Weather Update In India: 19 राज्यांमध्ये मुसळधार पावसाची शक्यता, महाराष्ट्र आणि उत्तराखंडमधील 'या' जिल्ह्यांमध्ये Yellow Alert
भारतीय हवामान खात्याने मुंबई, ठाणे, पालघर, रायगड, रत्नागिरी, धुळे, जळगाव आणि नाशिक जिल्ह्यांमध्ये यलो अलर्ट जारी केला आहे. या जिल्ह्यांमध्ये 8 सप्टेंबर रोजी मुसळधार पावसाची शक्यता असल्याचा इशारा हवामान खात्याने दिला आहे.
Weather Update In India: भारतात पुन्हा एकदा मान्सूनच्या पावसाला सुरुवात झाली आहे. येत्या तीन दिवसांत पश्चिम मध्य प्रदेश, महाराष्ट्र आणि गुजरातमध्ये मुसळधार पावसाची (Heavy Rains) शक्यता हवामान खात्याने वर्तवली आहे. शुक्रवारी उत्तर प्रदेश आणि पूर्व राजस्थानमध्ये मुसळधार पावसाची शक्यता आहे. देशाच्या पूर्व भागात मेघगर्जनेसह हलका पाऊस पडू शकतो. गुरुवारी उत्तर प्रदेशसह अनेक राज्यांत पाऊस झाला. शुक्रवारी 19 राज्यांमध्ये मुसळधार पावसाची शक्यता हवामान खात्याने वर्तवली आहे. पुढील दोन दिवस म्हणजे 9 आणि 10 सप्टेंबरला 14 राज्यांमध्ये मुसळधार पावसाची शक्यता वर्तवण्यात आली आहे.
मुंबईत यलो अलर्ट
भारतीय हवामान खात्याने मुंबई, ठाणे, पालघर, रायगड, रत्नागिरी, धुळे, जळगाव आणि नाशिक जिल्ह्यांमध्ये यलो अलर्ट जारी केला आहे. या जिल्ह्यांमध्ये 8 सप्टेंबर रोजी मुसळधार पावसाची शक्यता असल्याचा इशारा हवामान खात्याने दिला आहे. गुरुवारी झालेल्या पावसामुळे मुंबईकरांना उष्णतेपासून काहीसा दिलासा मिळाला. मात्र, पावसामुळे वाहतूक व्यवस्थेवर परिणाम झाला. अनेक ठिकाणी लांबच लांब वाहतूक कोंडी झाली होती, तर काही ठिकाणी पाणी भरल्याने वाहतूक ठप्प झाली. (हेही वाचा - Mumbai Weather Update: मुंबई आणि उपनगरांमध्ये मध्यम ते जोरदार पावसाची शक्यता, जाणून घ्या हवामान वृत्त)
हवामान खात्यानुसार, जी-20 शिखर परिषदेदरम्यान नवी दिल्लीत पाऊस पडू शकतो. 9-10 सप्टेंबर रोजी भारत मंडपम या परिषदेच्या परिसरात पावसाचा अंदाज हवामान खात्याने वर्तवला आहे. विभागाने स्वतंत्र G-20 बुलेटिन जारी केले आहे. त्यानुसार शुक्रवारीही अंशत: ढगाळ वातावरण राहील, तर 8 ते 10 सप्टेंबर दरम्यान तापमान 35 ते 39 अंश सेल्सिअस राहील. त्याचबरोबर किमान तापमान 26 ते 28 अंशांच्या दरम्यान राहण्याची शक्यता आहे.
दरम्यान, शुक्रवारी उत्तराखंडमधील डेहराडूनसह पाच जिल्ह्यांमध्ये पावसाची शक्यता आहे. हवामान केंद्राने डेहराडून, चमोली, बागेश्वर, पिथौरागढ आणि नैनिताल जिल्ह्यांतील निर्जन ठिकाणी पाऊस आणि मेघगर्जनेसाठी यलो अलर्ट जारी केला आहे. याशिवाय टिहरी, पौरी आणि चंपावत जिल्ह्याच्या काही भागात हलका पाऊस पडू शकतो.
(The above story first appeared on LatestLY on Sep 08, 2023 11:47 AM IST. For more news and updates on politics, world, sports, entertainment and lifestyle, log on to our website latestly.com).
