Maha Kumbh Mela 2025: महाकुंभाच्या अधिकृत https://kumbh.gov.in संकेतस्थळाला १८३ देशांतील ३३ लाखांहून अधिक युजर्सची दिली भेट
महाकुंभ 2025 हा सनातन संस्कृतीचे प्रतिनिधित्व करणारा सर्वात मोठा मेळा आणि मानवतेचा अमूर्त वारसा असल्याने जगभरात कुतूहल निर्माण झाले आहे. जगभरातील लोक विविध संकेतस्थळे आणि पोर्टल्सच्या माध्यमातून सक्रियपणे या भव्य सोहळ्याची माहिती घेत आहेत. https://kumbh.gov.in/ महाकुंभाचे अधिकृत संकेतस्थळ विश्वसनीय माहितीचा प्राथमिक स्त्रोत म्हणून उदयास आले असून, जगभरातील कोट्यवधी वापरकर्त्यांकडून लक्षणीय रहदारी दिसून येत आहे.
Maha Kumbh Mela 2025: 4 जानेवारीपर्यंत 183 देशांमधील 33 लाखांहून अधिक अभ्यागतांनी महाकुंभाची माहिती गोळा करण्यासाठी पोर्टलचा वापर केला. 4 जानेवारीपर्यंत एकूण 33,05,667 वापरकर्त्यांनी अधिकृत महाकुंभ पोर्टलला भेट दिली आहे. यात युरोप, अमेरिका आणि आफ्रिका यासारख्या खंडांतील अभ्यागतांचा समावेश आहे, जे या कार्यक्रमाचे जागतिक आकर्षण दर्शवितात. वेबसाइटचे व्यवस्थापन करणाऱ्या तांत्रिक टीमच्या प्रतिनिधीने पुष्टी केली की, हे वापरकर्ते 183 देशांचे आहेत,वेबसाइट भेटींमध्ये भारत अव्वल देश आहे, त्यानंतर अमेरिका, ब्रिटन, कॅनडा आणि जर्मनीमधून लक्षणीय भेटीआहे. अभ्यागतांनी केवळ वेबसाइटवरच प्रवेश केला नाही तर त्यातील सामग्री शोधण्यात वेळ दिला आहे. वेबसाइट लाँच झाल्यापासून ट्रॅफिकमध्ये लक्षणीय वाढ झाल्याचे टेक्निकल टीमने नमूद केले आहे, इव्हेंट जवळ येताच दैनंदिन वापरकर्त्यांची संख्या आता लक्षावधींवर पोहोचली आहे. जगभरातील तब्बल 6,206 शहरांमधून भेटी ंची नोंद करण्यात आली आहे.
उत्तर प्रदेशातील योगी सरकार महाकुंभाला डिजिटल महाकुंभ म्हणून सादर करत आहे. भाविकांच्या सोयीसाठी अनेक डिजिटल प्लॅटफॉर्म विकसित करण्यात आले आहेत. यापैकी महाकुंभाची अधिकृत वेबसाइट आहे, जी सीएम योगी यांनी 6 ऑक्टोबर 2024 रोजी प्रयागराज मध्ये लाँच केली होती. या संकेतस्थळावर महाकुंभाची सविस्तर माहिती देण्यात आली असून, कुंभमेळ्याशी संबंधित परंपरा, त्याचे आध्यात्मिक महत्त्व आणि कुंभमेळ्यावर करण्यात आलेल्या अभ्यासाची माहिती भाविकांना सहज उपलब्ध होणार आहे. याव्यतिरिक्त, वेबसाइटवर प्रमुख आकर्षणे, मुख्य स्नान उत्सव आणि कार्यक्रमादरम्यान काय करावे आणि काय टाळावे याबद्दल मार्गदर्शक तत्त्वे समाविष्ट आहेत.
शिवाय, वेबसाइट प्रवास आणि निवास पर्याय, एक मीडिया गॅलरी आणि प्रयागराजमध्ये नवीन काय आहे यावर प्रकाश टाकते. महाकुंभाचा समृद्ध सांस्कृतिक आणि आध्यात्मिक वारसा जतन करताना भाविकांचा अनुभव वाढविणे हा या डिजिटल उपक्रमाचा उद्देश आहे.
(The above story first appeared on LatestLY on Jan 07, 2025 08:22 AM IST. For more news and updates on politics, world, sports, entertainment and lifestyle, log on to our website latestly.com).
