम्यान, पीडितेच्या घराजवळ दारोड गावातील नागरिकांनी गर्दी केली आहे. 

हिंगणघाट येथील जळीतकांडातील पीडितेचा आज मृत्यू झाला. त्यानंतर आज हिंगणघाट येथे संतप्त नागरिकांनी पोलिसांवर दगडफेक तसेच धक्काबुक्की केली आहे. तसेच या नागरिकांनी रुग्णवाहिकाही अडवली.  

ही अंत्यत दुर्दैवी घटना घडली तिला वाचवण्यासाठी सरकारने प्रयत्न केले पण ती वाचू शकली नाही,आई वडिलांची भावना समजू शकतो, निश्चितच तिला न्याय मिळेल त्यासाठी सरकार त्या दिशेने कारवाई करत आहे असे राज्यमंत्री बच्चू कडू यांनी प्रसारमाध्यमांशी बोलताना सांगितले. तसेच कुटुंबाच्या दुःखात आम्ही सहभागी आहे. यांसारख्या घटना रोखण्यासाठी काही पाऊले उचलले जातील तसेच नवीन काही कायदे आणता येईल त्या दिशेने कारवाई होईल असेही त्यांनी यावेळी सांगितले.

शाहीन बाग निषेधार्थ सुप्रीम कोर्टाने दिल्ली सरकार आणि दिल्ली पोलिसांना नोटीस पाठविली असून याची पुढील सुनावणी 17 फेब्रुवारीला होणार आहे. अशा पद्धतीने तुम्ही रस्ते बंद ठेवू शकत नाही असे सांगत आंदोलनामुळे  इतर लोकांना त्रास झाला नाही पाहिजे असेही सुप्रीम कोर्टाने म्हटले आहे.

Shaheen Bagh protest matter: Supreme Court issues notice to Delhi Government & Delhi Police and posts the matter for 17th February. https://t.co/WpMB1EGXf6

— ANI (@ANI) February 10, 2020

'ही घटना महाराष्ट्राच्या मातीसाठी अतिशय लाजीरवाणी आहे.अशा घटनांची पुनरावृत्ती टाळण्यासाठी सरकार अधिक संवेदनशीलपणे गुन्हेगारांविरूद्ध कठोर कारवाई करेल.मी तिच्या कुटुंबियांच्या दुःखात सहभागी आह' अशा शब्दांत उपमुख्यमंत्री अजित पवार यांनी ट्विटच्या माध्यमातून खंत व्यक्त केली आहे. समाजानेही महिलांच्या सन्मानाप्रती जागरूक राहिलं पाहिजे. या घटनेतल्या आरोपीला त्याच्या गुन्ह्याची शिक्षा लवकरच मिळेल आणि ती इतरांवर जरब बसवणारी असेल. आपल्या घरात असा नराधम निर्माण होऊ न देणे हीच हिंगणघाट हल्ल्यातील मृत बहिणीला आपली आदरांजली असेल असेही त्यांनी म्हटले आहे.

समाजानेही महिलांच्या सन्मानाप्रती जागरूक राहिलं पाहिजे. या घटनेतल्या आरोपीला त्याच्या गुन्ह्याची शिक्षा लवकरच मिळेल आणि ती इतरांवर जरब बसवणारी असेल. आपल्या घरात असा नराधम निर्माण होऊ न देणे हीच हिंगणघाट हल्ल्यातील मृत बहिणीला आपली आदरांजली असेल!

— Ajit Pawar (@AjitPawarSpeaks) February 10, 2020

हिंगणघाट जळीत कांडातील पीडित शिक्षिकेच्या मृत्यूनंतर राज्यभरात तीव्र पडसाद उमटू लागले आहेत. हिंगणघाट येथील ग्रामस्थांनी तेथील चौकात आंदोलन केले आहे तर दुसरीकडे चंद्रपूर आणि नागपूर मध्येही रास्ता रोको करण्यात आला आहे. या हिंगणघाट येथील ग्रामस्थ आणि पोलिसांमध्ये धक्काबुक्की झाल्याचेही प्रसारमाध्यमांकडून सांगण्यात येत आहे. 

नागरिकत्व दुरुस्ती कायदा (CAA)संमत झाल्यानंतर देशभरात या कायद्याविरोधात पडसाद उमटू लागले. त्यात नागरिकत्व दुरुस्ती कायदा,  राष्ट्रीय नागरिक नोंदणी आणि राष्ट्रीय लोकसंख्या नोंदविरोधात आज दिल्लीत मंडी हाऊस ते संसद भवना पर्यंत निषेध मोर्चा काढण्यात आला.

Delhi: Protest march held from Mandi House to Parliament House against Citizenship Amendment Act, National Register of Citizens and National Population Register pic.twitter.com/2xMiEOtVmA

— ANI (@ANI) February 10, 2020

अनुसूचित जाति-जमाती (SC/ST )अधिनियमातील सरकारच्या 2018 मधील दुरुस्तीवर सुप्रीम कोर्टाचा शिक्कामोर्तब झाला असून केंद्र सरकारच्या कायद्याला हिरवा कंदील मिळालाय. आता अटकेसाठी पूर्व परवानगीची गरज नसल्याचेही यात म्हटले आहे.

सुप्रीम कोर्ट ने अनुसूचित जाति और अनुसूचित जनजाति (SC/ ST) (अत्याचार निवारण) संशोधन कानून, 2018 की संवैधानिक वैधता को बरकरार रखा है। https://t.co/sgmzhce5ko

— ANI_HindiNews (@AHindinews) February 10, 2020

कोल्हापूर महापौरपदी निलोफर आजरेकर यांची निवड झाली असून त्या कोल्हापूरच्या 50 व्या महापौर बनल्या आहेत. कोल्हापूरात पुन्हा एकदा महाविकासआघाडीचा महापौर बनला आहे. निलोफर आजरेकर यांनी 48 मते मिळाली.

हिंगणघाट मधील दुर्दैवी घटनेतील पीडितेला अखेर आपल्या प्राणाला मुकावे लागले. तिच्या कुटुंबीयांना या दु:खातून सावरण्यासाठी शक्ती मिळावी, यासाठी मी प्रार्थना करतो, असे ट्विट करत विरोधी पक्षनेते देवेंद्र फडणवीस यांनी हळहळ व्यक्त केली आहे. तसेच तिच्या मारेक-याला कठोरातील कठोर शिक्षा व्हावी यासाठी राज्य सरकारकडे मागणी केली आहे.

ती आपल्यातून निघून गेली असली तरी तिच्या मारेकर्‍याला कठोरातील कठोर शिक्षा व्हायला हवी. पुन्हा कोणत्या युवतीला अशा दुर्दैवी प्रसंगाला सामोरे जावे लागणार नाही, अशी अद्दल त्याला घडली पाहिजे, अशी मागणी राज्य सरकारकडे आहे.

— Devendra Fadnavis (@Dev_Fadnavis) February 10, 2020

दिल्लीतील गार्गी महाविद्यालयातील विद्यार्थ्यांकडून बाहेरील लोकांकडून झालेल्या लैंगिक अत्याचाराची गंभीर दखल घेत राष्ट्रीय महिला आयोगाची टीम महाविद्यालयात दाखल झाली आहे. या घटनेची योग्य ती चौकशी करुन या घटनेचा छडा लावणार असल्याचे सांगितले जात आहे.

Delhi: A team of National Commission for Women (NCW) arrives at Gargi College. Students of Gargi College have alleged sexual assault by outsiders. https://t.co/rVo3VFnLiu pic.twitter.com/wiekjF76zN

— ANI (@ANI) February 10, 2020

हिंगणघाट जळीत कांडातील पीडित शिक्षिकेचा खटला फास्ट ट्रॅक कोर्टात चालवला जाईल असे गृहमंत्री डॉ. अनिल देशमुख यांनी प्रसारमाध्यमांशी बोलताना सांगितले आहे. या खटल्यासाठी सरकारी वकील म्हणून नेमण्यात आलेल्या उज्ज्वल निकमांना याबाबत सांगण्यात येईल असेही ते म्हणाले. 

हिंगणघाट जळीत कांडातील पीडित शिक्षिकेच्या दुर्दैवी मृत्यू झाला असून संपूर्ण महाराष्ट्रातून हळहळ व्यक्त केली जात आहे. महिला व बालविकास मंत्री यशोमती ठाकूर यांनी ट्विटरच्या माध्यमातून आपली संतप्त प्रतिक्रिया दिली आहे. आरोपीला कठोर शिक्षा देण्यासाठी शासन कटिबद्ध असल्याचेही त्यांनी या ट्विटमध्ये म्हटलं आहे.

माझ्यातली आई आज सुन्न, नि:शब्द झालीय... महाराष्ट्राच्या लेकीचा जीवनाशी संघर्ष संपला, आपण या ‘हिंसक-पुरुषी’ मानसिकतेशी संघर्ष सुरू करूया #हिंगणघाट

— Adv. Yashomati Thakur (@AdvYashomatiINC) February 10, 2020

हिंगणघाट मधील जळीत कांडातील पीडितेचा मृतदेह स्विकारण्यास पीडितेच्या कुटूंबियांनी तयारी दर्शविली असली तरीही गृहमंत्र्यांनी आश्वासन लिखित स्वरुपात द्यावे यासाठी त्यांनी ठिय्या आंदोलन केले आहे. गृहमंत्री अनिल देशमुख यांच्या मध्यस्थीनंतर तिच्या कुटूंबियांनी मृतदेह स्विकारण्यास तयारी दर्शविली होती. मात्र आता 'लिखित स्वरुपात आश्वासन मिळेपर्यंत हे आंदोलन सुरु राहणार असल्याचे' सांगत मृत पीडितेच्या नातेवाईकांनी हिंगणघाटमध्ये ठिय्या आंदोलन केले आहे. 

अर्थमंत्री निर्मला सीतारमण यांनी अर्थसंकल्प 2020 सादर केल्यानंतर आज लोकसभेत 'डायरेक्ट टॅक्स विवाद से विश्वास बिल 2020' सादर करणार आहेत. यात नेमक्या काय काय तरतुदी ठेवण्यात आल्या याबाबत सर्वांमध्ये प्रचंड उत्सुकता आहे.

Finance Minister Nirmala Sitharaman to move 'The Direct Tax Vivad Se Vishwas Bill, 2020' in Lok Sabha today. (file pic) pic.twitter.com/BBJ7VfHMss

— ANI (@ANI) February 10, 2020

ऑस्कर इतिहासात आजवर कधीही घडले नाही अशी घटना घडली आहे. फॉरेन भाषेतील 'Parasite' या सिनेमाने सर्वोत्कृष्ट चित्रपटाचा ऑस्कर पटकावून इतिहास रचला आहे.

'Parasite' creates history, becomes first foreign language film to win Best Picture at Oscars

Read @ANI Story l https://t.co/YPchBN1CGR pic.twitter.com/SmQUHCYDT0

— ANI Digital (@ani_digital) February 10, 2020

ऑस्कर पुरस्कार सोहळ्यातील सर्वात महत्त्वाचा समजला जाणारा सर्वोत्कृष्ट अभिनेत्याचा पुरस्कार Joaquin Phoenix याला 'जोकर' चित्रपटासाठी मिळाला. 

Joaquin Phoenix wins the Oscar for the Best Actor in a Leading Role for the movie 'Joker'. (file pic) #Oscars2020 pic.twitter.com/hToauK9yOy

— ANI (@ANI) February 10, 2020

तर Renee Zellweger हिला 'ज्यूडी' या बायोपिकसाठी सर्वोत्कृष्ट अभिनेत्रीचा पुरस्कार मिळाला.

#Oscars2020 : Renee Zellweger wins Best Actress for her role in the biopic 'Judy'. (file pic) pic.twitter.com/Jq4xxFsWqU

— ANI (@ANI) February 10, 2020

दिल्ली विधानसभा निवडणूक 2020 च्या निकालाला अवघे काही तास शिल्लक राहिले असून सर्वांमध्ये या निकालाची प्रचंड उत्सुकता पाहायला मिळत आहे. या संदर्भात आज सकाळी 10.30 वाजता काँग्रेस लोकसभा खासदारांची पक्षाच्या संसदीय कार्यालयात विशेष बैठक बोलावण्यात आली आहे.

Congress Lok Sabha MPs scheduled to meet at Congress Parliamentary Party Office at 10.30 am today. pic.twitter.com/1KzX98ezkL

— ANI (@ANI) February 10, 2020

बाँग जून हो यांना 'Parasite' या चित्रपटासाठी सर्वोत्कृष्ट दिग्दर्शकाचा ऑस्कर पुरस्कार मिळाला आहे. लॉस एन्जेलिस मध्ये रंगलेला हा ऑस्कर पुरस्कार सोहळा सर्वांचा चर्चेचा विषय ठरला आहे.

The Oscar for the Best Director goes to Bong Joon Ho for the movie 'Parasite'. #Oscars2020 pic.twitter.com/NN8OrTe1g1

— ANI (@ANI) February 10, 2020

हिंगणघाट प्रकरणातील युवतीचा मृत्यु ही अत्यंत दु:खद बातमी असल्याचे राष्ट्रवादी काँग्रेसच्या  खासदार सुप्रिया सुळे यांनी म्हटले आहे. ट्विटच्या माध्यमातून त्यांनी आपल्या भावना व्यक्त केल्या आहेत. पीडितेला न्याय मिळवून देण्यासाठी सरकारने ठोस पावले उचलावी ही विनंती. या मुलीला भावपूर्ण श्रद्धांजली.तिच्या कुटुंबीयांवर कोसळलेल्या दुःखात आम्ही सर्वजण सहभागी आहोत, असेही त्यांनी म्हटले आहे.

अतिशय दुःखद..! अखेर हिंगणघाट प्रकरणातील युवतीचा मृत्यु झाला.या प्रकरणाची सुनावणी फास्टट्रॅक कोर्टात होतेय.पिडितेला न्याय मिळवून देण्यासाठी सरकारने ठोस पावले उचलावी ही विनंती.या मुलीला भावपूर्ण श्रद्धांजली.तिच्या कुटुंबीयांवर कोसळलेल्या दुःखात आम्ही सर्वजण सहभागी आहोत.

— Supriya Sule (@supriya_sule) February 10, 2020

हिंगणघाट येथील जळीत कांडातील पीडितेच्या मृत्यूनंतर तिच्या कुटूंबियांनी मृतदेह स्विकारण्यास नकार दिला होता. मात्र गृहमंत्री डॉ. अनिल देशमुख यांच्या मध्यस्थीनंतर त्यांनी हा मृतदेह स्विकारण्याची तयारी दर्शविली आहे. अनिल देशमुख पीडितेला लवकरात लवकर न्याय मिळवून देणार असल्याचे आश्वासन दिले असून मृत पीडितेच्या भावाला सरकारी नोकरी देणार असल्याचे पीडितेच्या कुटूंबियांना सांगितले आहे. 

आम आदमी पक्षाचे खासदार संजय सिंह यांनी 'महाविद्यालयीन वार्षिक उत्सवात दिल्लीच्या गार्गी महाविद्यालयातील विद्यार्थ्यांशी असभ्य वर्तन केल्याबद्दल राज्यसभेत झिरो आवर नोटीस दिली. दोषींवर लवकरात लवकर कारवाईची मागणीही त्यांनी केली आहे.

Aam Aadmi Party MP Sanjay Singh gives Zero Hour Notice in Rajya Sabha over 'indecent behaviour with students of Delhi's Gargi college during the college's annual festival'. (file pic) pic.twitter.com/D4BJgJ0jmI

— ANI (@ANI) February 10, 2020

लॉस एन्जेलिसमध्ये रंगलेल्या ऑस्कर 2020 मध्ये बराक ओबामा प्रोडक्शनने डेब्यू केलेल्या 'अमेरिकन फॅक्टरी' या चित्रपटासाठी ऑस्कर पटकावला आहे.

Barack Obama's production debut 'American Factory' wins Oscar

Read @ANI Story | https://t.co/IiKZVqicrp pic.twitter.com/O3V0HcSzfO

— ANI Digital (@ani_digital) February 10, 2020

गेल्या 7 दिवसांपासून मृत्यूशी झुंज देणा-या वर्ध्यातील पीडित शिक्षिकेची झुंज अखेर आज संपली. आज सकाळी 6.55 मिनिटांनी पीडितेचा मृत्यू झाला. तिच्या अंगावर पेट्रोल टाकून तिची हत्या करणा-या विकेशला जोपर्यंत शिक्षा होत नाही तोपर्यंत मुलीचा मृतदेह ताब्यात घेणार नाही अशी प्रतिक्रिया मृत मुलीच्या कुटूंबियांनी दिली आहे. 

गेल्या कित्येक दिवसांपासून संपूर्ण महाराष्ट्र ज्या जळीत कांडाने पेटून उठला होता त्या घटनेतील पीडितेचा आज सकाळी दुर्दैवी मृत्यू झाला आहे. गेल्या कित्येक दिवसांपासून ही तरुणी मृत्यूशी झुंज देत होती. आज सकाळी 6.55 मिनिटांनी तिची प्राणज्योत मालवली. डॉ. अनुप मरार यांनी ही ANI शी बोलताना ही माहिती दिली.

Dr Anup Marar, Director, Orange City Hospital & Research Center, #Nagpur: The patient was declared dead at 6.55am today. The probable cause of death was Septicemic shock. Her body has been handed over to police authorities for postmortem. https://t.co/rJ1JbvppD5 pic.twitter.com/LwVaagCRpb

— ANI (@ANI) February 10, 2020