Hyderabad Gangrape Case: हैदराबादमध्ये 32 वर्षीय महिलेवर सामुहिक बलात्कार, फरार आरोपींचा शोध सुरू

तेलंगणाची (Telangana) राजधानी हैदराबादमध्ये (Hyderabad) एका 32 वर्षीय महिलेवर तीन पुरुषांनी निर्दयीपणे सामूहिक बलात्कार (Gangrape) केल्याची धक्कादायक घटना घडली आहे. महिला सुरक्षारक्षक म्हणून काम करते. आरोपींपैकी एक ऑटो चालक आहे. हिमायत सागरजवळ (Himayat Sagar) बुधवारी रात्री ही घटना घडली आहे. आरोपी विरोधात राजेंद्रनगर पोलिसात (Rajendranagar Police Station) तक्रार दाखल करण्यात आली. आरोपींनी महिलेला आटापूर (Atapur) येथील एका टोडी कंपाऊंडमध्ये भेटल्यानंतर एका वेगळ्या जागी नेले. टाइम्स ऑफ इंडियामध्ये प्रकाशित झालेल्या अहवालानुसार, बलात्कार पीडित मुलगी जुन्या शहरातील पुराणापुल येथील रहिवासी आहे आणि मेहदीपट्टणम (Mehdipatnam) येथील एका खासगी संस्थेत सुरक्षा रक्षक म्हणून काम करत आहे.

बुधवारी संध्याकाळी साडेपाचच्या सुमारास ही महिला तातापूरच्या ताडी मैदानावर ताडी खरेदी करण्यासाठी गेली. मीडिया रिपोर्टनुसार, ऑटो ड्रायव्हर ताडी कंपाऊंडमध्ये इतर दोन पुरुषांसह ताडीचे सेवन करत होता आणि जेव्हा ती महिला कंपाऊंडमध्ये प्रवेश करणार होती. तेव्हा आरोपीने त्या महिलेला थांबवले आणि त्याने तिच्यासाठी ताडी खरेदी करण्याची ऑफर दिली. हेही वाचा Rajasthan Shocker: अल्पवयीन मुलीवर बलात्कार, अश्लील व्हिडिओ काढून सोशल मीडियावर केले अपलोड; आरोपीला अटक

यानंतर तिन्ही आरोपींनी महिलेला पटवून दिले की त्यांना त्यांच्यासोबत एका चांगल्या ठिकाणी सामील करून घ्या जेथे अडथळा नाही. ते बसून ताडी पीऊ शकतात.  आरोपी आणि सुरक्षारक्षकाने ताडीचे सेवन केले. जेव्हा ती मद्यधुंद अवस्थेत होती, तेव्हा आरोपीने तिच्यावर बलात्कार केला. तसेच तिच्या मौल्यवान वस्तूही चोरल्या.  प्राणघातक हल्ला केल्यानंतर आरोपीने तिला घटनास्थळी सोडले आणि तिथून पळून गेले, असे मीडिया हाऊसने एका पोलीस अधिकाऱ्याच्या हवाल्याने सांगितले.

रात्री 9:45 च्या सुमारास तिला शुद्धी आली. आरोपीने सोन्याचे मंगळसूत्र आणि मोबाईल फोनसह तिच्या मौल्यवान वस्तू चोरल्याचा आरोपही महिलेने केला आहे.  महिलेच्या तक्रारीच्या आधारे भारतीय दंड संहिता कलम 376-डी आणि 392 अंतर्गत गुन्हा दाखल करण्यात आला आहे. पोलीस परिसरातील सीसीटीव्ही फुटेजवरही लक्ष ठेवून आहेत. सीसीटीव्ही फुटेज विश्लेषणातून कुकटपल्ली येथील एका व्यक्तीचा ऑटोचा नोंदणी क्रमांक उघडकीस आला. उपलब्ध माहितीच्या आधारे, तीन विशेष पथकांनी गुन्हेगारांना पकडण्यासाठी शोधमोहीम सुरू केली आहे. पीडितेला वैद्यकीय तपासणीसाठी पाठवण्यात आले.

(The above story first appeared on LatestLY on Oct 15, 2021 06:39 PM IST. For more news and updates on politics, world, sports, entertainment and lifestyle, log on to our website latestly.com).